വൻ അട്ടിമറിയിൽ ഗൾഫ് ഔട്ട്; ഇന്ത്യൻ എൽ.പി.ജി വിപണി പിടിച്ച് അമേരിക്ക, മാറുന്ന സമവാക്യങ്ങൾ

ഇന്ത്യൻ എൽ.പി.ജി വിപണി പിടിച്ച് യു.എസ്. ഗൾഫിൽ നിന്നുള്ള പർച്ചേസ് കുറയുമ്പോൾ, യു.എസിൽ നിന്ന് ഇന്ത്യയിലേക്ക് എൽ.പി.ജി (Liquefied Petroleum Gas (LPG) ) സപ്ലൈ വർധിക്കുന്നതായിട്ടാണ് കണക്കുകൾ. ഇറാൻ-യു.എസ് യുദ്ധത്തെ തുടർന്നാണ് ഇന്ത്യയുടെ എൽ.പി.ജി ഇറക്കുമതി സംബന്ധിച്ച സമവാക്യങ്ങൾ മാറി മറിഞ്ഞത്. മറ്റൊരു തരത്തിൽ പറഞ്ഞാൽ രാജ്യത്തെ സാധാരണക്കാരുടെ വീടുകളിൽ എൽ.പി.ജി ലഭ്യത ഉറപ്പാക്കുന്നതിൽ യു.എസ് നിലവിൽ വലിയ പങ്ക് വഹിക്കുന്നു.ഇന്ത്യയും, എൽ.പി.ജി ഇറക്കുമതിയുംലോകത്തെ രണ്ടാമത്തെ വലിയ എൽ.പി.ജി ഇറക്കുമതി രാജ്യമാണ് ഇന്ത്യ. പരമ്പരാ​ഗതമായി പേർഷ്യൻ ​ഗൾഫിൽ നിന്നാണ് രാജ്യത്തേക്ക് വലിയ തോതിൽ പാചക വാതകം എത്തിയിരുന്നത്. എന്നാൽ പശ്ചിമേഷ്യൻ യുദ്ധത്തെ തുടർന്ന് ഹോർമുസ് കടലിടുക്കിൽ അടക്കം ചരക്ക് നീക്കങ്ങൾക്ക് തടസ്സം നേരിട്ടു. വൻ തോതിൽ ഇന്ത്യയ്ക്ക് എൽ.പി.ജി സപ്ലൈ ചെയ്തിരുന്ന ഖത്തർ, ഒമാൻ എന്നിവിടങ്ങളിൽ നിന്നുള്ള വരവും കുറഞ്ഞു. ഇതോടെ മറ്റ് മാർ​ഗങ്ങൾ തേടാൻ ഇന്ത്യ നിർബന്ധിതമായി.’ദിസ് ടൈം ഫോർ’ യു.എസ്, ആഫ്രിക്കയു.എസ്, ആഫ്രിക്ക എന്നിവിടങ്ങളിൽ നിന്നുള്ള ഇറക്കുമതി വിഹിതം ​ഗണ്യമായി വർധിക്കുന്ന സാഹചര്യമാണ് ഉടലെടുത്തത്. കഴിഞ്ഞ വർഷമാണ് ഇന്ത്യ യു.എസുമായി ആദ്യമായി എൽ.പി.ജി വിതരണവുമായി ബന്ധപ്പെട്ട കരാറിൽ ഏർപ്പെടുന്നത്. മധ്യപൂർവ്വ ദേശത്തു നിന്നുള്ള ഇറക്കുമതി ആശ്രിതത്ത്വം കുറയ്ക്കുക എന്നത് ഇതിന് പിന്നിലുള്ള ലക്ഷ്യമായിരുന്നു.കഴിഞ്ഞ വർഷം ഇന്ത്യയുടെ ആകെ എൽ.പി.ജി ഇറക്കുമതിയിൽ യു.എസിന്റേത് 6% വിഹിതം മാത്രമായിരുന്നു. നിലവിൽ ഇത് 20% എന്ന തോതിലേക്ക് മൂന്നിരട്ടിയിലധികം വർധന നേടിയതായി ബ്ലൂംബർ​ഗ് റിപ്പോർട്ട് ചെയ്യുന്നു. ഇപ്പോൾ ഇന്ത്യയ്ക്ക് ഏറ്റവുമധികം പാചകവാതകം നൽകുന്ന രാജ്യവും യു.എസാണ്.ഈ മാസം തുടക്കത്തിൽ, പൊതുമേഖലാ എണ്ണക്കമ്പനികൾ അടുത്ത വർഷത്തേക്ക് യു.എസിൽ നിന്നുള്ള ഇറക്കുമതിക്കുള്ള ടെൻഡർ പുറത്തിറക്കിയിട്ടുണ്ട്. വരും വർഷവും യു.എസിൽ നിന്ന് ഇവിടത്തെ ആകെ ഇറക്കുമതിയുടെ 20% ലഭ്യമാകുമെന്നാണ് കണക്കാക്കപ്പെടുന്നത്. ഇത്തരം പർച്ചേസുകൾ ഇന്ത്യൻ എൽ.പി.ജി വിപണിയിൽ യു.എസിന്റെ റോൾ വർധിപ്പിക്കുകയാണ് ചെയ്യുക.ഫെസ്റ്റിവൽ ഡിമാൻഡ് മുന്നിൽആഭ്യന്തര തലത്തിൽ എൽ.പി.ജി ഉല്പാദനം വർധിപ്പിക്കാൻ ഇന്ത്യൻ എണ്ണക്കമ്പനികൾ ശ്രമിക്കുന്നുമുണ്ട്. ഇതിന്റെ ഫലമായി പ്രതിദിന ഉല്പാദനം ഏകദേശം 44,000 ടൺ എന്ന നിലയിലേക്ക് വർധിച്ചു. ഇത് ആ​ഗസ്റ്റിലെ ശരാശരി പ്രൊഡക്ഷനേക്കാൾ ഏകദേശം 20% ഉയർച്ചയാണ്.ഇന്ത്യയിൽ ഫെസ്റ്റിവൽ സീസൺ അതിന്റെ പാരമ്യത്തിലേക്ക് കടക്കുകയാണ്. നവംബറിൽ ദീപാവലി കൂടി എത്തുന്നതോടെ എൽ.പി.ജി ഉപഭോ​ഗം കുതിച്ചുയരുമെന്നാണ് വിലയിരുത്തൽ. മഞ്ഞുകാലത്ത് ഡിമാൻഡ് വർധിക്കുക കൂടി ചെയ്യുമ്പോൾ സപ്ലൈയിൽ സമ്മർദ്ദമുണ്ടാകാതിരിക്കാനുള്ള നീക്കങ്ങളാണ് എണ്ണക്കമ്പനികൾ നിലവിൽ നടത്തുന്നത്.


Read News