2 തവണ കളവുപോയ ലോകകപ്പ് ട്രോഫി; വഴിയരികിൽ കണ്ടെത്തിയ പിക്കിൾസ് നായ

ഫുട്ബോൾ ചരിത്രത്തിലെ ഏറ്റവും പ്രശസ്ത ദുരൂഹതകളിലൊന്നാണ് യൂൾ റിമെ ട്രോഫി മോഷണം. 1930 മുതൽ 1970 വരെ ഫിഫ ലോകകപ്പ് ജേതാക്കൾക്ക് നൽകിയിരുന്ന ഈ ട്രോഫി 1966-ൽ ഇംഗ്ലണ്ട് ലോകകപ്പിന് ആതിഥേയത്വം വഹിക്കുന്നതിന് മാസങ്ങൾ മുൻപ് നാടകീയ സാഹചര്യത്തിൽ അപ്രത്യക്ഷമായി. സ്വർണം പൂശിയ വെള്ളിയിൽ തീർത്തതായിരുന്നു യൂൾ റിമെ. വിജയത്തിന്റെ ഗ്രീക്ക് ദേവതയായ നൈക്കിയുടെ രൂപമായിരുന്നു അതിൽ. 1966 മാർച്ചിൽ ലണ്ടനിലെ വെസ്റ്റ്മിൻസ്റ്ററിൽ നടന്ന ഒരു സ്റ്റാംപ് പ്രദർശനത്തിൽ ട്രോഫി പൊതുജനങ്ങൾക്കായി വച്ചിരുന്നു. സുരക്ഷാ ക്രമീകരണങ്ങൾ ഉണ്ടായിരുന്നിട്ടും മാർച്ച് 20ന് മോഷ്ടാക്കൾ അത് അപഹരിച്ചു. സംഭവം രാജ്യത്തിനാകെ നാണക്കേടായി. വൻ പൊലീസ് അന്വേഷണത്തിന് ഇത് വഴിവച്ചു. നൂറുകണക്കിന് ഉദ്യോഗസ്ഥരെ കേസ് അന്വേഷിക്കാൻ നിയോഗിച്ചു.മോഷണത്തിന് തൊട്ടുപിന്നാലെ, ‘ജാക്സൺ’ എന്ന് സ്വയം പരിചയപ്പെടുത്തിയ അജ്ഞാതൻ ഫുട്ബോൾ അധികൃതരുമായി ബന്ധപ്പെട്ടു. ട്രോഫി തിരികെ നൽകാൻ മോചനദ്രവ്യം ആവശ്യപ്പെട്ടായിരുന്നു ഇത്. പൊലീസ് ഒരുക്കിയ കെണിയിൽ എഡ്വേർഡ് ബെച്ച്‌ലി എന്ന ഇടനിലക്കാരൻ അറസ്റ്റിലായെങ്കിലും ട്രോഫി കണ്ടെത്താനായില്ല. താൻ ഒരു ഇടനിലക്കാരൻ മാത്രമാണെന്നും ട്രോഫി എവിടെയാണെന്ന് അറിയില്ലെന്നുമായിരുന്നു ബെച്ച്‌ലിയുടെ വാദം.എന്നാൽ കഥ അവിടെ അവസാനിച്ചില്ല. 1970ൽ മൂന്നാം തവണയും ലോകകപ്പ് നേടിയതോടെ, ഫിഫ യൂൾ റിമെ ട്രോഫി ബ്രസീലിന് സ്ഥിരമായി നൽകി. 1983ൽ റിയോ ഡി ജനീറോയിലെ പ്രദർശനശാലയിൽനിന്ന് ട്രോഫി വീണ്ടും മോഷണം പോയി. ആ ട്രോഫി പിന്നീട് ഒരിക്കലും കണ്ടെടുക്കാനായില്ല. മോഷ്ടാക്കൾ അത് ഉരുക്കി വിറ്റുവെന്നാണ് അന്വേഷണ ഉദ്യോഗസ്ഥർ വിശ്വസിക്കുന്നത്. ഇക്കാര്യത്തിൽ വ്യക്തമായ തെളിവുകളൊന്നും ലഭിച്ചിട്ടില്ല. കുറ്റകൃത്യവും ദുരൂഹതയും ഫുട്ബോൾ ഐതിഹ്യവും ഒത്തുചേർന്ന യൂൾ റിമെ ട്രോഫിയുടെയും പിക്കിൾസ് എന്ന നായയുടെയും കഥ, ലോകകപ്പ് ചരിത്രത്തിലെ ഏറ്റവും വിചിത്രവും പ്രിയപ്പെട്ടതുമായ അധ്യായങ്ങളിലൊന്നായി ഇന്നും നിലനിൽക്കുന്നു.


Source link