BUSINESS
ഇ10 വീണ്ടും എത്തിക്കാന് ബിപിസിഎല്; ജനങ്ങള്ക്കിടയില് മൈലേജ് വര്ധിപ്പിക്കാന് സര്ക്കാര് ശ്രമം
E10 India: ഇ20 പെട്രോളിനൊപ്പം ഇ10 കൂടി ലഭ്യമാക്കുന്ന കാര്യം സജീവ പരിഗണനയിലാണെന്ന് ബിപിസിഎല് ചെയര്മാനും, മാനേജിംഗ് ഡയറക്ടറുമായ സഞ്ജയ് ഖന്ന. പഴയ വാഹനങ്ങളിലെ ഇ20 ഉപയോഗം സാധാരണക്കാരില് വലിയ ആശങ്ക ഉയര്ത്തുന്ന സാഹചര്യത്തിലാണ് സര്ക്കാരും ഇളവുകള്ക്കുള്ള സാധ്യതകള് തേടുന്നത്. 10% എഥനോള് അടങ്ങിയ ഇ10 പെട്രോള് വീണ്ടും പമ്പുകളില് ലഭ്യമാക്കുന്ന കാര്യം ബിപിസിഎല്ലും കേന്ദ്ര സര്ക്കാരും സജീവമായി പരിഗണിക്കുന്നുവെന്നാണ് വിവരം. പഴയ വാഹനങ്ങള്ക്ക് ഇ10 പെട്രോള് നിലവില് വിപണിയിലുള്ള ഇ20 (20% എഥനോള് ചേര്ത്തത്) പെട്രോളിനൊപ്പം, പഴയ വാഹനങ്ങള്ക്കായി ഇ10 പെട്രോള് (10% എഥനോള് ചേര്ത്തത്) വീണ്ടും വിപണിയില് എത്തിക്കുന്നത് കേന്ദ്ര സര്ക്കാരും, എണ്ണക്കമ്പനികളും സജീവമായി പരിഗണിക്കുന്നത്. വിപണിയില് നിന്ന് ഇ20 പിന്വലിക്കില്ലെന്നും, എന്നാല് പഴയ വാഹനങ്ങള്ക്ക് ഉപയോഗിക്കാന് മറ്റൊരു ഓപ്ഷനായി ഇ10 നല്കാനാണ് ശ്രമിക്കുന്നതെന്ന് ബിപിസിഎല് പറയുന്നു.ഇ10 വിതരണം ചെയ്യാന് നിലവിലെ പമ്പുകള്ക്ക് അടിസ്ഥാന സൗകര്യങ്ങളുണ്ട്. എന്നാല് ലക്ഷക്കണക്കിന് വരുന്ന പെട്രോള് പമ്പുകളില് ഒരേസമയം രണ്ട് തരം പെട്രോള് (E10, E20) വിതരണം ചെയ്യുന്നതിലെ പ്രായോഗിക ബുദ്ധിമുട്ടുകളും, ചെലവുകളും എണ്ണക്കമ്പനികള് വിലയിരുത്തി വരികയാണെന്ന് ഖന്ന പറഞ്ഞു. പഴയ വാഹനങ്ങള്ക്ക് എഥനോള് കുറഞ്ഞ ഇന്ധനം ലഭ്യമാക്കണമെന്ന ആശയത്തിന് മുഖ്യ സാമ്പത്തിക ഉപദേഷ്ടാവ് വി. അനന്ത നാഗേശ്വരനും പിന്തുണ പ്രഖ്യാപിച്ചിരുന്നു.സാധാരണക്കാര്ക്ക് നേട്ടമാകുന്നത് എങ്ങനെ2023-ന് മുമ്പ് നിര്മ്മിച്ച പല വാഹനങ്ങളും 20% എഥനോള് അടങ്ങിയ പെട്രോള് (E20) ഉപയോഗിക്കുന്നത് പ്രശ്നങ്ങള് സൃഷ്ടിക്കാം. നിലവില് നിരത്തുകളില് ഏറ്റവുമധികം ഉള്ളയും ഈ വാഹനങ്ങളാണ്. മറ്റു രാജ്യങ്ങളില് ഉപയോക്താക്കള്ക്ക് തെരഞ്ഞെടുക്കാനുള്ള ഓപ്ഷനുണ്ടെങ്കില് ഇന്ത്യയില് ഇ20 മാത്രമാണ് നിലവിലുള്ളത്. ഇ10 പെട്രോള് ലഭ്യമാക്കിയാല് പഴയ വാഹനങ്ങളുടെ എഞ്ചിന് ഭാഗങ്ങള്ക്ക് കേടുപാടുകള് സംഭവിക്കാനുള്ള സാധ്യത ഇല്ലാതാകും.