പ്രളയക്കെടുതിയില്‍ നേപ്പാള്‍; ചൈനയുടെ 33000 കോടിയുടെ കടക്കെണി, സമ്പദ് വ്യവസ്ഥയെ താങ്ങിനിര്‍ത്തുന്നത് ഇന്ത്യ

Nepal News Updates: മിന്നല്‍ പ്രളയത്തില്‍ വിറങ്ങലിച്ച നേപ്പാളില്‍ രക്ഷാപ്രവര്‍ത്തനവുമായി ഇന്ത്യയും ചൈനയും മുന്നിലാണ്. അതേസമയം രാജ്യത്തിന്റെ സാമ്പത്തിക അടിത്തറ ഭരിക്കുന്നത് ഇന്ത്യയാണ്. വികസന പദ്ധതികളില്‍ ചൈന സ്വാധീനം ഉറപ്പിക്കാന്‍ ശ്രമിക്കുമ്പോഴും, 96,000 കോടി രൂപയുടെ ഉഭയകക്ഷി വ്യാപാരവുമായി നേപ്പാളിന്റെ പ്രധാന ജീവനാഡിയായി ഇന്ത്യ തുടരുന്നു. നേപ്പാളിന്റെ ദൈനംദിന ആവശ്യങ്ങളും, സമ്പദ്വ്യവസ്ഥയും ഇപ്പോഴും ഇന്ത്യയെ ആശ്രയിച്ചാണ് നിലനില്‍ക്കുന്നത്.നേപ്പാളും ഇന്ത്യയും തമ്മിലുള്ള വ്യാപാരം2025- 26 സാമ്പത്തിക വര്‍ഷത്തെ കണക്കനുസരിച്ച് ഇന്ത്യയും നേപ്പാളും തമ്മിലുള്ള മൊത്തം വ്യാപാരം ഏകദേശം 10 ബില്യണ്‍ ഡോളറിന്റേതാണ്. അതായത് ഏകദേശം 96,000 കോടി രൂപ. നേപ്പാളിന്റെ മൊത്തം ഇറക്കുമതിയുടെ 60 ശതമാനത്തിലധികവും ഇന്ത്യയില്‍ നിന്നാണ് വരുന്നത്. അതുപോലെ നേപ്പാളിന്റെ മൊത്തം കയറ്റുമതിയുടെ 80 ശതമാനവും ഇന്ത്യയിലേക്കാണ്. പെട്രോള്‍, ഡീസല്‍, മറ്റ് ഇന്ധനങ്ങള്‍, ധാന്യങ്ങള്‍, വാഹനങ്ങള്‍, യന്ത്രങ്ങള്‍, സ്റ്റീല്‍, വൈദ്യുതി, ഇന്‍ഷുറന്‍സ്, ബാങ്കിംഗ് സേവനങ്ങള്‍ തുടങ്ങിയ അവശ്യസാധനങ്ങളെല്ലാം നേപ്പാളിന് നല്‍കുന്നത് ഇന്ത്യയാണ്. ഇതിനു പുറമേ കഴിഞ്ഞ 20 വര്‍ഷത്തിനിടെ ഇന്ത്യ നേപ്പാളിന് 750 മില്യണ്‍ ഡോളറിന്റെ ലൈന്‍സ് ഓഫ് ക്രെഡിറ്റ് നല്‍കിയിട്ടുണ്ട്. ഇത് എപ്പോള്‍ വേണമെങ്കിലും ഉപയോഗിക്കാം.നേപ്പാളും ചൈനയും തമ്മിലുള്ള വ്യാപാരം2025- 26 കാലയളവില്‍ നേപ്പാളും ചൈനയും തമ്മിലുള്ള വ്യാപാരം ഏകദേശം 34,373 കോടി രൂപയായിരുന്നു. ഇതില്‍ 34,110 കോടി രൂപയുടെ സാധനങ്ങള്‍ നേപ്പാള്‍ ചൈനയില്‍ നിന്ന് വാങ്ങിയപ്പോള്‍, വെറും 263 കോടി രൂപയുടെ സാധനങ്ങള്‍ മാത്രമാണ് അങ്ങോട്ട് വിറ്റത്. ഏകദേശം 