സിട്രോണിന്റെ 108-ാം വാർഷികം; അത്യാധുനിക ഫീച്ചറുകളുമായി എയർക്രോസ് ‘കംഫർട്ട് എഡിഷൻ’ വിപണിയിൽ

പ്രമുഖ ഫ്രഞ്ച് വാഹന നിർമാതാക്കളായ സിട്രോൺ തങ്ങളുടെ ജനപ്രിയ മോഡലായ എയർക്രോസിന്റെ എയർക്രോസ് കംഫർട്ട് എഡിഷൻ ഇന്ത്യൻ വിപണിയിൽ അവതരിപ്പിച്ചു. യാത്രക്കാരുടെ സുഖസൗകര്യങ്ങൾക്കും പ്രായോഗികതയ്ക്കും മുൻഗണന നൽകുന്ന ബ്രാൻഡിന്റെ പാരമ്പര്യം വിളിച്ചോതുന്നതാണ് പുതിയ പതിപ്പ്. സിട്രോണിന്റെ 108-ാം വാർഷികാഘോഷങ്ങളുടെ ഭാഗമായാണ് ഈ പ്രത്യേക എഡിഷൻ വിപണിയിലെത്തിച്ചിരിക്കുന്നത്.ഈ സെഗ്‌മെന്റിൽ തന്നെ ആദ്യമായി, കംഫർട്ട് എഡിഷന്റെ എല്ലാ വേരിയന്റുകളിലും പ്രീമിയം ലെതറെറ്റ് ഇന്റീരിയർ കമ്പനി സ്റ്റാൻഡേർഡായി നൽകിയിരിക്കുന്നു. കൂടുതൽ ഉപഭോക്താക്കളിലേക്ക് പ്രീമിയം ഫീച്ചറുകൾ എത്തിക്കുക എന്ന ലക്ഷ്യത്തോടെയാണിത്. ഫീച്ചറുകളാൽ സമ്പന്നമായ വാഹനം ആകർഷകമായ വിലയിൽ സ്വന്തമാക്കാൻ ആഗ്രഹിക്കുന്നവർക്ക് കൂടുതൽ കംഫർട്ടും കൂടുതൽ സ്റ്റൈലും സിട്രോണിന്റെ സിഗ്നേച്ചർ ടച്ചും ഈ എഡിഷൻ ഉറപ്പുനൽകുന്നു.മിതമായ നിരക്കിൽ മികച്ച പ്രകടനവും ഉയർന്ന മൂല്യവും നൽകിക്കൊണ്ട് ഇന്ത്യൻ വിപണിയിൽ തങ്ങളുടെ സാന്നിധ്യം ശക്തമാക്കാനാണ് സിട്രോൺ പുതിയ കംഫർട്ട് എഡിഷനിലൂടെ ലക്ഷ്യമിടുന്നത്.


Source link