BUSINESS
ഗോള്ഡിന് Sold Tag റൂളുമായി കേന്ദ്രം; നിങ്ങളുടെ സ്വര്ണ്ണത്തെ എങ്ങനെ ബാധിക്കും? വന് നേട്ടമെന്ന് വിദഗ്ധര്
Gold Sold Tag: ഹാള്മാര്ക്കിംഗിനും, 6 അക്ക എച്ച്.യു.ഐ.ഡി (HUID – Hallmark Unique Identification) കോഡിനും പിന്നാലെ ഭാരതീയ സ്വര്ണ്ണ വിപണിയില് വന് പരിഷ്കരണത്തിനൊരുങ്ങി കേന്ദ്ര സര്ക്കാരും, ബ്യൂറോ ഓഫ് ഇന്ത്യന് സ്റ്റാന്ഡേര്ഡ്സും (BIS). ജുവലറികളില് നിന്നും ഉപഭോക്താക്കളിലേക്ക് എത്തുന്ന ഓരോ സ്വര്ണ്ണാഭരണത്തിന്റെയും എച്ച്.യു.ഐ.ഡി കോഡ് കേന്ദ്ര ഡാറ്റാബേസില് ‘Sold’ (വിറ്റഴിക്കപ്പെട്ടു) എന്ന് ടാഗ് ചെയ്യുന്ന പദ്ധതിയാണിത്. മോഷ്ടിക്കപ്പെടുന്ന സ്വര്ണ്ണത്തിന്റെ പുനര്വില്പ്പന തടയുക, വ്യാജ ഹാള്മാര്ക്കിംഗ് പൂര്ണ്ണമായി ഇല്ലാതാക്കുക, പഴയ സ്വര്ണ്ണം മാറ്റിയെടുക്കല് പ്രക്രിയ കൂടുതല് എളുപ്പമാക്കുക എന്നിവയാണ് ഈ പുതിയ ഡിജിറ്റല് സംവിധാനത്തിന്റെ ലക്ഷ്യങ്ങള്. പുതിയ നിയമങ്ങള് നിങ്ങള്ളുടെ സ്വര്ണ്ണത്തെ എങ്ങനെ സ്വാധീനിക്കുമെന്ന് മനസിലാക്കാം.കേന്ദ്രത്തിന്റെ വമ്പന് നീക്കംഹാള്മാര്ക്കിംഗിനും, എച്ച.യു.ഐ.ഡിക്കും ശേഷം കേന്ദ്ര സര്ക്കാര് സ്വര്ണ്ണത്തില് നടത്തുന്ന വലിയ ഇടപെടലാകും സോള്ഡ് ടാഗ് റൂള്. കേന്ദ്ര സര്ക്കാരും, ബ്യൂറോ ഓഫ് ഇന്ത്യന് സ്റ്റാന്ഡേര്ഡ്സും (BIS) ചേര്ന്നാണ് സ്വര്ണ്ണാഭരണങ്ങള്ക്ക് ‘സോള്ഡ്’ (Sold) ടാഗ്’ സംവിധാനം കൊണ്ടുവരാന് ഒരുങ്ങുന്നത്. നിലവില് സ്വര്ണ്ണത്തിന് 6 അക്ക HUID കോഡ് ഉണ്ടെങ്കിലും, കടകളില് നിന്നും സ്വര്ണ്ണം വിറ്റുപോയിക്കഴിഞ്ഞാല് പിന്നെ അത് ആരുടെ കൈയിലാണെന്ന് സര്ക്കാരിന് ട്രാക്ക് ചെയ്യാന് സാധിക്കില്ല. പുതിയ നീക്കം ഇതിന് പരിഹാരമാകും.വരഒന്ന പ്രധാന മാറ്റങ്ങള്നിങ്ങള് സ്വര്ണ്ണം വാങ്ങുമ്പോള് തന്നെ ജുവലറികള് ആ ആഭരണത്തിന്റെ HUID കോഡ് കേന്ദ്ര ഡാറ്റാബേസില് ‘Sold’ എന്ന ടാഗോട് കൂടി ചേര്ക്കും. സ്വര്ണ്ണം നഷ്ടപ്പെടുകയോ, മോഷ്ടിക്കപ്പെടുകയോ ചെയ്താല് നിങ്ങള്ക്ക് അത് റിപ്പോര്ട്ട് ചെയ്യാം. അപ്പോള് പോര്ട്ടലില് ആ ആഭരണത്തിന്റെ സ്റ്റാറ്റസ് ‘Flagged/ Stolen’ എന്നു രേഖപ്പെടുത്തും.മോഷ്ടാവ് ഈ സ്വര്ണ്ണം വില്ക്കാനോ മാറ്റിയെടുക്കാനോ ശ്രമിച്ചാല്, ജുവലറികളിലെ സ്കാനിംഗില് അത് മോഷ്ടിക്കപ്പെട്ടതാണെന്ന് ഉടനടി കണ്ടെത്താന് സാധിക്കും. പഴയ സ്വര്ണ്ണം നല്കി പുതിയത് വാങ്ങാന് ചെല്ലുമ്പോള് ജുവലറികള് ഈ HUID സ്കാന് ചെയ്യും. ഡാറ്റാബേസിലെ വിവരങ്ങളുമായി യോജിക്കുന്നുണ്ടോയെന്ന് ഉറപ്പാക്കിയ ശേഷമാകും ഇടപാട്.