യുഎസ് ഡീസല്‍ പ്രതിസന്ധി ട്രംപിന് കുരുക്കാകുന്നു; റിലയന്‍സ് ഉള്‍പ്പെടെയുള്ള ഇന്ത്യന്‍ കമ്പനികളെ കാത്തിരിക്കുന്നത് വമ്പന്‍ ലോട്ടറി

India Diesel Export: അമേരിക്കയില്‍ ഡീസല്‍ വില റെക്കോര്‍ഡിലേക്ക് കുതിക്കുന്നത് ഡോണള്‍ഡ് ട്രംപ് ഭരണകൂടത്തിന് കനത്ത സാമ്പത്തിക- രാഷ്ട്രീയ തിരിച്ചടിയാകുന്നു. അമേരിക്കന്‍ ആഭ്യന്തര വിപണിയിലെ ഈ സങ്കീര്‍ണ്ണമായ ഇന്ധന പ്രതിസന്ധിയും, കയറ്റുമതിയിലെ ആശയക്കുഴപ്പങ്ങളും റിലയന്‍സ് ഉള്‍പ്പെടെയുള്ള ഇന്ത്യന്‍ റിഫൈനറികള്‍ക്ക് ആഗോള വിപണിയില്‍ വന്‍ സാമ്പത്തിക നേട്ടമുണ്ടാക്കാനുള്ള സുവര്‍ണ്ണ അവസരമാണ് തുറക്കുന്നത്.റെക്കോര്‍ഡ് വിലക്കയറ്റവും വിരോധാഭാസവുംയുഎസില്‍ ഡീസല്‍ വില ഗാലന് 6.52 ഡോളര്‍ (ലിറ്ററിന് ഏകദേശം 1.72 ഡോളര്‍) എന്ന റെക്കോര്‍ഡ് നിലവാരത്തിലേക്ക് ഉയര്‍ന്നു. ഇത് ചരക്കുനീക്കം, കൃഷി, ട്രക്കിംഗ് എന്നിവയെ നേരിട്ട് ബാധിക്കുന്നതിനാല്‍ രാജ്യത്തുടനീളം വലിയ പണപ്പെരുപ്പത്തിന് കാരണമാകുന്നു.യുഎസ് പ്രതിദിനം 5.2 മില്യണ്‍ ബാരല്‍ ഡീസല്‍ ഉല്‍പ്പാദിപ്പിക്കുന്നുണ്ടെന്നാണ് കണക്കുകള്‍ വ്യക്തമാക്കുന്നത്. അതേസമയം രാജ്യത്തെ ഉപഭോഗം 3.6 മില്യണ്‍ ബാരല്‍ മാത്രമാണ്. ബാക്കി 1.33 മില്യണ്‍ ബാരലോളം കയറ്റുമതി ചെയ്യുന്നതിനാലാണ് ആഭ്യന്തര വിപണിയില്‍ ക്ഷാമവും, വിലക്കയറ്റവും അനുഭവപ്പെടുന്നത്.സങ്കീര്‍ണ്ണമായ റിഫൈനറി പ്രക്രിയറിഫൈനറിയില്‍ ക്രൂഡ് ഓയില്‍ ശുദ്ധീകരിക്കുമ്പോള്‍ പെട്രോള്‍, ഡീസല്‍, ജെറ്റ് ഫ്യൂവല്‍ എന്നിവ ഒന്നിച്ച് ഉല്‍പ്പാദിപ്പിക്കപ്പെടുന്നു. ഡീസല്‍ മാത്രം ഉല്‍പ്പാദിപ്പിക്കുന്നത് നിര്‍ത്താനോ, കുറയ്ക്കാനോ സാധിക്കില്ല.കയറ്റുമതി തടഞ്ഞാല്‍ 5 ആഴ്ചകള്‍ക്കുള്ളില്‍ റിഫൈനറികളുടെ സംഭരണ ടാങ്കുകള്‍ നിറഞ്ഞു കവിയും. കൂടാതെ യുഎസിലെ ‘ജോണ്‍സ് ആക്ട്’ (Jones Act) നിയമപരമായ നിയന്ത്രണങ്ങള്‍ കാരണം ഡീസല്‍ മറ്റ് സംസ്ഥാനങ്ങളിലേക്ക് കപ്പല്‍ മാര്‍ഗ്ഗം എളുപ്പത്തില്‍ എത്തിക്കാനും കഴിയില്ല.