ഖവാജയുടെ വാദം തള്ളി മിച്ചൽ സ്റ്റാർക്: മറുപടി ഇങ്ങനെ
സിഡ്നി ∙ പന്തുചുരണ്ടൽ വിവാദത്തിൽ ഉസ്മാൻ ഖവാജ ഉന്നയിച്ച വാദങ്ങൾ അടിസ്ഥാനരഹിതമാണെന്ന് ഓസ്ട്രേലിയൻ ഫാസ്റ്റ് ബൗളർ മിച്ചൽ സ്റ്റാർക് വ്യക്തമാക്കി. ടീമിലെ എല്ലാ കളിക്കാർക്കും പന്തിൽ കൃത്രിമം കാണിച്ച സംഭവം മുൻകൂട്ടി അറിയാമായിരുന്നു എന്ന് തന്റെ ആത്മകഥയിലൂടെ ഖവാജ വെളിപ്പെടുത്തിയത് വലിയ ചർച്ചകൾക്ക് വഴിവെച്ചിരുന്നു. ഖവാജയുടെ പ്രസ്താവനയ്ക്ക് പിന്തുണയുമായി ഡേവിഡ് വാർണറും എത്തുകയുണ്ടായി. എന്നാൽ, ഈ വിഷയത്തെക്കുറിച്ച് തനിക്ക് യാതൊരു അറിവുമില്ലായിരുന്നുവെന്നും, അന്നും ഇന്നും താൻ ഉറച്ചുനിൽക്കുന്നത് ആ നിലപാടിലാണെന്നുമാണ് സ്റ്റാർകിന്റെ പ്രതികരണം.
2018-ൽ ദക്ഷിണാഫ്രിക്കയ്ക്കെതിരെ കേപ്ടൗണിൽ നടന്ന ടെസ്റ്റ് മത്സരത്തിനിടെ സാൻഡ് പേപ്പർ ഉപയോഗിച്ച് പന്തിൽ കൃത്രിമം കാണിച്ച സംഭവം വലിയ വിവാദമായിരുന്നു. തുടർന്ന് ഓസീസ് താരങ്ങളായ സ്റ്റീവ് സ്മിത്ത്, ഡേവിഡ് വാർണർ, കാമറൂൺ ബാൻക്രോഫ്റ്റ് എന്നിവർക്ക് ക്രിക്കറ്റ് ഓസ്ട്രേലിയ കടുത്ത വിലക്ക് ഏർപ്പെടുത്തുകയും ചെയ്തിരുന്നു.
