എൽപിജി സിലിണ്ടർ സ്വീകരിക്കുമ്പോൾ 5 കാര്യങ്ങൾ ശ്രദ്ധിച്ചില്ലെങ്കിൽ പണം നഷ്ടപ്പെടാം; തട്ടിപ്പുകളും പരിഹാരമാർഗങ്ങളും

LPG Cylinder Scam: എൽപിജി വില വർധിക്കുന്നതിനിടെ വിവിധ തരം തട്ടിപ്പുകളും കൂടുന്നു. സാമ്പത്തിക നഷ്ടം ഒഴിവാക്കാൻ സിലിണ്ടർ തട്ടിപ്പുകൾ തിരിച്ചറിയാം. ഭാരക്കുറവ്, വ്യാജ സീൽ എന്നിവ തടയാൻ അറിയേണ്ട കാര്യങ്ങളും, പരാതി നൽകേണ്ട രീതിയും.LPG Gas Connection: എൽപിജി (LPG) സിലിണ്ടർ വിതരണത്തിൽ ഭാരക്കുറവ് വരുത്തിയും, വ്യാജ പരിശോധനകൾ നടത്തിയും ഉപഭോക്താക്കളെ തട്ടിക്കുന്ന സംഭവങ്ങൾ വർധിച്ചുവരുന്നു. ഡെലിവറി സമയത്ത് സിലിണ്ടറിന്റെ ഭാരവും സീലും പരിശോധിക്കേണ്ട രീതികളും, തട്ടിപ്പിനിരയായാൽ സ്വീകരിക്കേണ്ട നടപടികളു, അറിയേണ്ടത് വളരെ പ്രധാനമാണ്. ഉപയോക്താക്കളുടെ നിയമപരമായ അവകാശങ്ങൾ മനസിലാക്കാം.പ്രധാന എൽപിജി തട്ടിപ്പുകൾ കുറഞ്ഞ ഭാരം (ഗ്യാസ് ചോർത്തൽ): സിലിണ്ടറിൽ നിന്ന് ഗ്യാസ് ചോർത്തിയെടുത്ത് നിർദ്ദിഷ്ട ഭാരത്തേക്കാൾ കുറവിൽ ഉപയോക്താവിന് നൽകുന്നത്. വ്യാജ പരിശോധന: ഏജൻസിയുടെ ആളുകളാണെന്ന വ്യാജേന വീടുകളിലെത്തി, റെഗുലേറ്ററോ ഹോസോ മാറ്റണമെന്ന് പറഞ്ഞ് വൻ തുക ഈടാക്കുന്നത്. കാലാവധി കഴിഞ്ഞ സിലിണ്ടറുകൾ: നിർബന്ധിത സുരക്ഷാ പരിശോധന (Hydro test) നടത്താത്ത പഴയ സിലിണ്ടറുകൾ എത്തിക്കുന്നത്. അധിക ഡെലിവറി ചാർജ്: ഔദ്യോഗിക ബില്ലിൽ പറഞ്ഞ തുകയേക്കാൾ കൂടുതൽ പണം ഡെലിവറി നടത്തുന്ന വ്യക്തി നിർബന്ധപൂർവ്വം ചോദിച്ചു വാങ്ങുന്നത്. കൃത്രിമം കാണിച്ച സീൽ: സുരക്ഷാ സീലുകൾ തകർത്ത നിലയിലോ, വ്യാജ സീലുകളോടെയോ സിലിണ്ടറുകൾ വിതരണം ചെയ്യുന്നത്.തട്ടിപ്പുകൾ എങ്ങനെ തിരിച്ചറിയാം ഭാരം പരിശോധിക്കുക: സിലിണ്ടറിന്റെ വശങ്ങളിൽ രേഖപ്പെടുത്തിയ ഭാരവും, ഉള്ളിലെ ഗ്യാസിന്റെ ഭാരവും (14.2 kg) കൂട്ടിയ തുക സിലിണ്ടറിന് ഉണ്ടോ എന്ന് നോക്കുക. സുരക്ഷാ സീൽ: ഡെലിവറി സമയത്ത് പ്ലാസ്റ്റിക് സീലും, കാപ്പും കേടുപാടുകൾ ഇല്ലാതെ കൃത്യമായി