യുപിഐ സൗജന്യമെന്ന് ധനമന്ത്രി; പുതിയ നികുതി ബില്ല് രാജ്യസഭയും കടന്നു, വരുന്നത് തൊഴിലുകള്‍

UPI Bill Updates: യുപിഐയ്ക്ക് ചാര്‍ജുകള്‍ വരുന്നുവെന്ന ആശങ്ക ഒഴിയുന്നു. ഡിജിറ്റല്‍ കാലത്ത് കടയില്‍ നിന്ന് ഒരു ചായ കുടിക്കുന്നതിനും, പച്ചക്കറി വാങ്ങുന്നതിനും നമ്മള്‍ ആശ്രയിക്കുന്ന യുപിഐ ഇടപാടുകള്‍ക്ക് ഫീസ് വരുന്നുവെന്ന ആശങ്ക ഒഴിവാക്കി കേന്ദ്ര ധനമന്ത്രി നിര്‍മല സീതാരാമന്‍. സാധാരണക്കാരന്റെയും ചെറുകിട വ്യാപാരികളുടെയും പോക്കറ്റിനെ ബാധിക്കാത്ത വണ്ണം സൗജന്യ ഡിജിറ്റല്‍ സേവനങ്ങള്‍ തുടരുമെന്ന ഉറപ്പാണ് ഈ നിയമത്തിന്റെ ഏറ്റവും വലിയ ആശ്വാസം. കേന്ദ്ര ധനമന്ത്രി നിര്‍മല സീതാരാമന്‍ അവതരിപ്പിച്ച Taxation and Other Laws (Amendment) Bill, 2026 പാര്‍ലമെന്റിന്റെ ഇരുസഭകളും (ലോക്സഭയും, രാജ്യസഭയും) കടന്നിരിക്കുകയാണ്. പാര്‍ലമെന്റ് പാസാക്കിയ ഈ ബില്ലില്‍ രാഷ്ട്രപതി ഒപ്പുവെക്കുന്നതോടെ രാജ്യത്ത് നിയമമായി പ്രാബല്യത്തില്‍ വരും.ധനമന്ത്രി നിര്‍മല സീതാരാമന്‍ പറയുന്നുയുപിഐ സാധാരണക്കാര്‍ക്ക് പൂര്‍ണ്ണമായും സൗജന്യമായി തുടരുമെന്ന് ധനമന്ത്രി പറഞ്ഞു. സാധാരണ ഉപഭോക്താക്കള്‍ക്ക് UPI വഴി നടത്തുന്ന പണമിടപാടുകള്‍ക്ക് യാതൊരുവിധ അധിക ഫീസോ, ട്രാന്‍സാക്ഷന്‍ ചാര്‍ജോ, നികുതിയോ ഈടാക്കില്ല. കടക്കാരിലും ചെറുകിട കച്ചവടക്കാരിലും MDR (Merchant Discount Rate) അടിച്ചേല്‍പ്പിക്കില്ലെന്നും അവര്‍ക്ക് ഇത് സാമ്പത്തിക ഭാരമാകില്ലെന്നും മന്ത്രി ഉറപ്പുനല്‍കി.ഡിജിറ്റല്‍ പേയ്മെന്റ് സംവിധാനങ്ങള്‍ക്ക് നല്‍കിയിട്ടുള്ള സംരക്ഷണം തുടരാനും ബില്ല് വ്യവസ്ഥ ചെയ്യുന്നു. വന്‍കിട പേയ്മെന്റ് സിസ്റ്റങ്ങളില്‍ സര്‍ക്കാരിന് നിയന്ത്രണങ്ങള്‍ വ്യക്തമാക്കാന്‍ അധികാരം നല്‍കുന്ന ഒരു ചട്ടക്കൂട് മാത്രമാണ് ഈ ബില്ലിലുള്ളത്. വ്യാപാരികള്‍ക്ക് എംഡിആര്‍ ഈടാക്കാനുള്ള നീക്കം ഉപയോക്താക്കളെയും ബാധിക്കുമെന്നു റിപ്പോര്‍ട്ടുകളുണ്ടായിരുന്നു. ഇതിനിടെയാണ് ധനമന്ത്രി വിഷയത്തില്‍ വ്യക്തത വരുത്തിയിരിക്കുന്നത്.