50000 രൂപയുടെ ഫോണിന് സീറോ കോസ്റ്റ് ഇഎംഐ എടുത്താല്‍ നിങ്ങള്‍ക്ക് ശരിക്കും എത്ര രൂപ നഷ്ടമാകും; കണക്കുകള്‍ ഇതാ

No Cost EMI Charges: സീറോ കോസ്റ്റ് ഇഎംഐ എന്ന ആകര്‍ഷകമായ ഓഫറിന് പിന്നില്‍ പ്രോസസിംഗ് ഫീസും, ജിഎസ്ടിയും അടക്കമുള്ള ഒളിഞ്ഞിരിക്കുന്ന വലിയ ചെലവുകളുണ്ട്. ഉത്സകാലത്ത് മലയാളികള്‍ നോ കോസ്റ്റ് ഇഎംഐയില്‍ സാധനങ്ങള്‍ വാങ്ങിക്കൂട്ടുന്നത് ഇന്ന് പതിവാണ്. നേട്ടമെന്ന് കരുതി പ്രയോഗിക്കുന്ന ഈ തന്ത്രം ശരിക്കും നിങ്ങളുടെ പോക്കറ്റിനെ ചോര്‍ത്തുകയാണെന്ന് തിരിച്ചറിയേണ്ടതുണ്ട്. 50,000 രൂപയുടെ ഫോണ്‍ വാങ്ങുമ്പോള്‍ കൈയില്‍ നിന്ന് അധികമായി ചോരുന്ന തുകയും, ഇഎംഐ ഒഴിവാക്കി ഒറ്റത്തവണ അടവിലൂടെ നേടാവുന്ന യഥാര്‍ത്ഥ ലാഭവും കൃത്യമായി മനസിലാക്കാന്‍ ഈ ലേഖനം സഹായിക്കും.സീറോ കോസ്റ്റ് ഇഎംഐ സത്യവും മിഥ്യയുംസീറോ കോസ്റ്റ് ഇഎംഐ (Zero Cost EMI) എന്നത് പലിശയില്ലാത്ത തവണവ്യവസ്ഥയായി പരസ്യപ്പെടുത്താറുണ്ടെങ്കിലും, പ്രോസസിംഗ് ഫീസും ബാങ്ക് പലിശയ്ക്കുമേലുള്ള 18% ജിഎസ്ടിയും (GST) കാരണം ഉപഭോക്താവിന് അധിക ചിലവാണ് ഫലത്തില്‍ ലഭിക്കുന്നത്. പല പ്രമുഖ സ്ഥാപനങ്ങളും, സോഷ്യല്‍ മീഡിയ ഇന്‍ഫ്‌ലുവന്‍സര്‍മാരും സീറോ കോസ്റ്റ് ഇഎംഐയെ പ്രോല്‍സാഹിപ്പിക്കാറുണ്ട്. എന്നാല്‍ നിങ്ങള്‍ കരുതുന്ന പോലെയല്ല കാര്യങ്ങള്‍.50,000 രൂപയുടെ ഫോണിന്റെ ഉദാഹരണംസീറോ കോസ്റ്റ് ഇഎംഐയില്‍ ബാങ്ക് ഈടാക്കുന്ന പലിശ തുക വ്യാപാരികള്‍ ഡിസ്‌കൗണ്ടായി നല്‍കുകയാണ് ചെയ്യുന്നത്. എന്നാല്‍ ജിഎസ്ടിയും, പ്രോസസിംഗ് ഫീസും ഉപഭോക്താവ് തന്നെ നല്‍കണം. നിങ്ങള്‍ 50,000 രൂപ വില വരുന്ന ഒരു ഫോണ്‍ വാങ്ങുന്നുവെന്ന് കരുതുക. ഇതിന് ബാങ്ക് പ്രോസസിംഗ് ഫീസായി 199 രൂപയും 18% ജിഎസ്ടി 36 രൂപയും ഈടാക്കും. അതായത് മൊത്തം 235 രൂപ.6 മാസത്തേക്ക് ബാങ്ക് കണക്കാക്കുന്ന പലിശ ഏകദേശം 2,200 രൂപയാണെങ്കില്‍, ഇതിന്റെ 18% ജിഎസ്ടിയായ 396 രൂപ ഉപഭോക്താവ് തന്നെ അടയ്ക്കണം. കാരണം ഈ ജിഎസ്ടി തുക കമ്പനി തരുന്ന ഡിസ്‌കൗണ്ടില്‍ ഉള്‍പ്പെടില്ല.