സയ്യിദ് മുഷ്താഖ് അലി ട്രോഫി: കേരള ടീം പ്രഖ്യാപിച്ചു; സഞ്ജു സാംസൺ നായകൻ
തിരുവനന്തപുരം∙ സയ്യിദ് മുഷ്താഖ് അലി ടി20 ക്രിക്കറ്റ് ചാമ്പ്യൻഷിപ്പിനായി കേരള ടീമിനെ ഔദ്യോഗികമായി പ്രഖ്യാപിച്ചു. പ്രമുഖ താരം സഞ്ജു സാംസൺ നയിക്കുന്ന 18 അംഗ ടീമിനെയാണ് കേരള ക്രിക്കറ്റ് അസോസിയേഷൻ തെരഞ്ഞെടുത്തത്. നവംബർ 14 മുതൽ 26 വരെ പഞ്ചാബിലെ ന്യൂ ചണ്ഡിഗഡിലാണ് ഇത്തവണ ടൂർണമെന്റ് നടക്കുന്നത്.
ബാറ്റിങ് വിഭാഗത്തിൽ അഹമ്മദ് ഇമ്രാൻ, ഗോവിന്ദ് ദേവ് പൈ തുടങ്ങിയ യുവപ്രതിഭകളുടെ സാന്നിധ്യം ടീമിന് കൂടുതൽ ആത്മവിശ്വാസം നൽകുന്നുണ്ട്. ഒപ്പം അഖിൽ സ്കറിയ, എൻ.എം. ഷറഫുദ്ദീൻ എന്നിവരുൾപ്പെടെയുള്ള പരിചയസമ്പന്നരായ ഓൾറൗണ്ടർമാരും ടീമിലുണ്ട്. ബൗളിങ് നിര പരിശോധിച്ചാൽ കെ.എം. ആസിഫ്, എം. നിഖിൽ, വിഘ്നേഷ് പുത്തൂർ, ബിജു നാരായണൻ, വൈശാഖ് ചന്ദ്രൻ തുടങ്ങിയ മികച്ച പേസർമാരും സ്പിന്നർമാരും അണിനിരക്കുന്നതോടെ അതിശക്തവും സന്തുലിതവുമായ ഒരു സംഘത്തെയാണ് കേരളം കളത്തിലിറക്കുന്നത്.
കേരള ടീം: സഞ്ജു സാംസൺ (ക്യാപ്റ്റൻ/വിക്കറ്റ് കീപ്പർ), രോഹൻ എസ്. കുന്നുമ്മൽ, മുഹമ്മദ് അസ്ഹറുദ്ദീൻ (വിക്കറ്റ് കീപ്പർ), അഹമ്മദ് ഇമ്രാൻ, ഗോവിന്ദ് ദേവ് ഡി. പൈ, ആർ.ജെ. കൃഷ്ണ ദേവൻ, വിഷ്ണു വിനോദ് (വിക്കറ്റ് കീപ്പർ), സൽമാൻ നിസാർ, അഖിൽ സ്കറിയ, എം. നിഖിൽ, വിഘ്നേഷ് പുത്തൂർ, എൻ. ബിജു നാരായണൻ, കാർത്തിക് ബി. നായർ, വൈശാഖ് ചന്ദ്രൻ, കെ.എം. ആസിഫ്, എം.ഡി. നിധീഷ്, എൻ.എം. ഷറഫുദ്ദീൻ, ജലജ് സക്സേന.
