BUSINESS
എച്ച്ഡിഎഫ്സി ബാങ്ക് സിഇഒ ശശിധര് ജഗദീശന് അപ്രതീക്ഷിതമായി പടിയിറങ്ങുന്നു; ഓഹരി വില ഇടിയുമോ? നിക്ഷേപകര് അറിയേണ്ടത്
HDFC Bank CEO Sashidhar Jagdishan Steps Down: മൂന്ന് പതിറ്റാണ്ടോളം എച്ച്ഡിഎഫ്സി ബാങ്കിനെ നയിച്ച ശശിധര് ജഗദീശന് സിഇഒ സ്ഥാനമൊഴിയുന്നു. എച്ച്ഡിഎഫ്സിയെ രാജ്യത്തെ ഏറ്റവും വലിയ സ്വകാര്യ ബാങ്കാക്കി മാറ്റുന്നതില് നിര്ണായക പങ്കുവഹിച്ച വ്യക്തിയാണ് കളമൊഴിയുന്നത്. അപ്രതീക്ഷിത നേതൃമാറ്റം നിക്ഷേപകരില് താല്ക്കാലിക ആശങ്ക സൃഷ്ടിച്ചിട്ടുണ്ട്. അതേസമയം ബാങ്കിന്റെ ശക്തമായ സാമ്പത്തിക അടിത്തറ ദീര്ഘകാല നിക്ഷേപകര്ക്ക് ആശ്വാസമേകുന്നു. 2026 ഒക്ടോബര് 26 ഓടെ നിലവിലെ കാലാവധി പൂര്ത്തിയായ സാഹചര്യത്തിലാണ് തീരുമാനം. ബാങ്ക് ഭരണസമിതി അദ്ദേഹത്തോട് തുടരാന് അഭ്യര്ത്ഥിച്ചെങ്കിലും, താന് പുനര്നിയമനം ആഗ്രഹിക്കുന്നില്ലെന്ന തീരുമാനത്തില് അദ്ദേഹം ഉറച്ചുനില്ക്കുകയായിരുന്നു.സ്ഥാനമൊഴിയാനുള്ള പ്രധാന കാരണങ്ങള്എച്ച്ഡിഎഫ്സി ബാങ്കില് 30 വര്ഷത്തോളം സേവനമനുഷ്ഠിച്ച വ്യക്തിയാണ് അദ്ദേഹം. 2020-ലാണ് സിഇഒ ആയി ചുമതലയേറ്റത്. എച്ച്ഡിഎഫ്സി ലിമിറ്റഡുമായുള്ള ചരിത്രപരമായ ലയനം ഉള്പ്പെടെയുള്ള പ്രധാന ദൗത്യങ്ങള് പൂര്ത്തിയാക്കിയതിനാല് സ്ഥാനമൊഴിയാന് ഇത് അനുയോജ്യമായ സമയമാണെന്ന് അദ്ദേഹം വിശ്വസിക്കുന്നു. മുന് ചെയര്മാന് അറ്റാനു ചക്രവര്ത്തി രാജിവെച്ചതിനെ തുടര്ന്ന് ബാങ്കിന്റെ ബോര്ഡിലും, നേതൃത്വതലത്തിലും നിലനിന്നിരുന്ന അഭിപ്രായവ്യത്യാസങ്ങളും ഇതിന് കാരണമായതായി റിപ്പോര്ട്ടുകളുണ്ട്.എംഎസ്ആര്ഡിസി (MSRDC) ബള്ക്ക് ഡെപ്പോസിറ്റ് പലിശനിരക്കുമായി ബന്ധപ്പെട്ട ചില വിഷയങ്ങളില് പിഴ നേരിട്ടതും, മുന്കാലങ്ങളില് ഐടി സാങ്കേതിക തകരാറുകള് മൂലം ആര്ബിഐ ഏര്പ്പെടുത്തിയ വിലക്കുകളും അദ്ദേഹത്തിന്റെ കാലയളവില് വലിയ ചര്ച്ചയായിരുന്നു.ഓഹരിയെ ബാധിക്കാംപടിയിറക്ക വാര്ത്ത അപ്രതീക്ഷിതമായാണ് വിപണികളിലേയ്ക്ക് എത്തുന്നത്. അതിനാല് തന്നെ ഓഹരിയില് ഹ്രസ്വകാല അനിശ്ചിതത്വത്തിനുള്ള സാധ്യത വിദഗ്ധര് കാണുന്നു. വിപണി തുറക്കുമ്പോള് ഓഹരി വിലയില് താല്ക്കാലികമായി വില്പ്പന സമ്മര്ദമോ, ചാഞ്ചാട്ടമോ ഉണ്ടാകാം.അടുത്ത നേതൃത്വത്തെ കണ്ടെത്താന് ബാങ്കിന് ചുരുങ്ങിയ സമയമേ ലഭിക്കുന്നുള്ളൂ എന്നത് ഓഹരി വിലയെ പ്രതികൂലമായി ബാധിക്കാമെന്ന് ചിലര് പറയുന്നു. അതേസമയം പേടിക്കേണ്ട കാര്യമില്ല. എച്ച്ഡിഎഫ്സി ബാങ്കിന്റെ അടിസ്ഥാന സാമ്പത്തിക ഭദ്രതയും, നിക്ഷേപ വളര്ച്ചയും ലാഭക്ഷമതയും വളരെ ശക്തമായതിനാല് ശക്തനായ പുതിയൊരു സിഇഒ വരുന്നതോടെ ആശങ്കകള് മാറി വില തിരികെ കയറാന് സാധ്യതയുണ്ട്.ഓഹരിയുടമകള് ശ്രദ്ധിക്കേണ്ട കാര്യങ്ങള്പുതിയ സിഇഒ പ്രഖ്യാപനമാണ് നിക്ഷേപകര് ശ്രദ്ധിക്കേണ്ട പ്രധാന കാര്യം. ബോര്ഡും ആര്ബിഐയും (RBI) ആരെയാണ് അടുത്ത സിഇഒ ആയി നിശ്ചയിക്കുക എന്നത് വളരെ പ്രധാനമാണ്. ബാങ്കിന്റെ പാദവാര്ഷിക ഫലങ്ങള്, നെറ്റ് ഇന്ററസ്റ്റ് മാര്ജിന് (NIM), വായ്പാ ഗുണനിലവാരം (NPA) എന്നിവ കൃത്യമായി നിരീക്ഷിക്കണം. വാര്ത്തകള് കണ്ട് അടിയന്തരമായി ഓഹരികള് വിറ്റഴിക്കുന്നതിന് പകരം, ബാങ്കിന്റെ പുതിയ സ്ട്രാറ്റജിയും ഭരണമികവും വിലയിരുത്തി മാത്രം തീരുമാനങ്ങള് എടുക്കുന്നതാകും ഉചിതം.
Read News