അനുയോജ്യമല്ലാത്ത ഇന്ധനം ഉപയോഗിക്കുമ്പോള് പഴയ വാഹനങ്ങള്ക്ക് സംഭവിക്കുന്ന മൈലേജ് കുറവും, പ്രകടനത്തിലെ പ്രശ്നങ്ങളും പരിഹരിക്കാന് ഇ10 സഹായിക്കും. സാധാരണക്കാര്ക്ക് വാഹനങ്ങളുടെ അറ്റകുറ്റപ്പണി ചെലവുകള് കുറയാന് ഇത് കാരണമാകും.സര്ക്കാര് ഇ10 വീണ്ടും കൊണ്ടുവരുമോഇക്കാര്യത്തില് സര്ക്കാര് ഇരുവരെ അന്തിമ തീരുമാനം എടുത്തിട്ടില്ല. ഇ10 വീണ്ടും കൊണ്ടുവരുന്ന കാര്യം സര്ക്കാരിന്റെ സജീവ പരിഗണനയിലാണ്. നിലവില് സര്ക്കാരിനും, എണ്ണക്കമ്പനികള്ക്കും മുന്നിലുള്ള പ്രധാന വെല്ലുവിളി ലോജിസ്റ്റിക്സ് പ്രശ്നങ്ങളാണ്. ഒരേ പമ്പില് തന്നെ ഇ10, ഇ20 എന്നിവ പ്രത്യേകം സംഭരിച്ച് വിതരണം ചെയ്യുക എന്നത് വലിയ വെല്ലുവിളിയാണ്. ഇതിനായുള്ള ചിലവുകളും വിതരണ ശൃംഖലയിലെ പ്രശ്നങ്ങളും പരിഹരിക്കാന് കഴിഞ്ഞാല് സര്ക്കാര് ഇ10 വീണ്ടും വിപണിയിലെത്തിക്കാന് സാധ്യത കൂടുതലാണ്. ഇത് സാധാരണക്കാര്ക്കിടയില് സര്ക്കാരിന് കൂടുതല് മൈലേജ് നല്കും.ശ്രദ്ധിക്കേണ്ട കാര്യങ്ങള് ഇ10 വന്നാലും ഇ20 പെട്രോള് വിപണിയില് നിന്ന് പിന്വലിക്കില്ല. പുതിയ വാഹനങ്ങള് ഇ20 ഉപയോഗിക്കുന്നത് തന്നെ തുടരണം. ഇ100 ആണ് സര്ക്കാര് ലക്ഷ്യം വയ്ക്കുന്നത്. പഴയ വാഹനങ്ങളെ ഘട്ടംഘട്ടമായി വിപണിയില് നിന്ന് ഒഴിവാക്കാനുള്ള സര്ക്കാര് ശ്രമം തുടരും. പുതിയ തീരുമാനം വന്നാല് പെട്രോള് അടിക്കുന്നതിന് മുമ്പ് നിങ്ങളുടെ വാഹനം ഇ10 ആണോ, ഇ20 ആണോ സപ്പോര്ട്ട് ചെയ്യുന്നത് എന്ന് വാഹന ഉടമകള് കൃത്യമായി അറിഞ്ഞിരിക്കേണ്ടി വരും. സര്ക്കാര് ഇതിന് ഔദ്യോഗികമായി അനുമതി നല്കിയാല് തന്നെ എല്ലാ പെട്രോള് പമ്പുകളിലും ഇ10 ലഭ്യമാകാന് സമയമെടുക്കാം. അതുവരെ നിലവിലുള്ള സംവിധാനം തന്നെ തുടരും.
Read News