ഈ ബില്ലിലെ പ്രധാന വ്യവസ്ഥകള്‍ഡിജിറ്റല്‍ പേയ്മെന്റ് ആക്ടിലെ ഭേദഗതി (Payment and Settlement Systems Act, 2007) ആണ് ഏറ്റവും പ്രധാനം. ഡിജിറ്റല്‍ പേയ്മെന്റുകള്‍ സംബന്ധിച്ച് ബാങ്കുകള്‍ക്കും, പേയ്മെന്റ് കമ്പനികള്‍ക്കും ചട്ടങ്ങള്‍ നിശ്ചയിക്കാനുള്ള അധികാരം സര്‍ക്കാരിന് നല്‍കുന്നു. ഇന്ത്യയില്‍ ഇലക്ട്രോണിക് നിര്‍മ്മാണ മേഖലയില്‍ പ്രവര്‍ത്തിക്കുന്ന വിദേശ കമ്പനികള്‍ക്കുള്ള നികുതി ഇളവുകള്‍ 2040- 41 സാമ്പത്തിക വര്‍ഷം വരെ നീട്ടി നല്‍കിയിട്ടുണ്ട്.ഇന്ത്യയിലെ സര്‍ക്കാര്‍ സെക്യൂരിറ്റികളില്‍ നിക്ഷേപിക്കുന്ന വിദേശ സ്ഥാപന നിക്ഷേപകര്‍ക്ക് (FIIs) പലിശ വരുമാനത്തിലും, മൂലധന നേട്ടത്തിലും നികുതി ഇളവുകള്‍ പ്രഖ്യാപിച്ചു. ഡാറ്റാ സെന്ററുകള്‍, വന്‍കിട ഡയമണ്ട് ട്രേഡിംഗ് എന്നിവ പ്രോത്സാഹിപ്പിക്കുന്നതിനും നികുതി ഇളവുകള്‍ വ്യവസ്ഥ ചെയ്യുന്നു.സാധാരണക്കാരായ ജനങ്ങളെ എങ്ങനെ ബാധിക്കും?ദൈനംദിന ആവശ്യങ്ങള്‍ക്കായി നടത്തുന്ന UPI ഇടപാടുകള്‍ക്ക് (കടകളില്‍ പണം നല്‍കല്‍, സുഹൃത്തുക്കള്‍ക്ക് പണം അയക്കല്‍ മുതലായവ) യാതൊരു വിധ അധിക ഫീസും നല്‍കേണ്ടതില്ല. ക്യുആര്‍ കോഡ് (QR Code) വഴി പണം സ്വീകരിക്കുന്ന ചെറുകിട കടക്കാര്‍ക്കും, വ്യാപാരികള്‍ക്കും നിലവിലെ സേവനങ്ങള്‍ സൗജന്യമായിത്തന്നെ തുടരാം.രാജ്യത്ത് ഇലക്ട്രോണിക്‌സ് ഉല്‍പ്പന്നങ്ങളുടെ നിര്‍മ്മാണം വര്‍ദ്ധിക്കുന്നതോടെ പ്രാദേശികമായി കൂടുതല്‍ തൊഴിലവസരങ്ങള്‍ ഉണ്ടാകാനും, മൊബൈല്‍ ഫോണ്‍ ഉള്‍പ്പെടെയുള്ള ഉപകരണങ്ങളുടെ ഉല്‍പ്പാദനം കൂടാനും സഹായകരമാകും. ഇത് ഇത്തരം സാധാനങ്ങളുടെ വില കുറയാനും വഴിവയ്ക്കും.ശ്രദ്ധിക്കേണ്ട കാര്യങ്ങള്‍UPI-ക്ക് ഇനി സര്‍വീസ് ചാര്‍ജ് ഈടാക്കും എന്ന പേരില്‍ വരുന്ന സോഷ്യല്‍ മീഡിയ വാര്‍ത്തകള്‍ തെറ്റാണെന്ന് വ്യക്തമാക്കുന്നതാണ് ധനമന്ത്രിയുടെ വാക്കുകള്‍. ഭാവിയില്‍ ഉയര്‍ന്ന തുകകളുടെ വന്‍കിട ബിസിനസ് ട്രാന്‍സാക്ഷനുകളില്‍ (Large Scale Commercial Transactions) ബാങ്കുകള്‍ക്ക് ഫ്രെയിംവര്‍ക്ക് കൊണ്ടു വരാമെങ്കിലും, സാധാരണ ഉപഭോക്താക്കളുടെ (P2P / Small Merchant) ഇടപാടുകളെ ഇതു ബാധിക്കില്ലെന്ന് സര്‍ക്കാര്‍ വ്യക്തമാക്കുന്നു. കച്ചവട ആവശ്യങ്ങള്‍ക്ക് വ്യക്തിഗത അക്കൗണ്ടുകള്‍ക്ക് പകരം കറന്റ് അക്കൗണ്ടോ, ബിസിനസ് ക്യുആര്‍ കോഡോ ഉപയോഗിക്കുന്നത് ആദായനികുതി പരിശോധനകള്‍ ഒഴിവാക്കാന്‍ സഹായിക്കും.


Read News