SPORTS

അണ്ടർ 19 ഏഷ്യാ കപ്പ് വിജയികൾ: ഇന്ത്യൻ ടീമിലെ ശ്രദ്ധേയ താരങ്ങൾ ഇവരാണ്

അണഞ്ഞുപോയെന്നു കരുതിയ കനലിലും വീണ്ടും കത്തുന്ന തീപ്പൊരിയുണ്ടാകും! അണ്ടർ 19 ഏഷ്യാ കപ്പ് ഫൈനലിൽ പാക്കിസ്ഥാനെ അടിയറവ് പറയിച്ച് ഇന്ത്യൻ കൗമാരപ്പട ചാമ്പ്യൻപട്ടം തിരിച്ചുപിടിച്ചപ്പോൾ ലോകം കണ്ടത് അത്തരം ഒരു തിരിച്ചുവരവാണ്. ഈ ടൂർണമെന്റിൽ ഇന്ത്യയുടെ വിജയത്തിന് ചുക്കാൻ പിടിച്ച സൂപ്പർ താരങ്ങൾ ഇവരൊക്കെയാണ്.

ആര്യവീർ സേവാഗ് (പ്രായം: 19, വലങ്കൈ ഓപ്പണിങ് ബാറ്റർ)
മുൻ ഇന്ത്യൻ ഇതിഹാസ താരം വീരേന്ദർ സേവാഗിന്റെ മകൻ എന്ന ലേബലിലായിരുന്നു ആര്യവീർ സേവാഗ് എന്ന കൗമാരക്കാരൻ ടൂർണമെന്റിലേക്ക് കാലെടുത്തുവെച്ചത്. എന്നാൽ 2026-ലെ അണ്ടർ 19 ഏഷ്യാ കപ്പിന്റെ ‘പ്ലെയർ ഓഫ് ദ് ടൂർണമെന്റ്’ എന്ന ഖ്യാതിയോടെയാണ് താരം ഇപ്പോൾ മടങ്ങുന്നത്. പങ്കെടുത്ത അഞ്ച് മത്സരങ്ങളിൽ നിന്ന് 361 റൺസാണ് ആര്യവീറിന്റെ ബാറ്റിൽ നിന്ന് പിറന്നത്. യുഎഇയ്‌ക്കെതിരായ പോരാട്ടത്തിൽ 160 റൺസ് അടിച്ചുകൂട്ടി ടൂർണമെന്റിലെ ഉയർന്ന വ്യക്തിഗത സ്കോറിനും അദ്ദേഹം ഉടമയായി. ഓഫ് സൈഡിലേക്ക് പന്ത് പായിക്കുമ്പോൾ അച്ഛന്റെ ശൈലി ഓർമ്മിപ്പിക്കാറുണ്ടെങ്കിലും, സാഹചര്യത്തിനനുസരിച്ച് പക്വതയോടെ കളിക്കാനുള്ള അസാമാന്യമായ പാടവം ആര്യവീറിനെ വേറിട്ടുനിർത്തുന്നു.

ലക്ഷ്യ റായ്ചന്ദാനി (ക്യാപ്റ്റൻ, പ്രായം: 19, വലങ്കൈ ഓപ്പണിങ് ബാറ്റർ)

അൻവയ് ദ്രാവിഡ് (പ്രായം: 17, വിക്കറ്റ് കീപ്പർ ബാറ്റർ)
ഇന്ത്യയുടെ വിശ്വസ്ത ബാറ്റർ രാഹുൽ ദ്രാവിഡിന്റെ പുത്രനായ പതിനേഴുകാരൻ അൻവയ് ദ്രാവിഡ്, ഗ്ലൗസണിഞ്ഞ കൈകളിലൂടെ അസാമാന്യമായ മികവാണ് ടൂർണമെന്റിൽ കാഴ്ച്ചവെച്ചത്. കളിച്ച അഞ്ച് മത്സരങ്ങളിൽ നിന്ന് അഞ്ച് നിർണായക ക്യാച്ചുകളും ഒരു റണ്ണൗട്ടും അൻവയ് സ്വന്തം അക്കൗണ്ടിലാക്കി. ഫൈനലിൽ പാക്കിസ്ഥാന്റെ ഓപ്പണർ ഹയം ഖാനെ കീപ്പർ ക്യാച്ചിലൂടെ മടക്കിയതും മുഹമ്മദ് സയ്യാമിനെ റണ്ണൗട്ടാക്കിയതും മത്സരത്തിന്റെ ഗതി നിർണയിച്ചു. മധ്യനിരയിൽ ഇറങ്ങി മൂന്ന് ഇന്നിങ്‌സുകളിൽ നിന്ന് 41 റൺസും താരം നേടി. അൽ അമിറാത്തിലെ വേഗതയേറിയ പിച്ചുകളിൽ സ്പൈഡർമാനെപ്പോലെ പന്തിനു പിന്നിൽ പറന്നുനടന്ന അൻവയിന് ആരാധകർ ഇപ്പോൾ ‘സ്പൈഡി അൻവയ്’ എന്ന ഓമനപ്പേരും ചാർത്തി നൽകിയിരിക്കുകയാണ്.

Auto ⏭️

Back to top button