മമ്മൂട്ടിക്കൊപ്പം പെൺമക്കളും മേളപ്രമാണികളും
നിതീഷ് സഹദേവ് സംവിധാനം ചെയ്യുന്ന ‘മേള’ എന്ന ചിത്രത്തിന്റെ പുത്തൻ സ്‌പെഷ്യൽ പോസ്റ്റർ പുറത്തിറങ്ങി. മെഗാസ്റ്റാർ മമ്മൂട്ടി നായകനായി എത്തുന്ന ഈ സിനിമയുടെ ദീപാവലി സ്‌പെഷ്യൽ പോസ്റ്റർ ആരാധകരിൽ വലിയ ആവേശമാണ് സൃഷ്ടിച്ചിരിക്കുന്നത്. ചിത്രത്തിന്റെ മാസ് സ്വഭാവം വിളിച്ചോതുന്ന തരത്തിൽ വളരെ ഗംഭീരമായാണ് പോസ്റ്റർ ഒരുക്കിയിരിക്കുന്നത്. കറുത്ത വേഷത്തിൽ നടുവിലത്തെ കസേരയിൽ ഗൗരവത്തോടെ ഇരിക്കുന്ന മമ്മൂട്ടിയും അദ്ദേഹത്തിന് ചുറ്റുമായി മറ്റ് സഹതാരങ്ങളും നിൽക്കുന്ന ഈ ദൃശ്യം സിനിമയുടെ സ്വഭാവം വെളിപ്പെടുത്തുന്നു.
പോസ്റ്ററിനൊപ്പം പുറത്തുവന്ന വിഷ്ണു വിജയ്‌യുടെ പശ്ചാത്തല സംഗീതവും ഇതിനകം തന്നെ പ്രേക്ഷകശ്രദ്ധ നേടിക്കഴിഞ്ഞു. ആക്ഷനും ഹാസ്യവും സമന്വയിപ്പിച്ചുകൊണ്ട് വമ്പൻ ബജറ്റിലാണ് ഈ ചിത്രം ഒരുങ്ങുന്നത്. സിദ്ധാർത്ഥ് ഭരതൻ, ലാൽ ജൂനിയർ എന്നിവരും പ്രധാന വേഷങ്ങളിൽ എത്തുന്ന ഈ സിനിമയുടെ ചിത്രീകരണം തകൃതിയായി നടന്നുവരികയാണ്. മമ്മൂട്ടി കമ്പനിയുടെ ബാനറിൽ നിർമ്മിക്കപ്പെടുന്ന ഒൻപതാമത്തെ ചിത്രമാണിത്. ജിംഷി ഖാലിദ് ഛായാഗ്രഹണം നിർവഹിക്കുന്ന ചിത്രത്തിന്റെ തിരക്കഥ നിതീഷ് സഹദേവ്, അനുരാജ് ഒ. ബി എന്നിവർ ചേർന്നാണ് രചിച്ചിരിക്കുന്നത്. പ്രൊജക്റ്റ് ഡിസൈനറായി അഗ്നിവേഷ് രഞ്ജിത്തും എഡിറ്റിംഗ് വിഭാഗത്തിൽ ബ്ലെസ് തോമസും പ്രവർത്തിക്കുന്നു. അടുത്ത വർഷം ദുൽഖർ സൽമാന്റെ വേഫെറർ ഫിലിംസ് ഈ ചിത്രം തിയേറ്ററുകളിൽ എത്തിക്കും.
