സീൽ U DM-i..! ഇന്ത്യയ്ക്കായി ആദ്യ പ്ലഗ്-ഇൻ ഹൈബ്രിഡ് മോഡൽ അവതരിപ്പിച്ച് BYD

ബ്രാൻഡിന്റെ രാജ്യത്തെ പൂർണ്ണ ഇലക്ട്രിക് വാഹന നിരയിൽ നിന്ന് ഗണ്യമായ ഒരു മാറ്റം അടയാളപ്പെടുത്തിക്കൊണ്ട്, BYD ഇന്ത്യ സീൽ U DM-i എന്ന ഹൈബ്രിഡ് മോഡൽ അവതരിപ്പിച്ചിരിക്കുകയാണ്. BYD ഇന്ത്യയുടെ ആദ്യത്തെ പ്ലഗ്-ഇൻ ഹൈബ്രിഡ് മോഡലാണിത്. വിപണിയിൽ പല ലക്ഷ്വറി, പെർഫോമെൻസ് കാറുകളിൽ നിലകൊള്ളുന്ന ഒരു പവർട്രെയിൻ സാങ്കേതികവിദ്യയാണ് BYD ഇതോടൊപ്പം കൊണ്ടുവരുന്നത്. 2026 അവസാനത്തോടെ സീൽ U -ന്റെ ലോഞ്ച് ഉണ്ടാവും എന്നാണ് നിർമ്മാതാക്കൾ വ്യക്തമാക്കുന്നത്.സംയോജിതമായി പെട്രോൾ & ഇലക്ട്രിക് പവറിൽ 1,200 കിലോമീറ്ററിലധികം ഡ്രൈവിങ് റേഞ്ച് BYD അവകാശപ്പെടുന്നു, ബാറ്ററിയും ട്രാക്ഷൻ മോട്ടോറും ഫുൾ ചാർജിൽ 70 കിലോമീറ്റർ വരെ പ്യുവർ ഇവി റേഞ്ച് വാഗ്ദാനം ചെയ്യുന്നു. ഡ്രൈവിങ് സാഹചര്യങ്ങളെ അടിസ്ഥാനമാക്കി ഓട്ടോമാറ്റിക്കായി തിരഞ്ഞെടുക്കുന്ന വ്യത്യസ്ത ഡ്രൈവ് മോഡുകളിൽ സിസ്റ്റം പ്രവർത്തിക്കുന്നു. സിറ്റി സ്പീഡുകളിലും സ്ലോ മൂവിങ് ട്രാഫിക്കിലും, കാർ പ്യുവർ ഇവി മോഡിലേക്ക് മാറുന്നു, ഈ സന്ദർഭത്തിൽ ബാറ്ററിയിൽ നിന്ന് മാത്രമാണ് പവർ ഉപയോഗിക്കുന്നത്.BYD സീരീസ് മോഡ് എന്ന് വിളിക്കുന്ന മോഡിൽ, പെട്രോൾ എൻജിൻ വീലുകളിലേക്ക് നേരിട്ട് പവർ നൽകുന്നില്ല, പകരം ട്രാക്ഷൻ മോട്ടോറിന് പവർ നൽകുന്ന ഒരു ജനറേറ്ററായി പ്രവർത്തിക്കുകയാണ്. എന്നാൽ പരമാവധി പെർഫോമെൻസ് ആവശ്യമുള്ളപ്പോൾ, പെട്രോൾ എൻജിൻ ഡയറക്ടായി വീലുകളിലേക്ക് എൻഗേജ് ചെയ്യും, അതേസമയം ബാറ്ററിയും ചാർജ് ചെയ്യും.


Source link