ഫോണ്‍ ഒറ്റത്തവണയായി (Full Payment) വാങ്ങുമ്പോള്‍ സാധാരണയായി ലഭിക്കാറുള്ള 2,000 രൂപ മുതല്‍ 3,000 രൂപ വരെയുള്ള ബാങ്ക് ഡിസ്‌കൗണ്ട് ഇഎംഐ എടുക്കുമ്പോള്‍ ലഭിക്കില്ല.അതായത് നിങ്ങള്‍ സീറോ കോസ്റ്റ് ഇഎംഐ പരിഗണിച്ചാല്‍ വരുന്ന യഥാര്‍ത്ഥ ചെലവ്: 50,000 + 235 (പ്രോസസിംഗ് ഫീ) + 396 (ജിഎസ്ടി) + 2,500 (നഷ്ടമായ ഓഫര്‍) = 53,131 മുതല്‍ 54,000 വരെ ആണ്.സീറോ കോസ്റ്റ് ഇഎംഐ ഒഴിവാക്കിയാല്‍ ലഭിക്കുന്ന നേട്ടങ്ങള്‍ഫുള്‍ പേയ്മെന്റ് നടത്തുമ്പോള്‍ ലഭിക്കുന്ന തല്‍ക്ഷണ ബാങ്ക് ഡിസ്‌കൗണ്ടുകളും, എക്‌സ്‌ചേഞ്ച് ബോണസുകളും പൂര്‍ണ്ണമായി പ്രയോജനപ്പെടുത്താം. സീറോ കോസ്റ്റ് ഇഎംഐയില്‍ വരുന്ന പ്രോസസിംഗ് ഫീ, അതിന്മേലുള്ള ജിഎസ്ടി, പലിശയുടെ ജിഎസ്ടി എന്നിവ നല്‍കേണ്ടി വരുന്നില്ല. പ്രതിമാസ ഗഡുക്കള്‍ മുടങ്ങുമെന്ന പേടിയോ, ലേറ്റ് ഫൈന്‍, സിബില്‍ (CIBIL) സ്‌കോര്‍ കുറയല്‍ എന്നിവയെക്കുറിച്ചുള്ള ആശങ്കയോ ഉണ്ടാകുന്നില്ല.ശ്രദ്ധിക്കേണ്ട കാര്യങ്ങള്‍ സീറോ കോസ്റ്റ് ആണെങ്കിലും ബാങ്ക് ഈടാക്കുന്ന പലിശ തുകയുടെ 18% ജിഎസ്ടി നിങ്ങള്‍ നല്‍കേണ്ടി വരും. വാങ്ങുന്നതിന് മുമ്പ് ബാങ്ക് എത്ര രൂപ പ്രോസസിംഗ് ഫീസായി ഈടാക്കുന്നുണ്ടെന്ന് വ്യക്തമായി മനസിലാക്കണം. ഇഎംഐ വഴി ലഭിക്കുന്ന ലാഭവും, ഒറ്റത്തവണ അടയ്ക്കുമ്പോള്‍ ലഭിക്കുന്ന ഡിസ്‌കൗണ്ടും തമ്മില്‍ തുക താരതമ്യം ചെയ്ത ശേഷം മാത്രം തീരുമാനമെടുക്കുക. ഇഎംഐ അത്യന്താപേക്ഷിതമാണെങ്കില്‍ 3 അല്ലെങ്കില്‍ 6 മാസത്തെ കുറഞ്ഞ കാലാവധി തിരഞ്ഞെടുക്കുക. കാലാവധി കൂടുന്തോറും ജിഎസ്ടി തുകയും വര്‍ധിക്കും.


Read News