BUSINESS
ഇന്ത്യന്‍ റെയില്‍വേയില്‍ 3,548 ഒഴിവുകള്‍; ടൈപ്പിങ് പരീക്ഷയില്ലാതെ ജോലി നേടാം, 35,400 രൂപ അടിസ്ഥാന ശമ്പളം
Govt Jobs India: ഇന്ത്യന്‍ റെയില്‍വേയിലെ 3,548 ഗ്രാജ്വേറ്റ് തസ്തികകളിലേക്ക് റെയില്‍വേ റിക്രൂട്ട്മെന്റ് ബോര്‍ഡ് (RRB) പുതിയ NTPC വിജ്ഞാപനം പുറത്തിറക്കി. ഗുഡ്സ് ട്രെയിന്‍ മാനേജര്‍, ചീഫ് കൊമേഴ്സ്യല് കം ടിക്കറ്റ് സൂപ്പര്‍വൈസര്‍ ഉള്‍പ്പെടെയുള്ള തസ്തികകളിലേക്ക് 35,400 വരെ അടിസ്ഥാന ശമ്പളത്തില്‍ നിയമനം നേടാന്‍ നവംബര്‍ 6 വരെ ഓണ്‍ലൈനായി അപേക്ഷിക്കാം. തെരഞ്ഞെടുത്ത തസ്തികകള്‍ക്ക് ടൈപ്പിങ് ടെസ്റ്റ് ഒഴിവാക്കിയത് മലയാളി ഉദ്യോഗാര്‍ത്ഥികള്‍ക്ക് വലിയ ആശ്വാസമാണ്.തസ്തികയും ഒഴിവുകളും ഗുഡ്സ് ട്രെയിന്‍ മാനേജര്‍ (Goods Train Manager)- 2,750 ഒഴിവുകള്‍ സീനിയര്‍ ക്ലര്‍ക്ക് കം ടൈപ്പിസ്റ്റ് (Senior Clerk Cum Typist)- 371 ഒഴിവുകള്‍ ജൂനിയര്‍ അക്കൗണ്ട്‌സ് അസിസ്റ്റന്റ് കം ടൈപ്പിസ്റ്റ് (Junior Accounts Assistant Cum Typist)- 300 ഒഴിവുകള്‍ ചീഫ് കൊമേഴ്സ്യല് കം ടിക്കറ്റ് സൂപ്പര്‍വൈസര്‍ (Chief Commercial Cum Ticket Supervisor)- 127 ഒഴിവുകള്‍യോഗ്യത മാനദണ്ഡംഅംഗീകൃത സര്‍വകലാശാലയില്‍ നിന്നുള്ള ബിരുദം അല്ലെങ്കില്‍ തത്തുല്യ യോഗ്യതയാണ് ആവശ്യം. 2027 ജനുവരി 1 പ്രകാരം 18 നും 33 നും ഇടയില്‍ പ്രായം വരുന്നവര്‍ക്ക് അപേക്ഷിക്കാം. സംവരണ വിഭാഗങ്ങള്‍ക്ക് നിയമാനുസൃതമായ ഇളവുകള്‍ ലഭിക്കും.സാലറി വിവരങ്ങള്‍ഏഴാം ശമ്പള കമ്മീഷന്‍ (7th Pay Commission) പ്രകാരമുള്ള അടിസ്ഥാന ശമ്പളമാണ് ഈ തസ്തികകള്‍ക്ക് ലഭിക്കുക. ഇതിനുപുറമെ റെയില്‍വേ നല്‍കുന്ന മറ്റ് അലവന്‍സുകളും ലഭിക്കും. പേ ലെവല്‍ 6: ചീഫ് കൊമേഴ്സ്യല് കം ടിക്കറ്റ് സൂപ്പര്‍വൈസര്‍ തസ്തികയ്ക്ക് പ്രതിമാസം 35,400 രൂപയാണ് അടിസ്ഥാന ശമ്പളം. പേ ലെവല്‍ 5: ഗുഡ്സ് ട്രെയിന്‍ മാനേജര്‍, ജൂനിയര്‍ അക്കൗണ്ട്‌സ് അസിസ്റ്റന്റ് കം ടൈപ്പിസ്റ്റ്, സീനിയര്‍ ക്ലര്‍ക്ക് കം ടൈപ്പിസ്റ്റ് എന്നീ തസ്തികകള്‍ക്ക് പ്രതിമാസം 29,200 രൂപ അടിസ്ഥാന ശമ്പളമായി ലഭിക്കും.തിരഞ്ഞെടുപ്പ് രീതി ഒന്നാം ഘട്ട കമ്പ്യൂട്ടര്‍ അധിഷ്ഠിത പരീക്ഷ (CBT 1) രണ്ടാം ഘട്ട കമ്പ്യൂട്ടര്‍ അധിഷ്ഠിത പരീക്ഷ (CBT 2) രേഖാ പരിശോധന (Document Verification) മെഡിക്കല്‍ പരിശോധന (Medical Examination)ജൂനിയര്‍ അക്കൗണ്ട്‌സ് അസിസ്റ്റന്റ് കം ടൈപ്പിസ്റ്റ്, സീനിയര്‍ ക്ലര്‍ക്ക് കം ടൈപ്പിസ്റ്റ് എന്നീ തസ്തികകള്‍ക്ക് മുമ്പ് നടത്തിയിരുന്ന ടൈപ്പിംഗ് പരീക്ഷ (CBTST) ഇപ്പോള്‍ ഒഴിവാക്കിയിട്ടുണ്ട്. എന്നാല്‍ ജോലിയില്‍ പ്രവേശിച്ച ശേഷം നിങ്ങളുടെ അടിസ്ഥാന കമ്പ്യൂട്ടര്‍/ ടൈപ്പിംഗ് പരിജ്ഞാനം വിലയിരുത്തപ്പെടും.