BUSINESS
പഞ്ചായത്ത് വസ്തു- തൊഴില്‍ നികുതികള്‍ K-Smart വഴി അടയ്ക്കാം; ഹരിതകര്‍മസേന ഫീസിലും കര്‍ശന നിര്‍ദേശം
Kerala Panchayat Property- Profession Tax: കേരളത്തിലെ പഞ്ചായത്തുകളില്‍ 2026- 27 സാമ്പത്തിക വര്‍ഷത്തെ കെട്ടിട നികുതി, തൊഴില്‍ നികുതി, വ്യാപാര ലൈസന്‍സ് ഫീസ് എന്നിവ ഒടുക്കാനുള്ള പ്രത്യേക ഡ്രൈവ് പുരോഗമിക്കുകയാണ്. റവന്യൂ റിക്കവറിയും, ജപ്തി നടപടികളും ഒഴിവാക്കാന്‍ K-Smart പോര്‍ട്ടല്‍ വഴി ഓണ്‍ലൈനായി നികുതി അടയ്ക്കുന്നതിനുള്ള പുതിയ സ്ലാബുകളും, നിര്‍ബന്ധിത വ്യവസ്ഥകളും പരിശോധിക്കാം. ഹരിതകര്‍മസേന ഫീസ് നല്‍കിയില്ലെങ്കിലും കെട്ടിട നികുതി കുടിശികയാകുമെന്ന് പുതിയ റിപ്പോര്‍ട്ടുകള്‍ വ്യക്തമാക്കുന്നു. പഞ്ചായത്ത് നികുതി നിയമങ്ങള്‍ തദ്ദേശ വകുപ്പ് കൂടുതല്‍ കര്‍ശനമാക്കുകയാണ്.കെട്ടിട നികുതി (Property Tax)തദ്ദേശ സ്ഥാപന പരിധിയിലുള്ള എല്ലാ വാസസ്ഥലങ്ങള്‍ക്കും വാണിജ്യ സ്ഥാപനങ്ങള്‍ക്കും കെട്ടിട നികുതി ഒടുക്കേണ്ടത് നിയമപരമായി നിര്‍ബന്ധമാണ്. അടയ്ക്കാത്ത പക്ഷം റവന്യൂ റിക്കവറി, ജപ്തി നടപടികള്‍ നേരിടേണ്ടി വരും.കെട്ടിടത്തിന്റെ വിസ്തീര്‍ണം (Plinth Area), നിര്‍മ്മാണ രീതി (റൂഫിങ് തരം), ഉപയോഗം (താമസം/ വാണിജ്യം), പഞ്ചായത്ത് നിശ്ചയിച്ചിട്ടുള്ള സോണ്‍ അടിസ്ഥാന വില എന്നിവ കണക്കാക്കിയാണ് നികുതി നിശ്ചയിക്കുന്നത്. വാര്‍ഷിക നികുതിയില്‍ ഓരോ 5 വര്‍ഷം കൂടുമ്പോഴും സര്‍ക്കാര്‍ നിശ്ചയിക്കുന്ന നേരിയ വര്‍ധനവുണ്ടാകും.കെട്ടിട നികുതി ഒടുക്കാന്‍ പോകുമ്പോള്‍ മുന്‍വര്‍ഷത്തെ നികുതി രസീതോ, ഡിമാന്‍ഡ് നോട്ടീസോ കൈവശം കരുതുക. അണ്‍-ഓതറൈസ്ഡ് നമ്പറിലുള്ള കെട്ടിടങ്ങള്‍ക്കും നിശ്ചിത പിഴയോടെ നികുതി അടയ്‌ക്കേണ്ടതുണ്ട്.