ഹാർദിക്കിന് പകരം യുവതാരത്തെ ചോദിച്ച് മുംബൈ; പകരം 2 താരങ്ങളെ തരാമെന്ന് ചെന്നൈ, ഒപ്പം 10 കോടിയും; വമ്പൻ ഡീൽ?

ഐപിഎൽ ചരിത്രത്തിലെ തന്നെ ഏറ്റവും വലിയ ട്രേഡ് ഡീലുകളിലൊന്നിനാണ് ക്രിക്കറ്റ് ലോകം സാക്ഷ്യം വഹിക്കാൻ പോകുന്നത്. മുംബൈ ഇന്ത്യൻസ് നായകൻ ഹാർദിക് പാണ്ഡ്യയെ സ്വന്തമാക്കാൻ ചെന്നൈ സൂപ്പർ കിങ്സ് ശ്രമിക്കുന്നെന്ന റിപ്പോർട്ടുകളാണ് ഇപ്പോൾ ചർച്ചാവിഷയം. 20 കോടിയിലധികം മൂല്യം വരുന്ന ഓഫറുകളാണ് ഈ ട്രേഡുമായി ബന്ധപ്പെട്ട് പുറത്തുവരുന്നത്. ലഭ്യമായ റിപ്പോർട്ടുകൾ പ്രകാരം മുംബൈ ഇന്ത്യൻസും ചെന്നൈ സൂപ്പർ കിങ്സും തമ്മിൽ രണ്ട് രീതിയിലുള്ള ട്രേഡ് സാധ്യതകളാണ് ഉയർന്നുവന്നിട്ടുള്ളത്. നിലവിൽ 16.35 കോടി രൂപയാണ് ഒരു സീസണിൽ ഹാർദിക്കിന് മുംബൈ ഇന്ത്യൻസ് നൽകുന്നത്.∙ സിഎസ്കെയുടെ കൗണ്ടർ ഓഫർ (ശിവം ദുബെ + ഡെവാൾഡ് ബ്രെവിസ് + 10 കോടി) എന്നാൽ ആയുഷ് മാത്രെയെ വിട്ടുനൽകാൻ സിഎസ്കെ തയാറല്ല. പകരം ശിവം ദുബെ, ദക്ഷിണാഫ്രിക്കൻ പവർ ഹിറ്റർ ഡെവാൾഡ് ബ്രെവിസ് എന്നിവർക്കൊപ്പം 10 കോടി പണമായും നൽകാമെന്നാണ് ചെന്നൈ മുന്നോട്ടുവച്ച കൗണ്ടർ ഓഫർ. ഐപിഎൽ 2026ലെ പ്രകടനങ്ങളും കളിക്കാരുടെ വിപണി മൂല്യവും താരതമ്യം ചെയ്യുമ്പോൾ ഈ ഡീൽ മുംബൈ ഇന്ത്യൻസിന് വൻ ലാഭകരമാണെന്നാണ് നിരീക്ഷകർ പറയുന്നത്. ∙ ഹാർദിക് പാണ്ഡ്യയുടെ പ്രകടനം: 2026 സീസണിൽ 206 റൺസും 4 വിക്കറ്റും മാത്രമാണ് ഹാർദിക് നേടിയത്. ഇക്കണോമി റേറ്റ് 11.43 ആയി ഉയർന്നത് തിരിച്ചടിയായി. പ്രകടനമികവ് അടിസ്ഥാനമാക്കിയുള്ള മോഡൽ പ്രകാരം ഹാർദിക്കിന്റെ മൂല്യം 5.10 കോടിയോളം മാത്രമാണ്. ∙ ശിവം ദുബെയുടെ പ്രകടനം: 158.82 സ്ട്രൈക്ക് റേറ്റിൽ 270 റൺസ് നേടിയ ദുബെ സിഎസ്കെയ്ക്കായി ഫിനിഷർ റോളിൽ തിളങ്ങി. ∙ ആയുഷ് മാത്രെയുടെ മൂല്യം: വെറും 6 ഇന്നിങ്സുകളിൽ നിന്ന് 179.46 സ്ട്രൈക്ക് റേറ്റിൽ 201 റൺസ് അടിച്ചുകൂട്ടിയ മാത്രേയുടെ അടിസ്ഥാന വില 30 ലക്ഷം മാത്രമാണ്. 7 കോടിയോളം പ്രകടന മൂല്യമുള്ള മാത്രേയെ വിട്ടുകൊടുക്കുന്നത് ചെന്നൈക്ക് വൻ നഷ്ടമാകും.∙ ഭാവി സാധ്യതകൾ


Auto ⏭️