ആഡംബര സൗകര്യങ്ങൾ! ക്രെറ്റ ലോഞ്ച് എഡിഷൻ അവതരിപ്പിച്ച് ഹ്യുണ്ടേയ്

ഇന്ത്യൻ വാഹന വിപണിയിൽ ഉത്സവ സീസണിന് തുടക്കം കുറിച്ചുകൊണ്ട്, ഹ്യുണ്ടേയ് ക്രെറ്റ, ക്രെറ്റ ഇലക്ട്രിക് എന്നിവയുടെ പുതിയ ‘ലോഞ്ച് എഡിഷനുകൾ’ പുറത്തിറക്കി. പെട്രോൾ, ഡീസൽ എൻജിൻ ഓപ്ഷനുകളുള്ള ക്രെറ്റ ലോഞ്ച് എഡിഷന് 19.21 ലക്ഷം രൂപയും, കൂടുതൽ ഇക്കോ ഫ്രണ്ട്‌ലിയായ ക്രെറ്റ ഇലക്ട്രിക് ലോഞ്ച് എഡിഷന് 24.34 ലക്ഷം രൂപയുമാണ് പ്രാരംഭ എക്സ്-ഷോറൂം വില.പുറംകാഴ്ചയിൽ, ‘ഗോൾഡൻ ബ്രോൺസ്’ എന്ന പ്രത്യേക എക്സ്റ്റീരിയർ കളർ സ്കീം ഈ രണ്ട് എസ്‌യുവികൾക്കും വളരെ ആകർഷകമായ രൂപഭംഗി നൽകുന്നു എന്ന് നിസംശയം പറയാം. ഫ്രണ്ട്-റിയർ സ്കിഡ് പ്ലേറ്റുകൾ, സൈഡ് സിൽ ഗാർണിഷുകൾ, റിയർ സ്പോയിലർ, റൂഫ് റെയിലുകൾ, സി-പില്ലർ ട്രിമ്മുകൾ, ഔട്ട്‌സൈഡ് റിയർവ്യൂ മിററുകൾ എന്നിവയിൽ നൽകിയിരിക്കുന്ന കടും കറുപ്പ് നിറത്തിലുള്ള ആക്സന്റുകൾ ഈ സ്പെഷ്യൽ എഡിഷന്റെ പ്രത്യേക നിറത്തിന് കൂടുതൽ മിഴിവേകുന്നു. കൂടാതെ, സ്റ്റൈലിഷ് ബ്ലാക്ക് ‘ഏറോ അലോയി വീലുകൾ’  വാഹനങ്ങൾക്ക് റോഡിൽ കൂടുതൽ ഗാംഭീര്യം നിറഞ്ഞ ലുക്ക് നൽകുന്നു.യാത്രക്കാരുടെ സൗകര്യവും കംഫർട്ടും വർധിപ്പിക്കുന്നതിലാണ് ഹ്യുണ്ടേയി വാഹനങ്ങളുടെ ഇന്റീരിയറിൽ പ്രധാനമായും ശ്രദ്ധ കേന്ദ്രീകരിച്ചിരിക്കുന്നത് എന്ന് കാണാം. ക്യാബിനിൽ ശാന്തമായ അന്തരീക്ഷം സൃഷ്ടിക്കുന്നതിനായി സിൽവർ നിറത്തിലുള്ള ആകർഷകമായ ഇൻസേർട്ടുകളും ‘മൂൺ-വൈറ്റ്’ ആംബിയന്റ് ലൈറ്റിങ്ങും ഇതിൽ ഒരുക്കിയിരിക്കുന്നു. സീറ്റുകളിൽ പ്രത്യേക ‘ലൗഞ്ച് പാറ്റേൺ’ ഡിസൈനും, ‘ലൗഞ്ച്’ ബ്രാൻഡിങ് പതിച്ച ഹെഡ്‌റെസ്റ്റ് കുഷ്യനുകളും ഹ്യുണ്ടേയ് നൽകിയിട്ടുണ്ട്.


Sports ⏭️