ട്രംപ് ഭരണകൂടത്തിന് തലവേദനഉയര്‍ന്ന ഡീസല്‍ വില നിത്യോപയോഗ സാധനങ്ങളുടെയും, ഭക്ഷണത്തിന്റെയും വില വര്‍ധിപ്പിക്കുന്നു. ഇത് ഭരണകൂടത്തിനെതിരെ ജനവികാരം ശക്തമാക്കും. ഇതു കണ്ട് കയറ്റുമതി നിരോധിച്ചാല്‍ യുഎസിലെ ടാങ്കുകള്‍ പെട്ടെന്ന് നിറയുകയും, റിഫൈനറികള്‍ക്ക് ക്രൂഡ് ഓയില്‍ ശുദ്ധീകരിക്കുന്നത് 25% വരെ കുറയ്‌ക്കേണ്ടി വരികയും ചെയ്യും. ഇത് പെട്രോള്‍, ജെറ്റ് ഫ്യൂവല്‍ എന്നിവയുടെ ഉല്‍പ്പാദനം കുറച്ച് അവയുടെ വില കുത്തനെ കൂട്ടും. എന്നാല്‍ കയറ്റുമതി തുടര്‍ന്നാല്‍ ഡീസല്‍ വില ഉയര്‍ന്ന നിലയില്‍ തുടരുകയും, പണപ്പെരുപ്പം നിയന്ത്രിക്കാനാകാതെ വരികയും ചെയ്യും. ട്രംപിന്റെ ധര്‍മ്മസങ്കടവും ഇതുതന്നെ.യുഎസ് ഡീസല്‍ കയറ്റുമതി നിര്‍ത്തിയാല്‍ അന്താരാഷ്ട്ര വിപണിയില്‍ ക്ഷാമം രൂക്ഷമാകുകയും, സഖ്യരാജ്യങ്ങളില്‍ വലിയ ഊര്‍ജ്ജ പ്രതിസന്ധി ഉണ്ടാകുകയും ചെയ്യും. ഇത് രാജ്യങ്ങള്‍ ട്രംപിനെതിരേ തിരിയാന്‍ കാരണമാകും.ഇന്ത്യയ്ക്ക് അവസരമാകുന്നത് എങ്ങനെയുഎസിലെ ഡീസല്‍ ഡിമാന്‍ഡും, ആഗോള വിപണിയിലെ ഡിമാന്‍ഡും ഇന്ത്യയ്ക്കു മുന്നില്‍ അവസരങ്ങള്‍ തുറക്കുന്നു. യുഎസ് ഡീസല്‍ കയറ്റുമതി കുറയ്ക്കുകയോ, നിരോധിക്കുകയോ ചെയ്താല്‍ യൂറോപ്പ് ഉള്‍പ്പെടെയുള്ള വിദേശ വാങ്ങലുകാര്‍ പകരം മറ്റ് വിതരണക്കാരെ തേടും. വലിയ ശുദ്ധീകരണ ശേഷിയുള്ള ഇന്ത്യന്‍ റിഫൈനറികള്‍ക്ക് ഇത് വലിയ അവസരമാണ്. ആഗോള വിപണിയില്‍ ഡീസല്‍ ക്ഷാമം ഉണ്ടാകുമ്പോള്‍ അന്താരാഷ്ട്ര നിരക്കുകള്‍ ഉയരുകയും ഇന്ത്യന്‍ കമ്പനികള്‍ക്ക് മികച്ച റിഫൈനിംഗ് മാര്‍ജിന്‍ ലഭിക്കുകയും ചെയ്യും.റിലയന്‍സ് ഇന്‍ഡസ്ട്രീസ് (ജാംനഗര്‍ റിഫൈനറി), നയാര എനര്‍ജി, ഇന്ത്യന്‍ ഓയില്‍ കോര്‍പ്പറേഷന്‍ തുടങ്ങിയ ഇന്ത്യയിലെ പ്രധാന റിഫൈനറികളില്‍ നിന്ന് ഡീസല്‍, എവിയേഷന്‍ ഫ്യുവല്‍, നാഫ്ത എന്നിവ യുഎസിലേക്ക് ഇതോടകം കയറ്റി അയക്കുന്നുണ്ട്.റഷ്യന്‍ ക്രൂഡ് ഓയില്‍ വാങ്ങി ശുദ്ധീകരിച്ച് ആഗോള വിപണിയിലേക്ക് എത്തിക്കുന്നതില്‍ ഇന്ത്യ പ്രധാന പങ്കുവഹിക്കുന്നുണ്ട്. കടല്‍മാര്‍ഗ്ഗമുള്ള ഡീസല്‍ കയറ്റുമതിയില്‍ നിലവില്‍ ലോകത്തിലെ തന്നെ മുന്‍നിര രാജ്യങ്ങളിലൊന്നാണ് ഇന്ത്യ.


Read News