NEWS
പ്രശസ്ത ഛായാഗ്രാഹകൻ ഷാജി കുമാർ അന്തരിച്ചു
ഷാജി കുമാർ
കൊച്ചി: പ്രമുഖ ഛായാഗ്രാഹകൻ ഷാജി കുമാർ (57) അന്തരിച്ചു. ആലപ്പുഴയിലെ ഒരു സിനിമയുടെ ചിത്രീകരണത്തിനിടെ ശാരീരിക അസ്വസ്ഥത അനുഭവപ്പെട്ടതിനെത്തുടർന്ന് അദ്ദേഹത്തെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു. കഴിഞ്ഞ രണ്ട് ദിവസമായി ഇവിടെ ചികിത്സയിലായിരുന്നു അദ്ദേഹം. ഇന്നലെ അർദ്ധരാത്രി പന്ത്രണ്ടുമണിയോടെയായിരുന്നു അന്ത്യം. ശുചിമുറിയിലേക്ക് പോകുന്നതിനിടെ പെട്ടെന്ന് കുഴഞ്ഞുവീഴുകയായിരുന്നു.
പുലിമുരുകൻ, നരൻ, ഒടിയൻ തുടങ്ങിയവയുൾപ്പെടെ അൻപതിലേറെ ശ്രദ്ധേയമായ ചലച്ചിത്രങ്ങൾക്ക് ദൃശ്യങ്ങൾ പകർത്തിയത് അദ്ദേഹമാണ്. അതിമനോഹരം, ഒറ്റക്കൊമ്പൻ എന്നിവയാണ് അദ്ദേഹം അവസാനമായി പ്രവർത്തിച്ച ചിത്രങ്ങൾ. മോഹൻലാൽ പ്രധാന കഥാപാത്രത്തെ അവതരിപ്പിക്കുന്ന തരുൺമൂർത്തി ചിത്രം ‘അതിമനോഹരം’ അടുത്ത മാസം റിലീസിന് തയ്യാറെടുക്കുന്നതിനിടയിലാണ് അദ്ദേഹത്തിന്റെ വിയോഗം.
