വിൽപന 4 ലക്ഷം പിന്നിട്ട് മഹീന്ദ്ര ലാസ്റ്റ് മൈൽ മൊബിലിറ്റി ലിമിറ്റഡ്

വാണിജ്യ വാഹന നിർമാതാക്കളായ മഹീന്ദ്ര ലാസ്റ്റ് മൈൽ മൊബിലിറ്റി ലിമിറ്റഡ് ഇലക്ട്രിക് കരുത്തിൽ കുതിച്ചുപായുന്നു. വാണിജ്യ ആവശ്യങ്ങൾക്ക് ഉപയോഗിക്കുന്ന ഇലക്ട്രിക് വാഹനങ്ങളുടെ വിൽപ്പന നാല് ലക്ഷം പിന്നിട്ടു. അതോടെ ഈ നാഴികക്കല്ല് പിന്നിടുന്ന ഇന്ത്യയിലെ ആദ്യത്തെ വാണിജ്യ വാഹന നിർമ്മാതാക്കളായി മഹീന്ദ്ര ലാസ്റ്റ് മൈൽ മൊബിലിറ്റി ലിമിറ്റഡ്. തുടർച്ചയായ നാലാം സാമ്പത്തിക വർഷവും ഇന്ത്യയിൽ ഒന്നാം സ്ഥാനത്തെത്തുന്ന ഇലക്ട്രിക് വാണിജ്യ വാഹന നിർമ്മാതാക്കളായി മാറി. പാസഞ്ചർ, കാർഗോ ലാസ്റ്റ് മൈൽ വിഭാഗങ്ങളിലായി 4 ലക്ഷം ഇവികൾ മോഡലുകളാണ് വിറ്റഴിച്ചത്. പുതിയ ചുവടുവയ്പ്പ്ഓരോ ത്രീ വീലർ, ചെറുകിട വാണിജ്യ വാഹനങ്ങൾക്കും പിന്നിൽ ഒരു ഉപജീവനമാർഗ്ഗമുണ്ട്. ഒരു ഡ്രൈവർ, ഒരു കടയുടമ, ഒരു ഡെലിവറി പങ്കാളി, ഒരു ചെറുകിട ബിസിനസ്സ്. ഇന്ന്, ആ യാത്രകളിൽ 4 ലക്ഷത്തിലധികം മഹീന്ദ്ര ലാസ്റ്റ് മൈൽ മൊബിലിറ്റി ഇലക്ട്രിക് വാഹനങ്ങളിലാണ് നടക്കുന്നത്. മഹീന്ദ്ര ലാസ്റ്റ് മൈൽ മൊബിലിറ്റി ലിമിറ്റഡ് 4 ലക്ഷം ഇലക്ട്രിക് വാഹന വിൽപ്പന കടന്നതോടെ ഇന്ത്യയിലെ ആദ്യത്തെ വാണിജ്യ ഇവി നിർമ്മാതാക്കളായി ഇവർ മാറി. ഇത് രാജ്യത്തിന്റെ ഇലക്ട്രിക് ലാസ്റ്റ് മൈൽ മൊബിലിറ്റിയിലേക്കുള്ള മാറ്റത്തിലെ ഒരു പ്രധാന നാഴികക്കല്ലാണ്. മഹീന്ദ്ര ഇലക്ട്രിക് വാണിജ്യ വാഹനങ്ങളെ ആശ്രയിക്കുന്ന ലക്ഷക്കണക്കിന് ഉപഭോക്താക്കളുടെ വിശ്വാസത്തെ ഈ നാഴികക്കല്ല് പ്രതിഫലിപ്പിക്കുന്നു. മഹീന്ദ്ര ഉഡോ, ട്രിയോ ശ്രേണി, സോർ ഗ്രാൻഡ്, സിയോ, ഇ–ആൽഫ എന്നിവയാണ് മഹീന്ദ്രയുടെ പ്രധാന ഇവി മോഡലുകൾ. പ്രകൃതിയുടെ കാവൽക്കാർഇ–കണക്കിൽ പറഞ്ഞാൽ 9 ബില്യണിലധികം ദൂരം മഹീന്ദ്ര മോഡലുകൾ ഇലക്ട്രിക് കിലോമീറ്റർ സഞ്ചരിച്ചിട്ടുണ്ടാകും. ഏകദേശം 1,85,000 മെട്രിക് ടൺ കാർബൺഡൈഓക്സൈഡ് എമിഷൻ ഒഴിവാക്കാൻ ഇത് സഹായിച്ചു. ഇത് 8.3 ദശലക്ഷത്തിലധികം മരങ്ങൾ നട്ടുപിടിപ്പിക്കുന്നതിന് തുല്യമാണ്. ‘4 ലക്ഷം എന്നത് ഞങ്ങൾക്ക് വെറുമൊരു സംഖ്യയല്ല – ഓരോ ദിവസവും ഞങ്ങൾ വൈദ്യുതി എത്തിച്ച 4 ലക്ഷം ഉപജീവനമാർഗമാണ്. ഈ നാഴികക്കല്ല് ഇലക്ട്രിക് തിരഞ്ഞെടുത്ത ഡ്രൈവർമാർക്കും സംരംഭകർക്കും, ഇന്ത്യയുടെ അവസാന മൈൽ സമ്പദ്‌വ്യവസ്ഥയ്ക്ക് ഇലക്ട്രിക് മൊബിലിറ്റി ഒരു പ്രായോഗിക തിരഞ്ഞെടുപ്പാക്കി മാറ്റിയ പങ്കാളികൾക്കും ടീമുകൾക്കും അവകാശപ്പെട്ടതാണ്. മഹീന്ദ്രയിൽ, ഞങ്ങളുടെ ശ്രദ്ധ വ്യക്തമാണ്: മികച്ച ഉൽപ്പന്നങ്ങൾ നിർമ്മിക്കുക, ആവാസവ്യവസ്ഥയെ ശക്തിപ്പെടുത്തുക, എല്ലാ അവസാന മൈൽ ഉപഭോക്താക്കൾക്കും ഇലക്ട്രിക് മൊബിലിറ്റി ആക്‌സസ് ചെയ്യാവുന്നതാക്കുക’ മഹീന്ദ്ര ലാസ്റ്റ് മൈൽ മൊബിലിറ്റി ലിമിറ്റഡിന്റെ മാനേജിങ് ഡയറക്ടറും സിഇഒയുമായ ശ്രീമതി സുമൻ മിശ്ര പറഞ്ഞു,


Sports ⏭️