ഇന്ത്യൻ മഹാസമുദ്രത്തിന്റെ ആകാശം പൂട്ടും; ചൈനീസ് ചാരക്കപ്പലുകൾക്ക് പണി, എന്താണ് ഇന്ത്യയുടെ NOTAM?

ഇന്ത്യൻ മഹാസമുദ്രത്തിലും, ബംഗാൾ ഉൾക്കടലിലും തന്ത്രപ്രധാനമായ പ്രതിരോധ പരീക്ഷണങ്ങൾക്കായി ഇന്ത്യ ഇടയ്ക്കിടെ ‘NOTAM’ (Notice to Air Missions) പുറപ്പെടുവിക്കാറുണ്ട്. 2026 ആഗസ്റ്റ് 6,7 തിയ്യതികളിൽ ഇന്ത്യൻ മഹാസമുദ്രത്തിൽ ഇന്ത്യ 2,530 കിലോമീറ്റർ ദൂരത്തിൽ NOTAM പ്രഖ്യാപിച്ചിരിക്കുകയാണ്. സമുദ്രത്തിൽ ചൈനയുടെ ഭീഷണികൾ വർധിക്കുന്നതിനിടെ, പ്രതിരോധ മേഖലയിൽ മാത്രമല്ല, രാജ്യത്തിന്റെ സാമ്പത്തിക-തന്ത്രപ്രധാന താൽപ്പര്യങ്ങളിലും വലിയ സ്വാധീനമാണ് NOTAM ചെലുത്തുന്നത്.എന്താണ് NOTAM?ആയിരക്കണക്കിന് കിലോമീറ്റർ നീളത്തിൽ ‘നോ-ഫ്ലൈ സോൺ’ (No-Fly Zone) അഥവാ അപായമേഖല (Danger Zone) പ്രഖ്യാപിച്ചുകൊണ്ട് ഇന്ത്യ നടത്തുന്ന നീക്കമാണ് NOTAM. ‘Notice to Air Missions’ എന്നതിന്റെ ചുരുക്കരൂപമാണ് NOTAM. മുമ്പ് ‘Notice to Airmen’ എന്നായിരുന്നു ഇത് അറിയപ്പെട്ടിരുന്നത്.വിമാന പൈലറ്റുമാർക്കും, എയർലൈനുകൾക്കും, വ്യോമയാന അതോറിറ്റികൾക്കും വ്യോമപാതയിലെ തടസ്സങ്ങളെയോ, അപകടസാധ്യതകളെയോ കുറിച്ച് മുന്നറിയിപ്പ് നൽകുന്ന ആഗോള സംവിധാനമാണിത്.മിസൈൽ പരീക്ഷണങ്ങൾ, സൈനിക അഭ്യാസങ്ങൾ, ഉപഗ്രഹ വിക്ഷേപണങ്ങൾ അല്ലെങ്കിൽ വ്യോമപാതയിലെ തടസ്സങ്ങൾ എന്നിവ നടക്കുമ്പോൾ നിശ്ചിത സമയത്തേക്ക് ആ വ്യോമമേഖല ഒഴിവാക്കാൻ വിമാനങ്ങൾക്ക് നിർദ്ദേശം നൽകുന്നു.എന്താണ് ‘നോ-ഫ്ലൈ സോൺ’ / ‘ഡെയ്ഞ്ചർ സോൺ’?നോട്ടാം പുറപ്പെടുവിക്കുന്നതിലൂടെ അടയാളപ്പെടുത്തുന്ന ഒരു നിശ്ചിത വ്യോമമേഖലയാണ് ‘നോ-ഫ്ലൈ സോൺ’ അഥവാ ‘ഡെയ്ഞ്ചർ സോൺ’. നോട്ടാം പ്രാബല്യത്തിലുള്ള സമയത്ത് സിവിലിയൻ വിമാനങ്ങൾക്കോ, യാത്രാവിമാനങ്ങൾക്കോ ഈ മേഖലയിലൂടെ പറക്കാൻ അനുമതിയുണ്ടാവുകയില്ലഡി.ആർ.ഡി.