ഡീസലിനെ വെല്ലുന്ന മൈലേജ്: വിപണി കീഴടക്കാൻ വരുന്നു 5 പുതിയ ഹൈബ്രിഡ് എസ്‌യുവികൾ
ഇലക്ട്രിക് വാഹനങ്ങൾക്ക് ലഭിക്കുന്ന അതേ സ്വീകാര്യത ഇപ്പോൾ വിപണിയിൽ ഹൈബ്രിഡ് കാറുകൾക്കും ലഭിക്കുന്നുണ്ട്. വിപണിയുടെ ഈ പുതിയ ചുവടുമാറ്റം മനസ്സിലാക്കിയ മുൻനിര വാഹന നിർമ്മാതാക്കൾ, ഇലക്ട്രിക് വാഹനങ്ങൾക്കൊപ്പം തന്നെ ഹൈബ്രിഡ് സാങ്കേതികവിദ്യയിലും കൂടുതൽ ശ്രദ്ധ കേന്ദ്രീകരിക്കുന്നു. ഇലക്ട്രിക് വാഹനങ്ങളിലെ റേഞ്ച് സംബന്ധിച്ച ആശങ്കകളോ പെട്രോൾ, ഡീസൽ വണ്ടികളിലെ ഇന്ധനച്ചെലവിനെക്കുറിച്ചുള്ള പേടിയോ ഇല്ലാതെ യാത്ര ചെയ്യാമെന്നതാണ് ഹൈബ്രിഡ് മോഡലുകളെ ജനപ്രിയമാക്കുന്നത്. 2027-ഓടെ ഇന്ത്യൻ നിരത്തുകളിലിറങ്ങാൻ തയ്യാറെടുക്കുന്ന പ്രമുഖ ഹൈബ്രിഡ് എസ്‌യുവികൾ ഇവയാണ്.
ഹോണ്ട സിആർ-വി (Honda CR-V): വില്‍പ്പനയിലെ മാന്ദ്യത്തെത്തുടർന്ന് 2022-ൽ ഇന്ത്യയിൽ നിർത്തിവെച്ച ഹോണ്ടയുടെ സിആർ-വി വീണ്ടും വിപണിയിലേക്ക് തിരിച്ചുവരികയാണ്. പുതിയ കാലഘട്ടത്തിന് അനുയോജ്യമായ മാറ്റങ്ങളോടെ ഹൈബ്രിഡ് പതിപ്പായാകും ഈ എസ്‌യുവി എത്തുക. നിലവിൽ ആഗോള വിപണികളിൽ ലഭ്യമായ ആറാം തലമുറ സിആർ-വിയുടെ ഇന്ത്യൻ പതിപ്പായിരിക്കും ഇത്. 2.0 ലിറ്റർ ഫോർ-സിലിണ്ടർ ഡയറക്ട് ഇൻജക്ഷൻ പെട്രോൾ എൻജിനോടൊപ്പം ഹോണ്ടയുടെ അത്യാധുനിക 2-മോട്ടർ ഇ:എച്ച്ഇവി (e:HEV) സാങ്കേതികവിദ്യയും ഇതിൽ ഉൾപ്പെടുത്തും. ഇതിലെ രണ്ട് മോട്ടറുകളിൽ ഒന്ന് ചക്രങ്ങളെ ചലിപ്പിക്കുമ്പോൾ, മറ്റേത് ജനറേറ്ററായി പ്രവർത്തിക്കും. സംയോജിതമായി 204 ബിഎച്ച്പി കരുത്തും 334 എൻഎം ടോർക്കും ഈ വാഹനം പ്രദാനം ചെയ്യുന്നു. പൂർണ്ണമായും വിദേശത്ത് നിർമ്മിച്ച് ഇന്ത്യയിലേക്ക് ഇറക്കുമതി ചെയ്യുന്ന രീതിയിലായിരിക്കും ഈ വാഹനം വിപണിയിലെത്തുക.
റെനോ ബോറിയൽ/ബിഗ്‌സ്റ്റർ (Renault Boreal/Bigster): റെനോ ഇന്ത്യക്കായി ഒരുക്കുന്ന ഏഴ് സീറ്റുകളുള്ള പുതിയ എസ്‌യുവിയാണിത്. ഡസ്റ്റർ പ്ലാറ്റ്‌ഫോമിനെ അടിസ്ഥാനമാക്കി നിർമ്മിക്കുന്ന ഈ വാഹനം ഇതിനകം ഇന്ത്യയുടെ വിവിധ ഭാഗങ്ങളിൽ പരീക്ഷണയോട്ടം നടത്തിവരുന്നു. റെനോയുടെ സബ്-ബ്രാൻഡായ ഡാസിയ അവതരിപ്പിച്ച ബിഗ്‌സ്റ്റർ എസ്‌യുവിയുമായി ഈ വാഹനത്തിന് വലിയ സാമ്യങ്ങളുണ്ട്. ഏഴ് സീറ്റുകൾ ഉള്ളതിനാൽ സാധാരണ ഡസ്റ്ററിനേക്കാൾ നീളം ഇതിന് കൂടുതലായിരിക്കും. 1.8 ലിറ്റർ നാച്ചുറലി ആസ്പിറേറ്റഡ് സ്ട്രോങ്ങ് ഹൈബ്രിഡ് പെട്രോൾ എൻജിനാണ് ഇതിന്റെ ഹൃദയം. ഡെഡിക്കേറ്റഡ് ഹൈബ്രിഡ് ട്രാൻസ്മിഷനുമായി എത്തുന്ന ഈ മോഡൽ, അഞ്ച് സീറ്റർ ഡസ്റ്ററിന് സമാനമായ മികച്ച ഇന്ധനക്ഷമത നൽകാൻ പ്രാപ്തമാണ്.
ജെയ്കൂ ജെ5 (Jaecoo J5)
