മത്സരത്തിനിടെ ആരാധകന്റെ അശ്ലീല ചോദ്യം: താരത്തിന്റെ മറുപടി വൈറൽ
കേപ്ടൗൺ ടെസ്റ്റിന്റെ മൂന്നാം ദിനം കളിക്കളത്തിലെ വീറും വാശിക്കുമിടയിൽ കാണികളുടെ ഇടയിൽ നിന്നുള്ള ഒരു കാഴ്ചയാണ് ഇപ്പോൾ ക്രിക്കറ്റ് പ്രേമികൾക്കിടയിൽ ചർച്ചയാകുന്നത്. ദക്ഷിണാഫ്രിക്കൻ വിക്കറ്റ് കീപ്പർ ബാറ്ററായ റയാൻ റിക്കൽട്ടനെ ലക്ഷ്യമാക്കി ഒരു ആരാധകൻ ഉയർത്തിയ രസകരമായ പ്ലക്കാർഡാണ് ക്യാമറക്കണ്ണുകളിൽ പതിഞ്ഞത്.
ഓസ്ട്രേലിയയുടെ ആദ്യ ഇന്നിങ്സ് നടക്കുമ്പോൾ ജെറാൾഡ് കോട്സി എറിഞ്ഞ ഓവറിലായിരുന്നു സംഭവം. മിച്ചൽ സ്റ്റാർക്കിനൊപ്പം കൂപ്പർ കനോലി ക്രീസിൽ നിലയുറപ്പിച്ചിരുന്ന സമയത്ത് സ്റ്റേഡിയത്തിലെ ബിഗ് സ്‌ക്രീനിൽ ആ ആരാധകനെ കാണിച്ചതോടെ, അയാൾ ഉടൻ തന്നെ തന്റെ പ്ലക്കാർഡുമായി ഒരു ഫ്ലൈയിങ് കിസ് നൽകി ശ്രദ്ധ ആകർഷിക്കുകയായിരുന്നു. ഇത് ശ്രദ്ധയിൽപ്പെട്ട റിക്കൽട്ടൻ, ചിരിയോടെ തലയൊന്നു കുലുക്കി പ്രതികരിക്കുകയും ചെയ്തു. നിമിഷനേരം കൊണ്ടാണ് ഈ ദൃശ്യങ്ങൾ സമൂഹമാധ്യമങ്ങളിൽ തരംഗമായി മാറിയത്.
നേരത്തെ നടന്ന മത്സരത്തിൽ ദക്ഷിണാഫ്രിക്കൻ നിരയിൽ മികച്ച പ്രകടനം കാഴ്ചവെക്കാൻ റിക്കൽട്ടന് സാധിച്ചിരുന്നു. 83 പന്തുകൾ നേരിട്ട് 42 റൺസാണ് താരം അടിച്ചെടുത്തത്. ഒടുവിൽ ദക്ഷിണാഫ്രിക്ക തങ്ങളുടെ ആദ്യ ഇന്നിങ്സിൽ 329 റൺസിന് പുറത്താവുകയായിരുന്നു. ആദ്യ ഇന്നിങ്സിൽ 100 റൺസിന്റെ ലീഡ് വഴങ്ങിയ ദക്ഷിണാഫ്രിക്ക, രണ്ടാം ഇന്നിങ്സിൽ നാല് വിക്കറ്റ് നഷ്ടത്തിൽ 140 റൺസ് എന്ന നിലയിൽ പോരാട്ടം തുടരുകയാണ്.