33,847 കോടി രൂപയുടെ വലിയ വ്യാപാര കമ്മി (trade deficit) ആണ് നേപ്പാളിന് ചൈനയുമായുള്ളത്. യന്ത്രങ്ങള്‍, ഇലക്ട്രോണിക്‌സ്, നിര്‍മ്മാണ സാമഗ്രികള്‍, വസ്ത്രങ്ങള്‍, വളം, മരുന്നുകള്‍ തുടങ്ങിയവയാണ് നേപ്പാള്‍ ചൈനയില്‍ നിന്ന് പ്രധാനമായും ഇറക്കുമതി ചെയ്യുന്നത്. കാര്‍ഷിക ഉല്‍പ്പന്നങ്ങള്‍, ചായ, കാപ്പി, ഹിമാലയത്തില്‍ കണ്ടുവരുന്ന ഔഷധ ഗുണങ്ങളുള്ള യര്‍സഗുംബ (yarsagumba) എന്ന ഫംഗസ് പോലുള്ളവ കയറ്റുമതി ചെയ്യുന്നു.വിദേശ നിക്ഷേപങ്ങള്‍ (FDI)കഴിഞ്ഞ കുറച്ചു വര്‍ഷങ്ങളായി നേപ്പാളിന്റെ അടിസ്ഥാന സൗകര്യ വികസനങ്ങളില്‍ ചൈന വലിയ തോതില്‍ നിക്ഷേപം നടത്തുന്നുണ്ട്. പ്രത്യേകിച്ച് ജലവൈദ്യുത പദ്ധതികള്‍, റോഡുകള്‍, വിനോദസഞ്ചാരം തുടങ്ങിയവയില്‍. നേപ്പാളിലേക്കുള്ള മൊത്തം നേരിട്ടുള്ള വിദേശ നിക്ഷേപത്തിന്റെ (FDI) ഏകദേശം 45% ഇപ്പോള്‍ ചൈനയില്‍ നിന്നാണ്. ഏകദേശം 224 ബില്യണ്‍ നേപ്പാളീസ് രൂപ.നേപ്പാളില്‍ കൂടുതല്‍ നിക്ഷേപം ആര്‍ക്ക്നേപ്പാളിലെ ഏറ്റവും വലിയ നിക്ഷേപകര്‍ ഇന്ത്യ തന്നെയാണ്. 800 ദശലക്ഷം ഡോളറിന്റെ നിക്ഷേപമാണ് ഇന്ത്യ നടത്തിയിട്ടുള്ളത്. കൂടാതെ 150 ഓളം ഇന്ത്യന്‍ കമ്പനികള്‍ നേപ്പാളില്‍ പ്രവര്‍ത്തിക്കുന്നുണ്ട്. എന്നാല്‍ സമീപകാലത്ത് അടിസ്ഥാന സൗകര്യ വികസന പദ്ധതികളില്‍ ചൈന തങ്ങളുടെ നിക്ഷേപം വലിയ രീതിയില്‍ വര്‍ധിപ്പിച്ചുവെന്നും റിപ്പോര്‍ട്ടുകള്‍ വ്യക്തമാക്കുന്നു.ഉഭയകക്ഷി വ്യാപാരത്തില്‍ മുന്നിലാര്ഉഭയകക്ഷി വ്യാപാരത്തിലും അനിഷേധ്യമായി മുന്നില്‍ നില്‍ക്കുന്നത് ഇന്ത്യ തന്നെ. നേപ്പാളിന്റെ ദൈനംദിന ആവശ്യങ്ങള്‍ക്കും, സാമ്പത്തിക നിലനില്‍പ്പിനും അവര്‍ പ്രധാനമായും ഇന്ത്യയെയാണ് ആശ്രയിക്കുന്നത്. ചൈനയുമായുള്ള വ്യാപാരം ഇന്ത്യയെ അപേക്ഷിച്ച് വളരെ കുറവാണ്. ചൈനയുമായുള്ള വ്യാപാരം നേപ്പാളിന് വന്‍ സാമ്പത്തിക ബാധ്യത (വ്യാപാര കമ്മി) ഉണ്ടാക്കുന്നതുമാണെന്ന് പ്രത്യേകം മനസിലാക്കുക.


Read News