നവംബർ 1 മുതൽ വൻ മാറ്റങ്ങൾ; പെൻഷൻ, എൽ.പി.ജി, സ്വർണ്ണം, ഓഹരി ഉൾപ്പെടെ അറിഞ്ഞിരിക്കേണ്ട 6 കാര്യങ്ങൾ

2026 നവംബർ മാസം തുടങ്ങുന്നതോടെ സാമ്പത്തികമായി ചില മാറ്റങ്ങളും നടപ്പാവുകയാണ്. പ്രധാനമായും, പെൻഷൻ വാങ്ങുന്നവർ, ആദായനികുതി റിട്ടേൺ സമർപ്പിക്കേണ്ട ചില നികുതിദായകർ, സ്വർണം വാങ്ങാൻ ഒരുങ്ങുന്നവർ, വീട്ടിൽ എൽ.പി.ജി കണക്ഷനുള്ളവർ എന്നിവർ ശ്രദ്ധിക്കേണ്ട കാര്യങ്ങളെക്കുറിച്ചാണ് ഇവിടെ വിശദമാക്കുന്നത്. ഇത്തവണത്തെ മുഹൂർത്ത വ്യാപാരം, ഐ.ഡി.ബി.ഐ ബാങ്ക് അക്കൗണ്ടുള്ളവർ അറിയേണ്ട വിവരങ്ങൾ എന്നിങ്ങനെ 6 കാര്യങ്ങൾ ഇവിടെ ഉൾപ്പെടുത്തിയിരിക്കുന്നു.1. പെൻഷൻ വാങ്ങുന്നവർ ലൈഫ് സർട്ടിഫിക്കറ്റ് നൽകണംകേന്ദ്ര, സംസ്ഥാന സർക്കാർ സർവീസുകളിൽനിന്ന് വിരമിച്ച് പെൻഷൻ വാങ്ങുന്നവർ വാർഷിക ലൈഫ് സർട്ടിഫിക്കറ്റ് സമർപ്പിക്കേണ്ട സമയമാണിത്. 2026 നവംബർ 30 ആണ് പൊതുവായ അവസാന തിയ്യതി. സർട്ടിഫിക്കറ്റ് യഥാസമയം സമർപ്പിക്കാത്തപക്ഷം, ഡിസംബർ മുതലുള്ള പെൻഷൻ വിതരണം വൈകുകയോ, തടസ്സപ്പെടുകയോ ചെയ്യാം. 80 വയസ്സിന് മുകളിലുള്ള പെൻഷൻകാർക്ക് ഒക്ടോബർ 1 മുതൽ തന്നെ സർട്ടിഫിക്കറ്റ് സമർപ്പിക്കാം. മറ്റുള്ളവർക്ക് നവംബർ 1 മുതലാണ് നടപടികൾ ആരംഭിക്കുന്നത്.ലൈഫ് സർട്ടിഫിക്കറ്റ് സമർപ്പിക്കാൻ പ്രധാനമായും താഴെ പറയുന്ന മൂന്ന് മാർഗങ്ങളാണുള്ളത്;1. ബാങ്ക് ശാഖയിലെത്തി നേരിട്ട് സമർപ്പിക്കുക.2. ആധാർ തിരിച്ചറിയൽ ഉപയോഗിച്ച് ഡിജിറ്റൽ ലൈഫ് സർട്ടിഫിക്കറ്റ് അഥവാ ‘Jeevan Pramaan’ സമർപ്പിക്കുക.3. തപാൽ വകുപ്പിന്റെ ഡോർസ്റ്റെപ്പ് സേവനം ഉപയോഗിക്കുക.