പാദങ്ങളിലെ വിണ്ടുകീറൽ മാറ്റാൻ മെഴുക് ചികിത്സ: ലളിതമായ വഴികൾ
പ്രതീകാത്മക ചിത്രം
വരണ്ട ചർമ്മം മൂലം പാദങ്ങളിൽ ഉണ്ടാകുന്ന വിള്ളലുകൾ പലരെയും അലട്ടുന്ന ഒരു പ്രധാന പ്രശ്നമാണ്. വേണ്ടത്ര ശ്രദ്ധ ലഭിക്കാതെ വരുമ്പോൾ ഇതൊരു ചെറിയ സൗന്ദര്യപ്രശ്നമായി ഒതുങ്ങില്ല, മറിച്ച് കാലക്രമേണ വിള്ളലുകൾ വർധിക്കുകയും നടക്കുമ്പോൾ അസഹ്യമായ വേദനയ്ക്ക് കാരണമാവുകയും ചെയ്യുന്നു. അതിനാൽ തന്നെ, തുടക്കത്തിൽ തന്നെ ഇതിന് പരിഹാരം കാണേണ്ടത് അത്യാവശ്യമാണ്. പാദങ്ങളിലെ വിള്ളലുകൾ പൂർണ്ണമായും ഭേദമാക്കാൻ സഹായിക്കുന്ന ഒരു മികച്ച പ്രകൃതിദത്ത ക്രീമിനെക്കുറിച്ചാണ് താഴെ പറയുന്നത്. വീട്ടിൽ ലഭ്യമായ ചേരുവകൾ കൊണ്ട് തയ്യാറാക്കാവുന്ന ഈ വിദ്യ, ആദ്യത്തെ ഉപയോഗത്തിൽ തന്നെ ഫലം നൽകുന്നു.
ആവശ്യമായ ചേരുവകൾ
ബീ വാക്സ് – ഒരു ചെറിയ സ്പൂൺ
കടുകെണ്ണ – ഒരു ചെറിയ സ്പൂൺ
കസ്തൂരി മഞ്ഞൾപ്പൊടി – കാൽ ചെറിയ സ്പൂൺ
തയ്യാറാക്കുന്ന രീതി
ആദ്യം ബീ വാക്സ് ഡബിൾ ബോയിലിംഗ് രീതി ഉപയോഗിച്ച് നന്നായി ഉരുക്കിയെടുക്കുക. ഇതിലേക്ക് കടുകെണ്ണയും കസ്തൂരി മഞ്ഞൾപ്പൊടിയും ചേർത്ത് നന്നായി യോജിപ്പിച്ച് ക്രീമിൻ്റെ പരുവത്തിലാക്കി മാറ്റുക.
ഉപയോഗിക്കേണ്ട ക്രമം
രാത്രി കിടക്കുന്നതിന് തൊട്ടുമുമ്പായി വേണം ഈ മിശ്രിതം പാദങ്ങളിൽ പുരട്ടാൻ. വിണ്ടുകീറിയ ഭാഗങ്ങളിൽ ശ്രദ്ധ കേന്ദ്രീകരിച്ചോ അല്ലെങ്കിൽ പാദങ്ങളിൽ ഉടനീളമോ ഇത് തേച്ചുപിടിപ്പിക്കാം. ശേഷം സോക്സ് ധരിച്ച് ഉറങ്ങാൻ കിടക്കുക. പിറ്റേന്ന് രാവിലെ സോപ്പ് ഉപയോഗിച്ച് കാലുകൾ കഴുകി വൃത്തിയാക്കാവുന്നതാണ്. മാസത്തിൽ എട്ടു തവണയെങ്കിലും ഇങ്ങനെ ചെയ്യുന്നത് പാദങ്ങളെ മൃദുവാക്കാനും വിള്ളലുകൾ പൂർണ്ണമായി മാറാനും സഹായിക്കും. ആദ്യ തവണ ഉപയോഗിക്കുമ്പോൾ തന്നെ പാദങ്ങളുടെ മൃദുത്വം നിങ്ങൾക്ക് അനുഭവപ്പെടും.
RELATED TOPICS: CRACKED HEELS HOME REMEDY, FOOT CRACK CREAM, NATURAL HEEL CARE, CRACKED FEET TREATMENT, KAALILE VINDUKEERAL REMEDY