പ്രധാന തീയതികള്‍2026 നവംബര്‍ 6 രാത്രി 11.59 വരെ ഈ തസ്തികകളിലേയ്ക്ക് അപേക്ഷ സമര്‍പ്പിക്കാം. പരീക്ഷാ ഫീസ് അടയ്‌ക്കേണ്ട അവസാന തീയതി 2026 നവംബര്‍ 8 ആണ്. 2026 നവംബര്‍ 9 മുതല്‍ 18 വരെ അപേക്ഷയില്‍ തിരുത്തലുകള്‍ വരാം.മലയാളികള്‍ക്ക് നേട്ടമാകുന്നത് എങ്ങനെസ്ഥിരവരുമാനവും കേന്ദ്രസര്‍ക്കാര്‍ ജോലിയുമാണ് പ്രധാന ആകര്‍ഷണം. ബിരുദം പൂര്‍ത്തിയാക്കിയ മലയാളികള്‍ക്ക് ഇതൊരു സുവര്‍ണ്ണാവസരമാണ്. RRB തിരുവനന്തപുരം ബോര്‍ഡ് വഴി അപേക്ഷിച്ചാല്‍ കേരളത്തില്‍ തന്നെ പോസ്റ്റിംഗ് ലഭിക്കാന്‍ സാധ്യതയുണ്ട്. ദക്ഷിണ റെയില്‍വേ (Southern Railway) തിരഞ്ഞെടുത്താല്‍ കേരളത്തിലോ, അതിര്‍ത്തിയിലോ ജോലി ചെയ്യാന്‍ കഴിയും. ടൈപ്പിംഗ് പരീക്ഷ ഒഴിവാക്കിയതിനാല്‍, ടൈപ്പിംഗ് വേഗം ഇല്ലാത്ത ബിരുദധാരികള്‍ക്കും ഉയര്‍ന്ന പരീക്ഷാ മാര്‍ക്കിന്റെ അടിസ്ഥാനത്തില്‍ നേരിട്ട് ജോലിയില്‍ പ്രവേശിക്കാം.ശ്രദ്ധിക്കേണ്ട കാര്യങ്ങള്‍അവസാന നിമിഷം വെബ്‌സൈറ്റില്‍ ഉണ്ടാകാനിടയുള്ള സാങ്കേതിക തകരാറുകള്‍ ഒഴിവാക്കാന്‍ നവംബര്‍ 6 -ന് മുമ്പായി തന്നെ ഔദ്യോഗിക RRB വെബ്‌സൈറ്റ് വഴി അപേക്ഷ സമര്‍പ്പിക്കുക. അപേക്ഷിക്കുമ്പോള്‍ വിവരങ്ങള്‍ കൃത്യമാണെന്ന് ഉറപ്പുവരുത്തുക. തെറ്റുകള്‍ തിരുത്താന്‍ നവംബര്‍ 9 മുതല്‍ സമയം നല്‍കിയിട്ടുണ്ടെങ്കിലും തുടക്കത്തില്‍ തന്നെ കൃത്യത പാലിക്കുന്നത് അയോഗ്യത ഒഴിവാക്കും.നിങ്ങള്‍ തിരഞ്ഞെടുക്കുന്ന റെയില്‍വേ റിക്രൂട്ട്മെന്റ് ബോര്‍ഡ് (RRB) സോണ്‍ ആയിരിക്കും നിങ്ങളുടെ നിയമന സ്ഥലത്തെ പ്രധാനമായും തീരുമാനിക്കുന്നത്. അതിനാല്‍ നോട്ടിഫിക്കേഷന്‍ വായിച്ച് ഒഴിവുകള്‍ കൂടുതലുള്ളതും, നിങ്ങള്‍ക്ക് അനുയോജ്യമായതുമായ സോണ്‍ തിരഞ്ഞെടുക്കുക.നിലവില്‍ ടൈപ്പിംഗ് പരീക്ഷ ഇല്ലെങ്കിലും, ജോലിയില്‍ കയറിയ ശേഷം ഈ സ്‌കില്‍ പരിശോധിക്കുമെന്നതിനാല്‍ അടിസ്ഥാന കമ്പ്യൂട്ടര്‍/ ടൈപ്പിംഗ് പരിജ്ഞാനം നേടുക. രണ്ട് ഘട്ടങ്ങളിലായി ഓണ്‍ലൈന്‍ പരീക്ഷ (CBT) ഉള്ളതിനാല്‍ ജനറല്‍ നോളജ്, മാത്‌സ്, റീസണിംഗ് തുടങ്ങിയവ ഉള്‍പ്പെടുന്ന സിലബസ് മനസിലാക്കി ഇപ്പോള്‍ തന്നെ ചിട്ടയായ പഠനം ആരംഭിക്കുക.
Read News