മലയാളികളുടെ കൈവശമുള്ള സ്വര്ണ്ണത്തെ എങ്ങനെ ബാധിക്കും?സ്വര്ണ്ണം വലിയ തോതില് വാങ്ങുകയും, സൂക്ഷിക്കുകയും ചെയ്യുന്ന മലയാളികളെ സംബന്ധിച്ച് ഈ നീക്കം വളരെ നേട്ടമാകും. സ്വര്ണ്ണം മോഷണം പോയാല് അത് രാജ്യത്തെവിടെയും വില്ക്കാന് കള്ളന്മാര്ക്ക് സാധിക്കില്ല എന്നത് സ്വര്ണ്ണം സൂക്ഷിക്കുന്നവര്ക്ക് വലിയ ആശ്വാസവും, സുരക്ഷയും നല്കും.പഴയ സ്വര്ണ്ണം മാറ്റിയെടുക്കുമ്പോള് പഴയ പേപ്പര് ബില്ലുകള് നിര്ബന്ധമായിരിക്കില്ല. വിവരങ്ങള് ഡിജിറ്റലായി പരിശോധിക്കാന് കഴിയും. ഇത് പഴയ ബില്ലുകള് സൂക്ഷിക്കാനുള്ള ബുദ്ധിമുട്ട് ഒഴിവാക്കുന്നു. ബില്ലില്ലാതെ സ്വര്ണ്ണം വാങ്ങുന്നതും, വില്ക്കുന്നതും പൂര്ണ്ണമായും ഇല്ലാതാകും. ചെറിയ ജുവലറികള് പോലും അവരുടെ ഓരോ വില്പ്പനയും അപ്പപ്പോള് തന്നെ പോര്ട്ടലില് അപ്ഡേറ്റ് ചെയ്യേണ്ടി വരും.ശ്രദ്ധിക്കേണ്ട കാര്യങ്ങള്പുതിയ നിയമങ്ങള് പ്രാബല്യത്തില് വരുമ്പോള് സ്വര്ണ്ണം വാങ്ങുന്നവര് തങ്ങളുടെ ആഭരണത്തിന്റെ HUID കോഡ് കേന്ദ്ര പോര്ട്ടലില് ‘Sold’ ആയി ജുവലറി അപ്ഡേറ്റ് ചെയ്തിട്ടുണ്ടെന്ന് ഉറപ്പാക്കണം. അത് ഇന്വോയ്സില് (ബില്ലില്) രേഖപ്പെടുത്തിയിട്ടുണ്ടെന്നും ഉറപ്പുവരുത്തുക.സ്വര്ണ്ണം വാങ്ങുമ്പോള് കൃത്യമായ മൊബൈല് നമ്പര് നല്കുകയും അത് ലിങ്ക് ചെയ്യുകയും വേണം. ഭാവിയില് സ്വര്ണ്ണം മാറ്റിയെടുക്കുമ്പോഴും വില്ക്കുമ്പോഴും എസ്എംഎസ് അല്ലെങ്കില് ഒടിപി ആവശ്യമായി വരാം. മോഷ്ടിക്കപ്പെട്ട സ്വര്ണ്ണം കള്ളന്മാര് വില്പ്പനയ്ക്ക് ശ്രമിച്ചാലും നിങ്ങള്ക്ക് അപ്ഡേറ്റ് ലഭിക്കും. സുരക്ഷിതമായ ഇടപാടുകള്ക്ക് ഇത് നിര്ബന്ധമാണ്.നിങ്ങളുടെ കൈവശമുള്ള എച്ച്.യു.ഐ.ഡി ടാഗുള്ള സ്വര്ണ്ണത്തെ പോര്ട്ടലില് ഉള്പ്പെടുത്താന് സര്ക്കാര് സഹായം ലഭിച്ചേക്കും. അതേസമയം ഹാള്മാര്ക്കിംഗ് ഇല്ലാത്ത പഴയ സ്വര്ണ്ണങ്ങളെ ഈ റൂള് ബാധിക്കില്ല.(മുകളില് പറഞ്ഞ വിവരങ്ങള് നിലവില് ലഭ്യമായ റിപ്പോര്ട്ടുകള് അടിസ്ഥാനമാക്കി മാത്രമാണ്. മോഷ്ടിക്കപ്പെടുന്ന സ്വര്ണ്ണം വിപണികളില് വില്ക്കാന് ശ്രമിച്ചാല് മാത്രമാകും ഈ സോള്ഡ് റൂള് ഫലം ചെയ്യുക. ഉരുക്കി വിറ്റാല് പ്രായോഗികമാകില്ല.)
Read News