തൊഴില്‍ നികുതി (Profession Tax)പഞ്ചായത്ത് പരിധിയില്‍ 60 ദിവസത്തില്‍ കൂടുതല്‍ ശമ്പളം പറ്റുന്ന ജീവനക്കാരും, സ്വയംതൊഴില്‍ ചെയ്യുന്നവരും, ബിസിനസ്/ വ്യാപാരം നടത്തുന്നവരും അര്‍ദ്ധവാര്‍ഷികമായി (6 മാസം കൂടുമ്പോള്‍) തൊഴില്‍ നികുതി ഒടുക്കണം. വരുമാന സ്ലാബ് അനുസരിച്ചാണ് നികുതി ഈടാക്കുന്നത്. അടിസ്ഥാന നിരക്കുകള്‍ താഴെ നല്‍കുന്നു; വരുമാനം 11,999 രൂപ വരെ: നികുതിയില്ല. 12,000 – 17,999 രൂപ: 120 രൂപ (അര്‍ദ്ധവാര്‍ഷികം) 18,000 – 29,999 രൂപ: 180 രൂപ 30,000 – 44,999 രൂപ: 300 രൂപ 45,000 – 59,999 രൂപ: 450 രൂപ 60,000 – 74,999 രൂപ: 600 രൂപ 75,000 – 99,999 രൂപ: 750 രൂപ 1,000,000 – 1,24,999 രൂപ: 1000 രൂപ 1,25,000 രൂപയ്ക്ക് മുകളില്‍: 1250 രൂപ (പരമാവധി വാര്‍ഷിക നികുതി 2500 രൂപ)ശമ്പള വരുമാനക്കാര്‍ക്ക് ശമ്പളത്തില്‍ നിന്ന് തുക കുറച്ച് സ്ഥാപനം വഴി അടയ്ക്കാം. വ്യാപാരികളും സ്വതന്ത്ര പ്രൊഫഷണലുകളും നേരിട്ടോ ഓണ്‍ലൈനായോ ഒടുക്കേണ്ടതാണ്.ഹരിതകര്‍മ്മസേന യൂസര്‍ ഫീ (മാലിന്യ സംസ്‌കരണം)വീടുകളില്‍ നിന്നും സ്ഥാപനങ്ങളില്‍ നിന്നും അജൈവ മാലിന്യങ്ങള്‍ (പ്ലാസ്റ്റിക് തുടങ്ങിയവ) ശേഖരിക്കുന്ന ഹരിതകര്‍മ്മസേനയ്ക്ക് യൂസര്‍ ഫീ നല്‍കുന്നത് സംസ്ഥാന സര്‍ക്കാര്‍ നിര്‍ബന്ധമാക്കിയിട്ടുണ്ട്. അടിസ്ഥാന നിരക്ക് വീടുകള്‍ക്ക് സാധാരണയായി പ്രതിമാസം 50 മുതല്‍ 70 രൂപ വരെയും (പഞ്ചായത്ത് ഭരണസമിതി തീരുമാനപ്രകാരം), കടകള്‍/ സ്ഥാപനങ്ങള്‍ക്ക് ഉല്‍പ്പാദിപ്പിക്കുന്ന മാലിന്യത്തിന്റെ അളവിനനുസരിച്ച് 100 മുതല്‍ 1000 രൂപ വരെയുമാകാം.യൂസര്‍ ഫീ നല്‍കാതിരുന്നാല്‍ അത് കെട്ടിട നികുതിയില്‍ കുടിശികയായി ഉള്‍പ്പെടുത്താന്‍ തദ്ദേശ വകുപ്പ് ഉത്തരവിട്ടിട്ടുണ്ട്. തുക അടച്ച് സേനാംഗങ്ങളില്‍ നിന്ന് പ്രതിമാസ യൂസര്‍ ഫീ കാര്‍ഡില്‍ ഒപ്പ്/ രസീത് വാങ്ങി സൂക്ഷിക്കുന്നത് നല്ലതാണ്. മാലിന്യങ്ങള്‍ കഴുകി വൃത്തിയാക്കി ഉണക്കി മാത്രമേ തരംതിരിച്ച് കൈമാറാവൂ.വ്യാപാര ലൈസന്‍സ് (D&O Trade License)പഞ്ചായത്ത് പരിധിയില്‍ വ്യാപാര, വാണിജ്യ, വ്യവസായ സംരംഭങ്ങള്‍ നടത്തുന്നവര്‍ പ്രതിവര്‍ഷം ലൈസന്‍സ് എടുക്കുകയും പുതുക്കുകയും വേണം. സ്ഥാപനത്തിന്റെ വിസ്തീര്‍ണം, ഇന്‍സ്റ്റാള്‍ ചെയ്തിട്ടുള്ള കുതിരശക്തി (Horsepower), തൊഴിലാളികളുടെ എണ്ണം എന്നിവ അടിസ്ഥാനമാക്കി 100 രൂപ മുതലാണ് നികുതി. സാമ്പത്തിക വര്‍ഷം ആരംഭിക്കുന്നതിന് മുമ്പോ നിശ്ചിത തീയതിക്കകമോ ലൈസന്‍സ് പുതുക്കിയില്ലെങ്കില്‍ പിഴ നല്‍കേണ്ടി വരും.