BUSINESS
ഓഗസ്റ്റ് 16-ന് മുമ്പ് പൂര്ത്തിയാക്കേണ്ട എല്പിജി കാര്യങ്ങള്, അല്ലേല് ഉയര്ന്ന വില; ഇന്ഡെയ്ന്, ഭാരത്, എച്ച്പി ഉപഭോക്താക്കള് ബാധകം
LPG eKYC Online Deadline August 16: ഓരോ മലയാളിയുടെയും അടുക്കള ബജറ്റ് താളം തെറ്റാതിരിക്കാന് ഗ്യാസ് സബ്സിഡി അത്യാവശ്യമാണ്. 2026 ഓഗസ്റ്റ് 16 നകം ഇ- കെവൈസി നടപടികള് പൂര്ത്തീകരിക്കാത്ത പക്ഷം, സബ്സിഡി ആനുകൂല്യം നഷ്ടപ്പെട്ട് ഉയര്ന്ന വാണിജ്യ നിരക്കില് സിലിണ്ടര് വാങ്ങേണ്ടി വരാമെന്ന് റിപ്പോര്ട്ട്. മൊബൈല് ഫോണ് ഉപയോഗിച്ച് മിനിറ്റുകള്ക്കുള്ളില് വീട്ടിലിരുന്ന് തന്നെ പൂര്ത്തീകരിക്കാവുന്ന ഒരു നടപടിയാണിത്. എന്നാല് പലരും ഇപ്പോഴും ഇക്കാര്യം ഗൗരവമായി എടുത്തിട്ടില്ലെന്നാണ് റിപ്പോര്ട്ടുകള് കൂട്ടിച്ചേര്ക്കുന്നത്. എല്പിജി (LPG) പാചകവാതക ഉപഭോക്താക്കള് ആധാര് അടിസ്ഥാനമാക്കിയുള്ള ഇ-കെവൈസി (e-KYC) നിര്ബന്ധമായും പൂര്ത്തീയാക്കേണ്ടതുണ്ട്. ഇന്ത്യന് ഓയില് ഉള്പ്പെടെയുള്ള കമ്പനികള് ഇതിനായി ഉപഭോക്താക്കള്ക്ക് മെസേജുകള് അയക്കുന്നുണ്ട്.മലയാളികള്ക്ക് വളരെ പ്രധാനംകേരളത്തിലെ ഭൂരിഭാഗം വീടുകളിലും പാചകത്തിന് ആശ്രയിക്കുന്നത് എല്പിജി ഗ്യാസിനെയാണ്. ഇ-കെവൈസി ചെയ്യാത്തതുമൂലം ഗാര്ഹിക സബ്സിഡി ആനുകൂല്യം നഷ്ടപ്പെട്ടാല്, അത് സാധാരണക്കാരായ മലയാളികളുടെ കുടുംബ ബജറ്റിനെ സാരമായി ബാധിക്കും.ശ്രദ്ധിക്കേണ്ട കാര്യങ്ങള്2026 ഓഗസ്റ്റ് 16 ആണ് ഇ-കെവൈസി പൂര്ത്തിയാക്കാനുള്ള സമയപരിധി. അവസാന നിമിഷം വരെ കാത്തിരിക്കാതെ എത്രയും വേഗം ഈ നടപടി പൂര്ത്തിയാക്കുന്നതാണ് നല്ലത്. ഇന്ഡെയ്ന് (Indane), ഭാരത് ഗ്യാസ് (Bharat Gas), എച്ച്.പി (HP Gas) എന്നീ മൂന്ന് കമ്പനികളുടെ ഉപഭോക്താക്കള്ക്കും ഈ നിയമം ബാധകമാണ്. ഗ്യാസ് ഏജന്സിയില് നേരിട്ട് എത്തിയോ, സിലിണ്ടര് വിതരണം ചെയ്യാന് വരുന്ന ഡെലിവറി ജീവനക്കാര് വഴിയോ, സ്വന്തം മൊബൈല് ആപ്പുകള് വഴിയോ ഇ- കെവൈസി പൂര്ത്തീകരിക്കാവുന്നതാണ്.എങ്ങനെ ഇ-കെവൈസി (e-KYC) പൂര്ത്തീകരിക്കാം?