സർട്ടിഫിക്കറ്റ് ഇതിനകം സമർപ്പിച്ചിട്ടുണ്ടെങ്കിൽ വീണ്ടും നൽകുന്നതിന് മുമ്പ് ബാങ്കിലോ, ബന്ധപ്പെട്ട പെൻഷൻ ഓഫീസിലോ സ്റ്റാറ്റസ് പരിശോധിക്കേണ്ടതാണ് എന്ന കാര്യം ശ്രദ്ധിക്കുക.2. ആദായനികുതി റിട്ടേൺ: ഓഡിറ്റ് ബാധകമായവർക്ക് നവംബർ 21 വരെ സമയം2025–26 സാമ്പത്തിക വർഷത്തിലെ വരുമാനവുമായി ബന്ധപ്പെട്ട്, ഓഡിറ്റ് നിർബന്ധമായുള്ള നികുതിദായകരുടെ ITR സമർപ്പിക്കാനുള്ള അവസാന തീയ്യതി ദീർഘിപ്പിച്ചിട്ടുണ്ട്. കേന്ദ്ര പ്രത്യക്ഷ നികുതി ബോർഡ് (CBDT), 2026 ഒക്ടോബർ 31ാം തിയ്യതിയിൽ നിന്ന് 2026 നവംബർ 21ാം തിയ്യതിയിലേക്കാണ് സമയപരിധി നീട്ടി നൽകിയിരിക്കുന്നത്.റിട്ടേൺ വൈകി സമർപ്പിച്ചാൽ, ബാധകമായ പിഴയോ ലേറ്റ് ഫീസോ ബാധകമാകാം. ചില നികുതി ഇളവുകൾക്കും, വ്യവസ്ഥകൾ ബാധകമായേക്കാം. അതിനാൽ നിങ്ങളുടെ റിട്ടേൺ ഏത് വിഭാഗത്തിൽപ്പെടുന്നുവെന്ന് ഉറപ്പാക്കിയശേഷം സമയപരിധി പാലിക്കാൻ ശ്രദ്ധിക്കുക.ഇത് പ്രധാനമായും നികുതി ഓഡിറ്റ് ബാധകമായ ബിസിനസുകൾ, പ്രൊഫഷണലുകൾ, സ്ഥാപനങ്ങൾ തുടങ്ങിയവരെയാണ് ബാധിക്കുന്നത്. സാധാരണ ശമ്പളക്കാരിൽ ഭൂരിഭാഗം പേരുടെയും ITR-1, ITR-2 സമർപ്പിക്കാനുള്ള സാധാരണ സമയപരിധി ജൂലൈ 31-ന് അവസാനിച്ചിരുന്നു.3. ദീപാവലിക്ക് സ്വർണം വാങ്ങുന്നവർ HUID കോഡ് പരിശോധിക്കുകഫെസ്റ്റിവൽ സീസണിൽ സ്വർണാഭരണങ്ങൾ വാങ്ങുമ്പോൾ ഹാൾമാർക്ക് മാത്രം നോക്കാതെ ആറ് അക്കങ്ങളുള്ള HUID കോഡും പരിശോധിക്കണം. BIS ഹാൾമാർക്ക് നൽകിയ സ്വർണാഭരണത്തിൽ രേഖപ്പെടുത്തിയിരിക്കുന്ന ഈ ആൽഫാന്യൂമെറിക് കോഡ് ആഭരണത്തിന്റെ തിരിച്ചറിയൽ, പരിശുദ്ധി സംബന്ധിച്ച വിവരങ്ങൾ എന്നിവ പരിശോധിക്കാൻ സഹായികമാണ്.സ്വർണ്ണം വാങ്ങുന്നതിന് മുമ്പ് ശ്രദ്ധിക്കേണ്ട കാര്യങ്ങൾ: ആഭരണത്തിൽ BIS ലോഗോ ഉണ്ടെന്ന് ഉറപ്പാക്കുക. സ്വർണത്തിന്റെ പരിശുദ്ധി സൂചിപ്പിക്കുന്ന കാരറ്റ് വിവരങ്ങൾ പരിശോധിക്കുക. ആറക്ക HUID കോഡ് വായിക്കാനാകുന്ന രീതിയിൽ രേഖപ്പെടുത്തിയിട്ടുണ്ടെന്ന് ഉറപ്പാക്കുക. BIS Care മൊബൈൽ ആപ്പ്, അല്ലെങ്കിൽ ഔദ്യോഗിക പോർട്ടൽ ഉപയോഗിച്ച് കോഡ് പരിശോധിക്കുക.4. എൽ.