ഷംന കാസിമിന്റെ അലബോലേലോ ഡാൻസ്: റീൽസ് ലോകത്ത് പുതിയ ട്രെൻഡ്
നൃത്തം വെക്കുന്ന കൊച്ചുതാരകം
രജനീകാന്ത് നായകനായെത്തിയ ജയിലർ 2-ലെ ‘അല ബോലേലോ’ എന്ന ഗാനം ഇപ്പോൾ സമൂഹമാധ്യമങ്ങളിൽ തരംഗമായി മാറിക്കഴിഞ്ഞു. നടി ഷംന കാസിം മിന്നുന്ന പ്രകടനം കാഴ്ചവെച്ച ഈ പാട്ടിന് ചുവടുവെച്ച് റീൽസുകൾ ചെയ്യാത്തവർ ചുരുക്കമാണ്. ആ കൂട്ടത്തിൽ ഇപ്പോൾ സോഷ്യൽ മീഡിയയുടെ മനം കവരുകയാണ് ഒരു കൊച്ചു ബാലന്റെ അസാധ്യമായ നൃത്തച്ചുവടുകൾ.
സംവിധായകൻ നെൽസൺ ദിലീപ് കുമാർ ഒരുക്കിയ ചിത്രത്തിലെ ആദ്യ ഗാനമാണ് ‘അല ബോലേലോ’. അനിരുദ്ധ് രവിചന്ദറിന്റെ സംഗീതവും, വ്യത്യസ്തത പുലർത്തുന്ന ഡാൻസ് സ്റ്റെപ്പുകളും, നാടൻ ശൈലിയിലുള്ള വരികളും ഒത്തുചേർന്നപ്പോൾ പാട്ട് റിലീസ് ചെയ്ത സമയം മുതൽ തന്നെ വലിയ സ്വീകാര്യതയാണ് നേടിയെടുത്തത്. ഷംന കാസിമും രാജേഷ് മാധവനും ചേർന്നുള്ള പ്രകടനം ഈ ഗാനത്തിന്റെ ജനപ്രീതി വർധിപ്പിക്കാൻ സഹായിച്ചു. ജാനി മാസ്റ്ററാണ് ഗാനത്തിന് വേണ്ടി മനോഹരമായ കൊറിയോഗ്രഫി ഒരുക്കിയിരിക്കുന്നത്.
ഷംനയുടെ തകർപ്പൻ ഡാൻസ് സ്റ്റെപ്പുകളും അതുപോലെയുള്ള ഭാവങ്ങളും ഒട്ടും കുറവില്ലാതെ അനുകരിച്ചാണ് ഈ കുരുന്ന് വിസ്മയം തീർത്തിരിക്കുന്നത്. ‘ആൺകുട്ടികൾക്കും ഇത് സാധ്യമാണ്’ എന്ന കുറിപ്പോടെയാണ് വീഡിയോ പങ്കുവെച്ചിരിക്കുന്നത്. ഇതിനോടകം തന്നെ 15 ദശലക്ഷത്തിലധികം ആളുകൾ ഈ വീഡിയോ കണ്ടുകഴിഞ്ഞു. ഈ കൊച്ചുമിടുക്കന്റെ അസാമാന്യ കഴിവിനെ അഭിനന്ദിച്ചുകൊണ്ട് നിരവധി പേരാണ് സോഷ്യൽ മീഡിയയിൽ എത്തുന്നത്.