ഉറപ്പിച്ചിട്ടുണ്ടെന്ന് ഉറപ്പാക്കുക. കാലാവധി പരിശോധന: സിലിണ്ടറിന്റെ മുകളിലെ പ്ലേറ്റിൽ രേഖപ്പെടുത്തിയ കോഡ് ശ്രദ്ധിക്കുക. ഉദാഹരണത്തിന് C-26 എന്നാൽ 2026 സെപ്റ്റംബറിന് മുമ്പ് പരിശോധന നടത്തേണ്ടതാണെന്ന് അർത്ഥം. A: ജനുവരി- മാർച്ച്, B: ഏപ്രിൽ- ജൂൺ, C: ജൂലൈ- സെപ്റ്റംബർ, D: ഒക്ടോബർ- ഡിസംബർ എന്നിങ്ങനെയാണ് കണക്ക്. ഈ തീയതി കഴിഞ്ഞവ വാങ്ങരുത്. ഔദ്യോഗിക ബിൽ: കയ്യിൽ നൽകുന്ന ബില്ലിലെ തുകയും ആവശ്യപ്പെടുന്ന തുകയും ഒന്നുതന്നെയാണെന്ന് ഉറപ്പുവരുത്തുക.തട്ടിപ്പ് ശ്രദ്ധയിൽ പെട്ടാൽ എന്തുചെയ്യണം വ്യാജ സീലുള്ളതോ ഭാരക്കുറവുള്ളതോ ആയ സിലിണ്ടറുകൾ സ്വീകരിക്കാൻ വിസമ്മതിക്കുക. ഡെലിവറി നടത്തുന്ന ആളോട് അവരുടെ കയ്യിലുള്ള ഡിജിറ്റൽ സ്‌കേൽ ഉപയോഗിച്ച് ഭാരം അളന്നു കാണിക്കാൻ ആവശ്യപ്പെടുക. ഗ്യാസ് ഏജൻസിയുമായി ഉടൻ തന്നെ ഫോൺ വഴി ബന്ധപ്പെട്ട് പരാതിപ്പെടുക. എണ്ണക്കമ്പനികളുടെ ഏകീകൃത കസ്റ്റമർ കെയർ ടോൾ ഫ്രീ നമ്പറായ 1800 233 3555 -ൽ വിളിച്ച് പരാതി അറിയിക്കുക. അടിയന്തര ഗ്യാസ് ചോർച്ചയോ, അപകടസാധ്യതയോ ഉണ്ടെങ്കിൽ 1906 എന്ന Emergency Helpline നമ്പറിൽ ബന്ധപ്പെടുക. നാഷണൽ കൺസ്യൂമർ ഹെൽപ്പ് ലൈനിൽ (1915) അല്ലെങ്കിൽ ഉപഭോക്തൃ തർക്ക പരിഹാര കമ്മീഷനിൽ പരാതി നൽകാം.ഉപയോക്താക്കളുടെ അവകാശങ്ങൾഡെലിവറി നടത്തുന്നയാൾ വെയിംഗ് സ്‌കെയിൽ (Weighing scale) കരുതിയിരിക്കണമെന്നാണ് റൂൾ. ഉപയോക്താവ് ആവശ്യപ്പെട്ടാൽ സിലിണ്ടറിന്റെ ഭാരം അളന്നു കാണിക്കാൻ അവർ ബാധ്യസ്ഥരാണ്. ബില്ലിൽ കാണിച്ചിരിക്കുന്ന കൃത്യമായ തുക മാത്രം നൽകാനേ ഉപയോക്താവിന് ബാധ്യതസ്ഥതയുള്ളൂ. അധികമായി ടിപ്പോ, സർവീസ് ചാർജോ നൽകേണ്ടതില്ല. ചോർച്ചയോ ഭാരക്കുറവോ കണ്ടാൽ സൗജന്യമായി മറ്റൊരു സിലിണ്ടർ ആവശ്യപ്പെടാനുള്ള അവകാശവും നിങ്ങൾക്കുണ്ട്.