BUSINESS
ഇ20 പെട്രോള് അടിച്ചാല് എഞ്ചിന് കേടാകുമോ? സര്ക്കാരിന്റെ പരീക്ഷണ ഫലവും 5 സുരക്ഷാ നിര്ദ്ദേശങ്ങളും
E20 Guide: ഇ20 നിലവില് രാജ്യത്തെ ഏറ്റവും ചൂടന് വിഷയങ്ങളില് ഒന്നാണ്. സര്ക്കാര് ഇന്ത്യയുടെ പുതിയ ഇന്ധനനയത്തില് നിന്ന് പിന്നോട്ടില്ലെന്ന് വ്യക്തമാക്കി കഴിഞ്ഞു. മതിയായ പരീക്ഷണങ്ങള്ക്കൊടുവിലാണ് ഇ20 നിര്ബന്ധമാക്കിയതെന്നും, ഇതുമൂലം എന്ജിന് തകരാറിലാകുമെന്ന പ്രചരണങ്ങള് വ്യാജമാണെന്നും സര്ക്കാര് ആവര്ത്തിക്കുന്നു. കേന്ദ്ര സര്ക്കാരിന്റെ ഔദ്യോഗിക പരീക്ഷണ ഫലങ്ങളും വാഹനം കേടുകൂടാതെ സൂക്ഷിക്കാന് ഉടമകള് നിര്ബന്ധമായും ചെയ്തിരിക്കേണ്ട മുന്കരുതലുകളുമാണ് ഇന്നു നമ്മള് നോക്കുന്നത്.നടത്തിയ പരീക്ഷണങ്ങളും അവയുടെ ദൈര്ഘ്യവുംപരീക്ഷണം നടത്തിയ ഏജന്സികള്: ഓട്ടോമോട്ടീവ് റിസര്ച്ച് അസോസിയേഷന് ഓഫ് ഇന്ത്യ (ARAI), ഇന്ത്യന് ഓയില് റിസര്ച്ച് & ഡെവലപ്മെന്റ് (IOCL), പെട്രോളിയം മന്ത്രാലയം, വിവിധ വാഹന നിര്മ്മാതാക്കള് (OEMs) എന്നിവരുടെ കൂട്ടായ നേതൃത്വത്തിലാണ് പരിശോധനകള് നടത്തിയത്.കിലോമീറ്റര് അടിസ്ഥാനത്തിലുള്ള പരീക്ഷണം: പഴയതും പുതിയതുമായ വിവിധ തരം വാഹനങ്ങളില് പരീക്ഷണം നടത്തിയിട്ടുണ്ട്. BS-IV ഉള്പ്പെടെ 3 മുതല് 10 വര്ഷം വരെ പഴക്കമുള്ള ഇരുചക്ര, നാലുചക്ര വാഹനങ്ങള് ഇക്കൂട്ടത്തില് ഉള്പ്പെടുന്നു. 40,000 മുതല് 50,000 കിലോമീറ്റര് വരെ തുടര്ച്ചയായി ഓടിച്ച് ദീര്ഘകാല ഉപയോഗക്ഷമത വിലയിരുത്തിയെന്നാണ് റിപ്പോര്ട്ടുകള് വ്യക്തമാക്കുന്നത്.ലബോറട്ടറി പരിശോധനകള്: നിയന്ത്രിത അന്തരീക്ഷ ഊഷ്മാവിലും പ്രത്യേക റോള് ചാസിസ് ഡൈനാമോമീറ്ററുകളിലും വാഹനം ഓടിച്ച് ഇന്ധനക്ഷമതയും, എന്ജിന് പ്രകടനവും നിരീക്ഷിച്ചിട്ടുണ്ട്.മെറ്റീരിയല് കോംപാറ്റിബിലിറ്റി ടെസ്റ്റ്: എഥനോള് ചേര്ക്കുമ്പോള് വാഹനങ്ങളിലെ റബ്ബര് ഭാഗങ്ങള്, ഗാസ്കറ്റുകള്, മെറ്റല് ഫ്യുവല് ലൈനുകള് എന്നിവയ്ക്കുണ്ടാകുന്ന മാറ്റങ്ങളും തുരുമ്പെടുക്കാനുള്ള സാധ്യതയും പ്രത്യേക ‘Accelerated Ageing’ പരിശോധനകളിലൂടെ വിലയിരുത്തി.വിപണിയിലെ സര്വീസ് ഡാറ്റ: ഇ20 സപ്പോര്ട്ട് ചെയ്യാത്ത പഴയ വാഹനങ്ങള് ഉള്പ്പെടെ ലക്ഷക്കണക്കിന് വാഹനങ്ങളുടെ സര്വീസ് റെക്കോര്ഡുകള് പരിശോധിച്ചതില് ഇ20 കാരണം ഗുരുതര തകരാറുകള് ഉണ്ടായതായി കണ്ടെത്തിയിട്ടില്ലെന്ന് കമ്പനികള് വ്യക്തമാക്കുന്നു.