പി.ജി വിലഎല്ലാ മാസവും ഒന്നാം തിയ്യതിയാണ് എണ്ണക്കമ്പനികൾ പാചക വാതക വില പുതുക്കി നിശ്ചയിക്കുന്നത്. ആ​ഗോള ഇന്ധന-എൽ.പി.ജി നിരക്കുകളിലെ മാറ്റങ്ങളാണ് വില നിർണയത്തെ സ്വാധീനിക്കുക. ​ഗാർഹിക-വാണിജ്യ സിലിണ്ടറുകളുടെ വിലയിൽ മാറ്റമുണ്ടോ എന്ന് നവംബർ ഒന്നാം തിയ്യതി പരിശോധിക്കുക.5. മുഹൂർത്ത വ്യാപാരം ഞായറാഴ്ച്ചഓഹരി വിപണിയിൽ ഇടപെടുന്നവർ അറിയേണ്ട വിവരമാണിത്. ഈ വർഷം മുഹൂർത്ത വ്യാപാരം, ദീപാവലി ദിനമായ നവംബർ 8ാം തിയ്യതിയാണ്. ഞായറാഴ്ച്ചയാണെങ്കിലും അന്നേ ദിവസം ഒരു മണിക്കൂറിലധികം സമയം പ്രത്യേക വ്യാപാരത്തിനായി വിപണി തുറക്കും. ഈ ദിവസം ഉച്ചയ്ക്ക് 02.05 മുതൽ 02.15 വരെ പ്രീ-ഓപ്പൺ സെഷനും, 2.20 മുതൽ 3.30 സാധാരണ വ്യാപാരവും നടക്കുമെന്ന് എൻ.എസ്.ഇയും, ബി.എസ്.ഇയും അറിയിച്ചിട്ടുണ്ട്.6. IDBI ബാങ്ക് ഇടപാട്, ഉപഭോക്താക്കൾ ഇപ്പോൾ എന്തുചെയ്യണം?IDBI ബാങ്കിലെ 60.72% ഓഹരികൾ, കാനഡ ആസ്ഥാനമായ ഫെയർഫാക്സിന് വിൽക്കുന്നതിനുള്ള നിർദ്ദേശത്തിന് സാമ്പത്തിക കാര്യങ്ങൾക്കായുള്ള കേന്ദ്ര മന്ത്രിസഭാ സമിതി (CCEA) ഒക്ടോബർ 14-ന് അംഗീകാരം നൽകിയിട്ടുണ്ട്. എന്നാൽ ഇടപാട് പൂർത്തിയാകാൻ റിസർവ് ബാങ്ക് ഓഫ് ഇന്ത്യയുടെ അനുമതി ഉൾപ്പെടെയുള്ള നടപടികൾ ബാക്കിയുണ്ട്.നിലവിലെ റിപ്പോർട്ടുകൾ പ്രകാരം, ഈ ഇടപാടിന്റെ പേരിൽ മാത്രം ഉപഭോക്താക്കൾക്ക് ബാങ്ക് അക്കൗണ്ടുകൾ മാറ്റുകയോ പുതിയ അക്കൗണ്ട് തുറക്കുകയോ ചെയ്യേണ്ടതില്ല. നിലവിലുള്ള ബാങ്കിങ് സേവനങ്ങൾ തുടരും.