പെട്രോള്‍, ഡീസല്‍, ഗ്യാസ് വില കുറഞ്ഞു; കേരളത്തിലെ പുതുക്കിയ എല്‍പിജി സിലിണ്ടര്‍ വില അറിയാം

Petrol Diesel LPG Price Cut: പണപ്പെരുപ്പ ആശങ്കകള്‍ക്കിടെ 19 കിലോഗ്രാം വാണിജ്യ സിലിണ്ടറുകളുടെ വില കുറച്ച് എണ്ണക്കമ്പനികള്‍. 183 രൂപയുടെ കുറവാണ് വരുത്തിയിരിക്കുന്നത്. 2026 ല്‍ ഇതാദ്യമായാണ് എണ്ണക്കമ്പനികള്‍ വാണിജ്യ സിലിണ്ടറിന്റെ വില കുറയ്ക്കുന്നത്. ആഗോള എണ്ണവിലയിലെ കുറവാണ് നിലവിലെ ആശ്വാസത്തിന് കാരണം. അതേസമയം 14.2 കിലോഗ്രാം ഗാര്‍ഹിക എല്‍പിജി സിലിണ്ടര്‍ വിലയില്‍ മാറ്റമില്ല. 5 കിലോഗ്രാം സിലിണ്ടറിന് 13 രൂപ കുറഞ്ഞിട്ടുണ്ട്. സ്വകാര്യ എണ്ണക്കമ്പനിയായ നയാര തങ്ങളുടെ ഔട്ട്‌ലെറ്റുകള്‍ വഴി വിതരണം ചെയ്യുന്ന പെട്രോള്‍, ഡീസല്‍ വിലയും കുറച്ചിട്ടുണ്ട്. പെട്രോള്‍ ലിറ്ററിന് 5 രൂപയും, ഡീസല്‍ ലിറ്ററിന് 3 രൂപയുമാണ് കുറച്ചത്. അതേസമയം രാജ്യത്തെ മറ്റു എണ്ണക്കമ്പനികള്‍ ഇന്ധനവിലയില്‍ കുറവ് വരുത്തിയിട്ടില്ല. വില കുറയാനുള്ള പ്രധാന കാരണങ്ങള്‍ഇറാന്‍- യുഎസ് സമാധാന കരാര്‍ ചര്‍ച്ചകളുടെ പശ്ചാത്തലത്തില്‍ ഹോര്‍മുസ് തുറന്നിരിക്കുകയാണ്. ആഗോള എണ്ണവില ബാരലിന് 75 ഡോളറില്‍ താഴെയെത്തി. ആഗോള വിലയിലെ ഈ ഇടിവാണ് പ്രാദേശിക വില കുറയാനുള്ള പ്രധാന കാരണം. അമേരിക്കയും ഇറാനും തമ്മില്‍ 60 ദിവസത്തേക്ക് വെടിനിര്‍ത്തല്‍ കരാര്‍ നീട്ടാന്‍ ധാരണയായതോടെ മേഖലയിലെ സംഘര്‍ഷങ്ങള്‍ക്ക് താല്‍ക്കാലിക ശമനമുണ്ടായി. ഹോര്‍മുസ് കടലിടുക്കിലൂടെയുള്ള കപ്പല്‍ ഗതാഗത തടസങ്ങള്‍ ഒഴിഞ്ഞത് വിതരണം സുഗമമാക്കുകയും ചെയ്തു. പാത സുഗമമായതോടെ കമ്പനികളുടെ ലോജിസ്റ്റിക്‌സ് ഇന്‍ഷുറന്‍സ് ചെലവുകളും കുറഞ്ഞു. നേട്ടം ആര്‍ക്കൊക്കെ? വാണിജ്യ സിലിണ്ടര്‍ ഉപയോക്താക്കള്‍ക്കും, നയാര പെട്രോള്‍ പമ്പിനെ ആശ്രയിക്കുന്നവര്‍ക്കും നടപടി നേട്ടമാണ്. കഴിഞ്ഞ മാസങ്ങളില്‍ വാണിജ്യ സിലിണ്ടര്‍ വില കുത്തനെ ഉയര്‍ന്നിരുന്നു. അതുപ്രകാരം നിലവിലെ വിലക്കുറവ് വളരെ കുറവാണ്. എന്നാല്‍ നിലവിലെ കുറവ് വരും മാസങ്ങളിലും വില കുറഞ്ഞേക്കുമെന്ന ഒരു പ്രത്യശ നല്‍കുന്നു. ഹോട്ടലുകള്‍, റസ്‌റ്റോറന്റുകള്‍, കമ്മ്യൂണിറ്റി കിച്ചനുകള്‍, കാറ്ററിംഗ്, മെസ്സുകള്‍, ഹോസ്റ്റലുകള്‍, തട്ടുകടകള്‍, വഴിയോ കച്ചവടക്കാന്‍ എന്നിവര്‍ക്ക് വാണിജ്യ സിലിണ്ടര്‍ വില കുറഞ്ഞത് നേരിയ ആശ്വാസം നല്‍കും. എല്‍പിജി ഉപയോഗിക്കുന്ന കമ്പനികള്‍ക്കും നേട്ടം തന്നെ. പുതുക്കിയ എല്‍പിജി വില നഗരം 19 കിലോ പഴയ വില (ജൂണ്‍) 19 കിലോ പുതിയ വില (ജൂലൈ 1 മുതല്‍) ഗാര്‍ഹിക സിലിണ്ടര്‍ വിലഡല്‍ഹി3,113.50 രൂപ2,930.00 രൂപ942.00 രൂപമുംബൈ 3,061.50 രൂപ2,878.00 രൂപ941.50 രൂപചെന്നൈ 3,274.50 രൂപ3,100.50 രൂപ957.50 രൂപതിരുവനന്തപുരം 3,169.00 രൂപ2,995.00 രൂപ952.00 രൂപകൊച്ചി 3,148.50 രൂപ2,974.50 രൂപ945.00 രൂപകോഴിക്കോട് 3,163.50 രൂപ2,989.50 രൂപ950.50 രൂപപ്രാദേശിക നികുതികളും, ട്രാന്‍സ്‌പോര്‍ട്ടേഷന്‍ ചാര്‍ജുകളും കാരണം കേരളത്തിലെ വിവിധ ജില്ലകളില്‍ വിലയില്‍ ചെറിയ രീതിയിലുള്ള വ്യത്യാസങ്ങള്‍ ഉണ്ടാകാം. കൃത്യമായ വിലകള്‍ അറിയാന്‍ നിങ്ങളുടെ എല്‍പിജി ഡീലറെ ബന്ധപ്പെടുക.


Source link