ഒ വികസിപ്പിക്കുന്ന അഗ്നി-6, ഹൈപ്പർസോണിക് ഗ്ലൈഡ് വെഹിക്കിളുകൾ, ക്ലസ്റ്റർ വാർഹെഡുകൾ തുടങ്ങിയ അത്യാധുനിക സാങ്കേതികവിദ്യകൾ സിവിലിയൻ വിമാനങ്ങൾക്കോ കപ്പലുകൾക്കോ അപകടമില്ലാതെ സുരക്ഷിതമായി പരീക്ഷിക്കാൻ നോ-ഫ്ലൈ സോണുകൾ വഴിയൊരുക്കുന്നു.ഇന്ത്യ ദീർഘദൂര ബാലിസ്റ്റിക് മിസൈലുകൾ പരീക്ഷിക്കുമ്പോൾ, മിസൈലിന്റെ സഞ്ചാരപാതയിലും അത് പതിക്കുന്ന കടൽഭാഗത്തും അപായസാധ്യത ഒഴിവാക്കാനാണ് പൊതുവെ നോ ഫ്ലൈ സോൺ പ്രഖ്യാപിക്കുന്നത്.ഇന്ത്യയുടെ തന്ത്രപ്രധാന താൽപ്പര്യങ്ങൾ ഇന്ത്യൻ മഹാസമുദ്രത്തിലും, ബംഗാൾ ഉൾക്കടലിലും 3,500 കി.മീ മുതൽ 4,800 കി.മീ വരെ നീളുന്ന NOTAM പ്രഖ്യാപിച്ച് മിസൈലുകൾ പരീക്ഷിക്കുന്നത് ഇന്ത്യയുടെ രണ്ടാം പ്രഹര ശേഷി (Second-strike capability), ദീർഘദൂര ആക്രമണ ശേഷി എന്നിവ തെളിയിക്കുന്നു. ഇത് ചൈന, പാകിസ്ഥാൻ ഉൾപ്പെടെയുള്ള അയൽ രാജ്യങ്ങൾക്കെതിരെ ശക്തമായ പ്രതിരോധം സൃഷ്ടിക്കുന്നു.ലോകത്തിലെ തന്നെ ഏറ്റവും പ്രധാനപ്പെട്ട കടൽപ്പാതകളിലൊന്നാണ് ഇന്ത്യൻ മഹാസമുദ്രം. ചൈനീസ് ഗവേഷണ കപ്പലുകളുടെയും, ചാരക്കപ്പലുകളുടെയും സാന്നിധ്യം പ്രാദേശികമായി വർദ്ധിച്ചുവരുന്ന സാഹചര്യത്തിൽക്കൂടിയാണ്, ഇന്ത്യ തങ്ങളുടെ മിസൈൽ ശേഷി പ്രകടിപ്പിക്കുന്നത്.ഇക്കണോമിക് സോൺ സുരക്ഷഇന്ത്യയുടെ വലിയ തീരദേശവും, 200 നോട്ടിക്കൽ മൈൽ വിസ്തൃതിയുള്ള പ്രത്യേക സാമ്പത്തിക മേഖലയും (EEZ) ധാതുക്കളാലും മത്സ്യസമ്പത്തിനാലും സമൃദ്ധമാണ്. അതിർത്തി മുറിച്ചുള്ള കടന്നുകയറ്റങ്ങളെ തടയാൻ ഇത്തരത്തിലുള്ള പ്രതിരോധ അഭ്യാസങ്ങൾ അവശ്യമായി മാറിയിരിക്കുന്നുസമുദ്ര വാണിജ്യ പാതകളുടെ സംരക്ഷണംഇന്ത്യയുടെ വിദേശവ്യാപാരത്തിന്റെ 90 ശതമാനവും സമുദ്രത്തിലൂടെയാണ് നടക്കുന്നത്. കൂടാതെ, ലോകത്തെ ഊർജ്ജ ഗതാഗതത്തിന്റെ വലിയൊരു ഭാഗം ഇന്ത്യൻ മഹാസമുദ്രത്തിലൂടെയാണ് കടന്നുപോകുന്നത്.ഈ മേഖലയിൽ ഇന്ത്യ പ്രകടമാക്കുന്ന സൈനികമായ കരുത്ത് കടൽക്കൊള്ളക്കാരിൽ നിന്നും, ശത്രുരാജ്യങ്ങളുടെ ഭീഷണികളിൽ നിന്നും വാണിജ്യ കപ്പലുകൾക്ക് സുരക്ഷ ഉറപ്പാക്കുന്നു.


Read News