NEWS
മൊബൈൽ ഫോൺ കൊണ്ട് ഭർത്താവിന്റെ തലയ്ക്കടിച്ചു; കുടുംബവഴക്കിനു പിന്നാലെ യുവാവിന് ദാരുണാന്ത്യം
ഭുവനേശ്വർ∙ കുടുംബവഴക്കിനെത്തുടർന്ന് ഭാര്യ മൊബൈൽ ഫോൺ കൊണ്ട് തലയ്ക്കടിച്ച ഭർത്താവ് കൊല്ലപ്പെട്ടു. ഒഡീഷയിലെ ബൊലാങ്കിർ ജില്ലയിലാണ് ദാരുണമായ സംഭവം. കഴിഞ്ഞ ശനിയാഴ്ചയാണ് ദമ്പതികൾ തമ്മിൽ വീട്ടിൽ വച്ച് തർക്കമുണ്ടായത്. വാക്കുതർക്കം രൂക്ഷമായതോടെ ഭാര്യ ഭർത്താവിന്റെ തലയിൽ മൊബൈൽ ഫോൺ ഉപയോഗിച്ച് ശക്തമായി അടിക്കുകയായിരുന്നു. ഗുരുതരമായി പരുക്കേറ്റ ഇയാളെ ഉടൻ ബൊലാങ്കിർ ജില്ലാ ആശുപത്രിയിൽ എത്തിച്ചു. ആശുപത്രിയിൽ ചികിത്സയിലായിരുന്ന ഇയാളുടെ ആരോഗ്യനിലയിൽ പുരോഗതി കണ്ടതിനെ തുടർന്ന് ഡോക്ടർമാർ ഡിസ്ചാർജ് ചെയ്ത് വീട്ടിലേക്ക് അയച്ചിരുന്നു. എന്നാൽ, വീട്ടിലെത്തിയതിനു തൊട്ടുപിന്നാലെ ആരോഗ്യനില വഷളാവുകയായിരുന്നു. ബന്ധുക്കൾ ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
Fashion ⏭️
