അടുക്കളയിൽ എക്സ്ഹോസ്റ്റ് ഫാൻ ഉപയോഗിക്കാറുണ്ടോ? ഇത് ശ്രദ്ധിക്കണം

അടുക്കളയിലെ വായുമലിനീകരണത്തെ കുറിച്ച് പലർക്കും വലിയ ബോധ്യമില്ല. വിറകടുപ്പുകളും വറുക്കലും പൊരിക്കലും ഏറെയുള്ള നമ്മുടെ നാട്ടിലെ അടുക്കളകളിൽ നിന്ന് ബഹിർഗമിക്കുന്ന പുക പതിയെ ആരോഗ്യം തകരാറിലാക്കുന്നുണ്ട്. ഇത്തരം പുകയും മണവും പുറന്തള്ളാൻ എക്സ്ഹോസ്റ്റ് ഫാനുകൾ ഉപകരിക്കും.എന്നാൽ സ്വൈര്യമായി പാചകം ചെയ്യുന്നതിനിടയ്ക്ക് എക്സ്ഹോസ്റ്റ് ഫാനുകൾ പ്രവർത്തിപ്പിക്കുമ്പോഴുള്ള ശബ്ദം പലർക്കും അരോചകമാണ്. ഈ കാരണംകൊണ്ട് എക്സ് ഹോസ്റ്റ് ഫാനുകൾ സ്ഥാപിച്ചിട്ടുണ്ടെങ്കിൽ പോലും അവ പ്രവർത്തിപ്പിക്കാത്തവരും ഏറെയാണ്. യഥാർത്ഥത്തിൽ എക്സ്ഹോസ്റ്റ് ഫാനുകൾ അടുക്കളയിലെ അനിവാര്യ ഘടകമാണോ?വീടിനും ആരോഗ്യത്തിനും എക്സ്ഹോസ്റ്റ് ഫാനുകൾ ഏറെ സഹായികളാണ് എന്നാണ് ഗവേഷണങ്ങൾ പറയുന്നത്. പാചകം ചെയ്യുമ്പോൾ പുറത്തുവരുന്ന നീരാവി, ദുർഗന്ധം, പുക, ഗ്രീസ്, മറ്റ് മലിനീകരണ വസ്തുക്കൾ എന്നിവ എക്സ്ഹോസ്റ്റ് ഫാനുകൾ പിടിച്ചെടുത്ത് ഫിൽട്ടർ ചെയ്യുന്നു. കൂടിയ ചൂടിൽ സ്റ്റൗവിൽ വച്ച് എന്തെങ്കിലും വറുത്തെടുക്കുകയാണെങ്കിൽ അതുമൂലം അധികമായി പുക പുറന്തള്ളപ്പെടും. ഈ പുക നേരിട്ട് ശ്വസിക്കുന്നത് ശ്വാസകോശത്തിനും ഹൃദയത്തിനും ദോഷമാണ്. വായുവിൽ തങ്ങിനിൽക്കുന്ന എല്ലാ അപകടകരമായ കണികകളെയും എക്‌സ്‌ഹോസ്റ്റ് ഫാൻ നീക്കം ചെയ്യുന്നില്ലെങ്കിലും അവയുമായുള്ള സമ്പർക്കം ഗണ്യമായി കുറയ്ക്കാൻ സഹായിക്കുന്നുണ്ട്.പാചക സമയത്ത് അടുക്കളയിലെ ജനാലകളും വാതിലുകളും പൂർണമായി തുറന്നിടാൻ ശ്രദ്ധിക്കണമെന്നും ഗവേഷകർ പറയുന്നു. ഒരുപരിധിവരെ അടുക്കളയിലെ മാലിന വായു നീക്കം ചെയ്യാൻ എയർ പ്യൂരിഫയറുകൾ ഉപയോഗപ്രദമാണ്. എങ്കിലും പാചകം ചെയ്യുമ്പോൾ പുറത്തുവരുന്ന വാതകങ്ങൾ അവ നീക്കം ചെയ്യുന്നില്ല എന്നതാണ് പ്രധാന പ്രശ്നം. തിരഞ്ഞെടുക്കുന്ന സ്റ്റൗവിനും അടുക്കളയിലെ മലിന വായു നിയന്ത്രിക്കുന്നതിൽ ഗണ്യമായ പങ്കുണ്ട്. മലിനീകരണത്തിന്റെ തോത് പരിഗണിക്കുമ്പോൾ ഇലക്ട്രിക് സ്റ്റൗവുകളാണ് ഗ്യാസ് സ്റ്റൗവുകളെക്കാൾ ഫലപ്രദം. സ്റ്റൗവ് പ്രവർത്തിപ്പിക്കുമ്പോൾ വായു മലിനമാക്കുന്ന വാതകങ്ങൾ പുറന്തള്ളപ്പെടുന്നില്ല എന്നതിനാലാണിത്. നേരെമറിച്ച് ഗ്യാസ് സ്റ്റൗവ് പ്രവർത്തിപ്പിക്കുമ്പോൾ ജ്വലന ഉൽപന്നങ്ങൾ പുറന്തള്ളുന്നുണ്ട്. ആസ്ത്മ അടക്കമുള്ള ശ്വസന സംബന്ധമായ രോഗാവസ്ഥകൾ ഉണ്ടാകുന്നതിന് ഇത് കാരണമാകും. മലിന വായു പുറന്തള്ളാനായി അടുക്കളയിൽ സ്ഥാപിക്കാവുന്ന വ്യത്യസ്തതരം ഫാനുകൾ വിപണിയിലുണ്ട്. ഭിത്തിയിൽ ഉൾപ്പെടുത്തുന്ന ഫ്രീ സ്റ്റാൻഡിങ് വാൾ കനോപ്പി ഫാനുകൾക്കാണ് ഏറ്റവും പ്രചാരമുള്ളത്. ഇതിനുപുറമേ അടുക്കള ക്യാബിനറ്റുകളിൽ ഘടിപ്പിക്കാവുന്ന അണ്ടർമൗണ്ട് മോഡലുകൾ, ഫിക്സഡ് മോഡലുകൾ, ആവശ്യമുള്ളപ്പോൾ പുറത്തെടുക്കുകയും തിരികെ വയ്ക്കുകയും ചെയ്യാനാവുന്ന മോഡലുകൾ എന്നിവയും വിപണിയിൽ ലഭ്യമാണ്. ഇവയിൽ തന്നെ വാൾ കനോപ്പികളും ഫിക്സഡ് മോഡലുകളുമാണ് മലിന വായു നീക്കം ചെയ്യാൻ ഏറ്റവും ഫലപ്രദമെന്നാണ് ഗവേഷകരുടെ നിഗമനം. വായു വലിച്ചെടുത്ത് ഫിൽറ്റർ ചെയ്ത ശേഷം തിരികെ മുറിയിലേക്ക് കടത്തിവിടുന്ന റീസർക്കുലേഷൻ മോഡലുകളും ഫലപ്രദമാണ്.


Source link

CINEMA

CINEMA