സര്ക്കാരിന്റെ ഇ20 അവകാശവാദങ്ങള് ഇ20 ഇന്ധനം ഉപയോഗിക്കുന്നത് കൊണ്ട് എന്ജിന് ഫെയിലിയര്, ഫ്യുവല് പമ്പ് തകരാര്, ഗുരുതരമായ തുരുമ്പ് എന്നിവ ഉണ്ടാകില്ല. ഇ10 ഇന്ധനത്തെ അപേക്ഷിച്ച് ഇ20 ഉപയോഗിക്കുമ്പോള് കാര്ബണ് പുറന്തള്ളല് ഏകദേശം 30% വരെ കുറയുന്നു. എഥനോളിന് ഊര്ജ്ജസാന്ദ്രത (Energy Density) കുറവായതിനാല് മൈലേജില് 2% മുതല് 6% വരെ കുറവ് അനുഭവപ്പെടാം. ഡ്രൈവിംഗ് രീതിയും ടയര് പ്രഷറും അനുസരിച്ച് ഇതില് വ്യത്യാസം വരമെന്നും വ്യക്തമാക്കിയിട്ടുണ്ട്. ഇ20 കോംപാറ്റിബിള് ആയ പുതിയ വാഹനങ്ങള്ക്ക് നിര്മ്മാതാക്കള് നല്കുന്ന കമ്പനി വാറന്റി സുരക്ഷിതമായി തുടരും. വിദേശ രാജ്യങ്ങളില് നിന്നുള്ള ക്രൂഡോയില് ഇറക്കുമതി ചെലവ് കുറയ്ക്കാനും, കരിമ്പ്- ധാന്യ കര്ഷകര്ക്ക് മികച്ച വരുമാനം നല്കാനും സാധിക്കും. പഴയ വാഹനങ്ങളില് സീലുകള്, ഗാസ്ക്കറ്റുകള് പോലെ ചെറിയ മാറ്റങ്ങള് വേണ്ടി വരും. എഥനോള് ഇല്ലാത്ത പെട്രോള് ആവശ്യമുള്ളവര് പ്രീമിയം ഗ്രേഡുകള് ഉപയോഗിക്കണം.ഉപയോക്താക്കള് ശ്രദ്ധിക്കേണ്ട കാര്യങ്ങള്2023 -ന് മുമ്പ് നിര്മ്മിച്ച ഇ20 സപ്പോര്ട്ട് ചെയ്യാത്ത പഴയ വാഹനങ്ങളില് ഫ്യുവല് ഹോസുകള് (Fuel Hoses), റബ്ബര് ഗാസ്കറ്റുകള് എന്നിവയ്ക്ക് തേയ്മാനം വരുന്നുണ്ടോ എന്ന് സര്വീസ് വേളകളില് പരിശോധിക്കണം. എഥനോള് ഈര്പ്പവും വെള്ളവും വേഗത്തില് വലിച്ചെടുക്കാന് സാധ്യതയുള്ളതിനാല് ഫ്യുവല് ടാങ്കിലേക്ക് വെള്ളം കയറാതെ സൂക്ഷിക്കണം.വാഹനം ഉപയോഗിക്കുന്നില്ലെങ്കില് ടാങ്കില് ഇ20 അടിച്ചിടരുത്. വാഹനം ആഴ്ചകളോളം ഉപയോഗിക്കാതെ നിര്ത്തിയിടുമ്പോള് ടാങ്കിലുള്ള പെട്രോളില് ഘടകങ്ങള് വേര്പിരിയാന് സാധ്യതയുണ്ട്. കൃത്യമായ ഇടവേളകളില് ഫ്യുവല് ഫില്ട്ടര് പരിശോധിക്കുകയും അഴുക്ക് ഉണ്ടെങ്കില് മാറ്റുകയും ചെയ്യണം.അനാവശ്യ ഭീതി പരത്തുന്ന സോഷ്യല് മീഡിയ പ്രചാരണങ്ങളില് വീഴാതെ എന്തെങ്കിലും സംശയങ്ങളോ, എന്ജിന് വാണിംഗ് ലൈറ്റുകളോ കണ്ടാല് ഔദ്യോഗിക സര്വീസ് സെന്ററുകളിലെ വിദഗ്ദ്ധരുടെ സഹായം തേടുക.(മുകളില് പറഞ്ഞ കാര്യങ്ങള് നിലവില് ലഭ്യമായ റിപ്പോര്ട്ടുകളും, വിശദീകരണങ്ങളും, വിദഗ്ധരുടെ അഭിപ്രായങ്ങളും പരിഗണിച്ചാണ്. കാര്യങ്ങള് മനസിലാക്കാന് മാത്രം ഉപയോഗിക്കുക. കൂടുതല് വ്യക്തത വരുത്താവുന്നതാണ്.)
Read News