അതായത്: സേവിങ്സ് അക്കൗണ്ടുകളും സ്ഥിരനിക്ഷേപങ്ങളും തുടരും. റെക്കറിങ് ഡെപ്പോസിറ്റ് നിക്ഷേപങ്ങൾ തുടരും. വായ്പകളുടെയും, തിരിച്ചടവുകളുടെയും നടപടികൾ നിലവിലുള്ള വ്യവസ്ഥകൾ പ്രകാരം തുടരും. സർക്കാർ ആനുകൂല്യങ്ങൾ നേരിട്ട് അക്കൗണ്ടിലെത്തുന്ന DBT സേവനങ്ങളും തുടരും.ഉപഭോക്താക്കൾ ബാങ്കിന്റെ ഔദ്യോഗിക അറിയിപ്പുകൾ പിന്തുടരാൻ ശ്രദ്ധിക്കുക.നവംബർ തുടങ്ങുന്നതിന് അറിഞ്ഞിരിക്കേണ്ട/ചെയ്യേണ്ട കാര്യങ്ങൾ – ഹൈലൈറ്റ്സ് പെൻഷൻ വാങ്ങുന്നവർ ലൈഫ് സർട്ടിഫിക്കറ്റ് സമർപ്പിക്കേണ്ട തീയതി പരിശോധിക്കുക ഓഡിറ്റ് ബാധകമായവർ ITR രേഖകളും നവംബർ 21 സമയപരിധിയും ഉറപ്പാക്കുക ദീപാവലിക്ക് സ്വർണ്ണം വാങ്ങുന്നവർ പരിശുദ്ധി ശ്രദ്ധിക്കുക നവംബർ ഒന്നാം തിയ്യതി, എൽ.പി.ജി വിലയിൽ മാറ്റങ്ങളുണ്ടോ എന്നത് മനസ്സിലാക്കുക ഈ വർഷത്തെ മുഹൂർത്ത വ്യാപാര ദിനം ഞായറാഴ്ച്ചയാണെന്നത് ശ്രദ്ധിക്കുക IDBI ബാങ്ക് ഉപഭോക്താക്കൾ ഔദ്യോഗിക അറിയിപ്പുകൾ മാത്രം പിന്തുടരുകനവംബർ മാസത്തെ സാമ്പത്തിക കാര്യങ്ങളിൽ ഏറ്റവും പ്രധാനപ്പെട്ടത് സമയപരിധികൾ മറക്കാതിരിക്കുക എന്നതാണ്. പെൻഷൻകാർക്ക് ലൈഫ് സർട്ടിഫിക്കറ്റ്, ഓഡിറ്റ് ബാധകമായ നികുതിദായകർക്ക് ITR, IDBI ബാങ്ക് ഉപഭോക്താക്കൾക്ക് ഔദ്യോഗിക അപ്‌ഡേറ്റുകൾ, സ്വർണം വാങ്ങുന്നവർക്ക് HUID പരിശോധന, എൽ.പി.ജി വില മാറാൻ സാധ്യതയുള്ള ദിവസം, ഓഹരി വിപണിയിൽ വ്യാപാരം ചെയ്യുന്നവർക്ക് മുഹൂർത്ത വ്യാപാരത്തിന്റെ സമയം… ഇവയെല്ലാം മുൻകൂട്ടി ശ്രദ്ധിച്ചാൽ അനാവശ്യമായ ബുദ്ധിമുട്ടുകളും, ചെലവുകളും ഒഴിവാക്കാൻ സാധിക്കും.Disclaimer: ഇവിടെ നൽകിയിരിക്കുന്നത് ഏതെങ്കിലും തരത്തിലുള്ള സാമ്പത്തിക/നിക്ഷേപ/വ്യാപാര നിർദേശങ്ങളല്ല, ലഭ്യമായ വിവരങ്ങളാണ്. നിക്ഷേപകർ സ്വന്തം ഉത്തരവാദിത്തത്തിൽ തീരുമാനങ്ങളെടുക്കുക


Read News