വളര്‍ത്തുനായ്ക്കളുടെ ലൈസന്‍സ് (Pet Dog License)പഞ്ചായത്ത് രാജ് ആക്റ്റ് അനുസരിച്ച് വളര്‍ത്തുനായ്ക്കള്‍ക്ക് പഞ്ചായത്തില്‍ നിന്നും ലൈസന്‍സ് എടുക്കേണ്ടത് നിര്‍ബന്ധമാണ്. ലൈസന്‍സ് ഫീസ് സാധാരണയായി 10 – 20 രൂപ നിരക്കിലാണ് ഈടാക്കുന്നത്. ഈ ലൈസന്‍സിന് മൃഗാശുപത്രിയില്‍ നിന്നുള്ള ആന്റി റാബീസ് വാക്‌സിനേഷന്‍ സര്‍ട്ടിഫിക്കറ്റ് നിര്‍ബന്ധമാണ്. ലൈസന്‍സിന്റെ കാലാവധി ഒരു സാമ്പത്തിക വര്‍ഷമാണ്. വര്‍ഷാവര്‍ഷം വാക്‌സിനേഷന്‍ പുതുക്കി ലൈസന്‍സും പുതുക്കണം.കെ-സ്മാര്‍ട്ട് (K-Smart) പോര്‍ട്ടല്‍കേരളത്തിലെ എല്ലാ മുനിസിപ്പാലിറ്റികളിലും, കോര്‍പ്പറേഷനുകളിലും പഞ്ചായത്തുകളിലും സേവനങ്ങള്‍ പൂര്‍ണ്ണമായും ഓണ്‍ലൈന്‍ ആക്കുന്നതിന്റെ ഭാഗമാണ് കെ-സ്മാര്‍ട്ട് (ksmart.lsgkerala.gov.in). കെട്ടിട നികുതി അടയ്ക്കല്‍, ജനന- മരണ- വിവാഹ രജിസ്‌ട്രേഷന്‍, വ്യാപാര ലൈസന്‍സ് അപേക്ഷകള്‍, കെട്ടിട നിര്‍മ്മാണ പെര്‍മിറ്റ് എന്നിവ ഇപ്പോള്‍ കെ-സ്മാര്‍ട്ട് പോര്‍ട്ടല്‍ വഴി ഓണ്‍ലൈനായി ലഭ്യമാണ്.അക്ഷയ കേന്ദ്രങ്ങള്‍ വഴിയോ, സ്വന്തം മൊബൈല്‍/കമ്പ്യൂട്ടര്‍ വഴിയോ യു.പി.ഐ (UPI), ഡെബിറ്റ്/ ക്രെഡിറ്റ് കാര്‍ഡ് ഉപയോഗിച്ച് ഇടപാടുകള്‍ നടത്താം. നികുതി അടച്ച ശേഷം ലഭിക്കുന്ന ഡിജിറ്റല്‍ രസീത് ഡൗണ്‍ലോഡ് ചെയ്ത് സൂക്ഷിക്കുക. പല പഞ്ചായത്തുകളിലും 2026- 27 വര്‍ഷത്തെ വസ്തു നികുതി, തൊഴില്‍ നികുതി, ലൈസന്‍സ് ഫീ എന്നിവ അടയ്ക്കാനുള്ള പ്രത്യേക ഡ്രൈവുകള്‍ നടക്കുന്നുണ്ട്. 2026 ഒക്‌ടോബര്‍ 31 വരെ ഇത്തരം ഡ്രൈവുകള്‍ നടക്കുന്നുണ്ട്.(മുകളില്‍ പറഞ്ഞ കാര്യങ്ങള്‍ നിലവില്‍ ലഭ്യമായ വാര്‍ത്തകളുടെയും, റിപ്പോര്‍ട്ടുകളുടെയും അടിസ്ഥാനത്തിലാണ്. കൂടുതല്‍ വ്യക്തതയ്ക്ക് നിങ്ങളുടെ പഞ്ചായത്തുമായി ബന്ധപ്പെടുക.)
Read News