സ്മാര്ട്ട്ഫോണ് വഴിയാണ് ഏറ്റവും എളുപ്പം. നിങ്ങളുടെ ഗ്യാസ് കണക്ഷന് ഏതാണോ അതിനനുസരിച്ചുള്ള ആപ്പ് പ്ലേസ്റ്റോറില് നിന്നോ (Android), ആപ്പ് സ്റ്റോറില് നിന്നോ (iOS) ഡൗണ്ലോഡ് ചെയ്യുകയാണ് ആദ്യം ചെയ്യേണ്ടത്. ഇന്ഡെയ്ന് ഗ്യാസ്: IndianOil ONE ഭാരത് ഗ്യാസ്: Hello BPCL എച്ച്.പി ഗ്യാസ്: HP Payഇ-കെവൈസി നടപടിക്കായി മുഖം സ്കാന് ചെയ്യുന്നതിനായി കേന്ദ്ര സര്ക്കാരിന്റെ ‘AadhaarFaceRD’ എന്ന ആപ്പ് കൂടി ഫോണില് ഇന്സ്റ്റാള് ചെയ്യുക. ഇത് ഫോണില് ഓപ്പണ് ആകില്ല. ബാക്ക്ഗ്രൗണ്ടില് പ്രവര്ത്തിക്കുന്ന ആപ്പാണ്.തുടര്ന്ന് ഗ്യാസ് ഏജന്സിയില് രജിസ്റ്റര് ചെയ്തിട്ടുള്ള നിങ്ങളുടെ മൊബൈല് നമ്പര് ഉപയോഗിച്ച് ആപ്പില് ലോഗിന് ചെയ്യുക. മൊബൈലില് വരുന്ന OTP നല്കി വെരിഫൈ ചെയ്യുക. നിങ്ങളുടെ 16 അക്ക LPG ID നല്കി ഗ്യാസ് അക്കൗണ്ട് ആപ്പുമായി ലിങ്ക് ചെയ്യുക (ഇന്ഡെയ്ന് ഗ്യാസിന് ഇത് ആവശ്യമായി വന്നേക്കാം). ഇന്ഡെയ്ന് (Indane) ആപ്പിലെ ‘My Profile’ എന്ന ഭാഗത്ത് പോയാല് e-KYC ഓപ്ഷന് കാണാം.ഭാരത് ഗ്യാസ് (Bharat) അപ്പില് ഹോം പേജില് തന്നെ e-KYC ഓപ്ഷന് ലഭ്യമാണ്. എച്ച്പി (HP) ആപ്പില് ‘LPG Section’ എന്നതിന് കീഴില് ഈ ഓപ്ഷന് ഉണ്ടാകുക. e-KYC ഓപ്ഷനില് ക്ലിക്ക് ചെയ്ത് നിബന്ധനകള് അംഗീകരിക്കുക. തുടര്ന്ന് ‘Face Scan/Capture’ എന്നതില് ക്ലിക്ക് ചെയ്യുക. അപ്പോള് AadhaarFaceRD ആപ്പ് വഴി നിങ്ങളുടെ ക്യാമറ ഓണ് ആകും. വ്യക്തമായ വെളിച്ചമുള്ള സ്ഥലത്ത് നിന്ന് സ്ക്രീനിലെ നിര്ദ്ദേശങ്ങള്ക്കനുസരിച്ച് (കണ്ണുകള് ചിമ്മുക മുതലായവ) മുഖം സ്കാന് ചെയ്യുക. സ്കാനിങ് പൂര്ത്തിയായാല് നിങ്ങളുടെ ഇ-കെവൈസി വിജയകരമായി പൂര്ത്തിയായെന്ന മെസ്സേജ് സ്ക്രീനില് ലഭിക്കും.(മുകളില് പറഞ്ഞ വിവരങ്ങള് നിലവില് ലഭ്യമായ റിപ്പോര്ട്ടുകള് അടിസ്ഥാനമാക്കിയാണ്. നിങ്ങളുടെ എല്പിജി ഏജന്റുമായി ചര്ച്ച ചെയ്യാവുന്നതാണ്. മൊബൈല് വഴി ചെയ്യാന് പ്രയാസമുള്ളവര്ക്ക് പാചകവാതകം വീട്ടിലെത്തിക്കുന്ന ഡെലിവറി ജീവനക്കാരോട് ആവശ്യപ്പെട്ടാല് അവരുടെ മൊബൈല് ഫോണിലെ പ്രത്യേക ആപ്പ് വഴി ഇ- കെവൈസി സൗജന്യമായി ചെയ്തു തരുന്നതാണ്).
Read News