മലയാളികൾ ശ്രദ്ധിക്കേണ്ട കാര്യങ്ങൾ ഗ്യാസ് ലാഭിക്കാം എന്ന് പറഞ്ഞ് പ്രാദേശികമായി വിൽക്കുന്ന ഒരു ഉപകരണവും റെഗുലേറ്ററിലോ സ്റ്റൗവിലോ ഘടിപ്പിക്കരുത്. ഇത് വൻ അപകടത്തിന് വഴിവെക്കും. BIS മുദ്രയുള്ള (IS 9573) ഓറഞ്ച് നിറത്തിലുള്ള ട്യൂബുകൾ മാത്രം ഉപയോഗിക്കുക. വാതിൽപ്പടിയിൽ പരിശോധനയ്ക്ക് വരുന്ന വ്യാജന്മാരിൽ നിന്ന് ഉയർന്ന തുക നൽകി ട്യൂബുകൾ വാങ്ങാതിരിക്കുക. മൊബൈൽ ഫോണിലേക്ക് വരുന്ന DAC നമ്പർ സിലിണ്ടർ കൃത്യമായി പരിശോധിച്ച ശേഷം മാത്രം ഡെലിവറി നടത്തുന്നയാൾക്ക് നൽകുക.ശ്രീജിത്ത് എസ് നെ കുറിച്ച് ശ്രീജിത്ത് എസ് ഡിജിറ്റൽ കണ്ടൻ്റ് പ്രൊഡ്യൂസർദി ഇക്കണോമിക് ടൈംസ് മലയാളത്തിലെ സീനിയര്‍ കണ്ടന്റ് പ്രൊഡ്യൂസറാണ് ശ്രീജിത്ത് എസ്. കഴിഞ്ഞ 10 വര്‍ഷത്തിലേറെയായി ബിസിനസ് റൈറ്ററാണ്. 2021 ഓഗസ്റ്റില്‍ ടൈംസ് ഇന്റര്‍നെറ്റ് ലിമിറ്റഡില്‍ ചേര്‍ന്ന ശ്രീജിത്ത്, ആദ്യ വര്‍ഷം സമയം മലയാളം പോര്‍ട്ടലില്‍ ബിസിനസ് സെഷന്‍ കൈകാര്യം ചെയ്തു. തുടര്‍ന്നാണ് ദി ഇക്കണോമിക് ടൈംസ് മലയളാത്തിന്റെ ഭാഗമായത്. 2016 മുതല്‍ ബിസിനസ് ജേണലിസം മേഖലയില്‍ പ്രവര്‍ത്തിക്കുന്ന വ്യക്തിയാണ്. മംഗളം ദിനപ്പത്രത്തില്‍ ബിസിനസ് സബ് എഡിറ്റര്‍ ആയാണ് കരിയര്‍ ആരംഭിച്ചത്. ഇവിടെ അഞ്ചു വര്‍ഷം ബിസിനസ് വാര്‍ത്തകള്‍ കൈകാര്യം ചെയ്തു. ഓഹരി വിപണി (ഓഹരി, മ്യൂച്വല്‍ഫണ്ട്), പേഴ്സണല്‍ ഫിനാന്‍സ് (സമ്പാദ്യ പദ്ധതികള്‍, സര്‍ക്കാര്‍ പദ്ധതികള്‍, മറ്റു നിക്ഷേപ പദ്ധതികള്‍), ആഗോള ബിസിനസ് (സര്‍ക്കാര്‍ കരാറുകള്‍, കമ്പനി ഡീലുകള്‍) സംബന്ധമായ വാര്‍ത്തകളിലാണ് പ്രാവീണ്യം. ഇതിനു പുറമേ എംഎസ്എംഇ, പൊതു ബിസിനസ് വാര്‍ത്തകള്‍ എന്നിവയും മികച്ച രീതിയില്‍ കൈകാര്യം ചെയ്തുവരുന്നു. സാമ്പത്തിക ശാസ്ത്രത്തില്‍ ബിരുദവും, കോട്ടയം പ്രസ് ക്ലബില്‍ നിന്ന് ഫോട്ടോ ജേണലിസത്തില്‍ ഡിപ്ലോമയും, ജേണലിസത്തില്‍ ബിരുദാന്തര ഡിപ്ലോമയും നേടിയ വ്യക്തിയാണ് ശ്രീജിത്ത്. കമ്പ്യൂട്ടര്‍ സോഫ്റ്റ് വെയര്‍ പ്രൊഫഷണല്‍ ഡിപ്ലോമയും നേടിയിട്ടുണ്ട്. 2021- 22ല്‍ ടൈംസ് ഗ്രൂപ്പ് ‘റൈസിംഗ് സ്റ്റാര്‍’ അവാര്‍ഡ് ലഭിച്ചിട്ടുണ്ട്.Read More


Read News