BUSINESS
EV: 30 ലക്ഷം വരെ 100% നികുതി ഇളവ്, സ്ത്രീകള്ക്ക് റിബേറ്റ്; ഇവി നയത്തില് വിപ്ലവവുമായി ഹരിയാന, കേരളത്തിലെ ഇളവുകള് അറിയാം
Kerala EV Offers: ഹരിയാന സര്ക്കാരിന്റെ പുതിയ ഇലക്ട്രിക് വാഹന നയം (EV Policy) രാജ്യം മുഴുവന് ചര്ച്ചയാകുകയാണ്. സ്വന്തമായി ഒരു ഇലക്ട്രിക് വാഹനം സ്വപ്നം കാണുന്നവര്ക്ക് ഇതിലും മികച്ച പ്രഖ്യാപനങ്ങള് ഇനി ഉണ്ടായേക്കില്ല. 100% വരെ നികുതി ഇളവ് മുതല് സ്ത്രീകള്ക്ക് പ്രത്യേക റിബേറ്റും, സബ്സിഡിയും വരെ പ്രഖ്യാപിച്ചിരിക്കുകയാണ് ഹരിയാന സര്ക്കാര്. ഹരിയാന മന്ത്രിസഭ അടുത്തിടെ അംഗീകരിച്ച പുതിയ ഇലക്ട്രിക് വാഹന നയത്തിലെ പ്രധാന വിവരങ്ങളും, നിലവില് ഇവികള്ക്ക് കേരളത്തില് ലഭ്യമായ ഇളവുകളുമാണ് താഴെ നല്കുന്നത്. ഹരിയാന സര്ക്കാരിന്റെ പുതിയ ഇവി നയം ( Haryana EV Policy )100% മോട്ടോര് വാഹന നികുതി ഇളവാണ് പുതിയ നയത്തിന്റെ ഏറ്റവും വലിയ ഹൈലൈറ്റ്. പുതിയ ഇലക്ട്രിക് ടു-വീലറുകള്, ത്രീ-വീലറുകള്, ഫോര്-വീലറുകള് എന്നിവയുടെ രജിസ്ട്രേഷന് സമയത്തുള്ള മോട്ടോര് വെഹിക്കിള് ടാക്സ് പൂര്ണ്ണമായും (100%) ഒഴിവാക്കി. 30 ലക്ഷം വരെ എക്സ്ഷോറൂം വിലയുള്ള വാഹനങ്ങള്ക്ക് ഇതു ബാധകമാണ്. 30 ലക്ഷത്തിന് മുകളില് വിലയുള്ള ഇലക്ട്രിക് വാഹനങ്ങള്ക്ക് മോട്ടോര് വാഹന നികുതിയില് 50% ഇളവ് ലഭിക്കും. സ്ത്രീകളുടെ പേരില് വാങ്ങുന്ന 20 ലക്ഷം വരെ വിലയുള്ള നോണ്-ട്രാന്സ്പോര്ട്ട് വാഹനങ്ങള്ക്ക് (ഇവിയും സാധാരണ വാഹനങ്ങളും ഉള്പ്പെടെ) മോട്ടോര് വാഹന നികുതിയില് 1% അധിക ഇളവ് (Rebate) പ്രഖ്യാപിച്ചിട്ടുണ്ട്. നിലവിലുള്ള 20% മോട്ടോര് വാഹന നികുതി ഇളവ് സിഎന്ജി വാഹനങ്ങള്ക്ക് മാറ്റമില്ലാതെ തുടരും.കേരളത്തില് ഇവികള്ക്ക് നിലവിലുള്ള ഇളവുകള് കേരളത്തില് ഇലക്ട്രിക് വാഹനങ്ങള്ക്ക് 100% റോഡ് നികുതി ഇളവ് ലഭ്യമല്ലെന്ന് ആദ്യമേ പറയട്ടെ. അതേസമയം സാധാരണ പെട്രോള്, ഡീസല് വാഹനങ്ങളെ (10% – 17%+) അപേക്ഷിച്ച് വളരെ കുറഞ്ഞ റോഡ് നികുതി നിരക്കാണ് ഇവികള്ക്ക് ഈടാക്കുന്നത്.കുറഞ്ഞ റോഡ് നികുതി (Road Tax Structure) 10 ലക്ഷം വരെയുള്ള ഇവികള്ക്ക്: 3% റോഡ് നികുതി. 10 ലക്ഷം മുതല് 20 ലക്ഷം വരെ: 5% റോഡ് നികുതി. 20 ലക്ഷം മുതല് 40 ലക്ഷം വരെ: 10% റോഡ് നികുതി. 40 ലക്ഷത്തിന് മുകളിലുള്ള ലക്ഷ്വറി ഇവികള്ക്ക്: 15% റോഡ് നികുതി.രജിസ്ട്രേഷന് നിരക്കുകളിലെ ഇളവ്കേന്ദ്ര, സംസ്ഥാന വാഹന നിയമാവലി അനുസരിച്ച് ഇലക്ട്രിക് വാഹനങ്ങളുടെ രജിസ്ട്രേഷന് ഫീസുകളില് ഇളവുകള് ലഭ്യമാണ്. സ്വകാര്യ ഇലക്ട്രിക് കാറുകള്ക്ക് നിലവില് സംസ്ഥാന സര്ക്കാരിന്റെ നേരിട്ടുള്ള ക്യാഷ് സബ്സിഡി ലഭ്യമല്ല. എന്നാല് കേന്ദ്ര സര്ക്കാരിന്റെ PM E-DRIVE പദ്ധതി വഴിയുള്ള ആനുകൂല്യങ്ങള് ഇലക്ട്രിക് ടു-വീലറുകള്, ത്രീ-വീലറുകള്, പൊതുഗതാഗത വാഹനങ്ങള് എന്നിവയ്ക്ക് ലഭിക്കും. ഇവി ചാര്ജിംഗ് ഇന്ഫ്രാസ്ട്രക്ചര് പ്രോത്സാഹിപ്പിക്കുന്നതിനായി ചാര്ജിംഗ് സ്റ്റേഷനുകളും, ബാറ്ററി സ്വാപ്പിംഗ് സ്റ്റേഷനുകളും സ്ഥാപിക്കുന്ന സംരംഭകര്ക്ക് നിശ്ചിത ക്യാപിറ്റല് സബ്സിഡികള് സംസ്ഥാന സര്ക്കാര് നല്കിവരുന്നുണ്ട്.(മുകളില് പറഞ്ഞ വിവരങ്ങള് നിലവില് ലഭ്യമായ വിവരങ്ങള് അടിസ്ഥാനമാക്കിയാണ്. കൂടുതല് വ്യക്തത വരുത്താവുന്നതാണ്.)
Read News
