പരുക്കേറ്റ ജസ്പ്രീത് ബുമ്രയ്ക്കു പകരക്കാരനായി, രഞ്ജിയിൽ 60 വിക്കറ്റു വീഴ്ത്തിയ പേസറെ വിളിച്ച് ഇന്ത്യൻ ടീം

മുംബൈ∙ പരുക്കിനെ തുടർന്ന് ശ്രീലങ്കയ്ക്കെതിരായ ടെസ്റ്റ് പരമ്പരയ്ക്കുള്ള ഇന്ത്യൻ ടീമിൽനിന്നു പുറത്തായ പേസർ ജസ്പ്രീത് ബുമ്രയ്ക്കു പകരക്കാരനെ പ്രഖ്യാപിച്ച് ബിസിസിഐ. ജമ്മു കശ്മീരിൽനിന്നുള്ള ആഖിബ് നബിയാണ് ബുമ്രയ്ക്കു പകരക്കാരനായി കളിക്കുക. 2026 ഐപിഎലിൽ ഡൽഹി ക്യാപിറ്റൽസിൽ കളിച്ചിട്ടുള്ള ആഖിബ് നബിയ്ക്ക് ആദ്യമായാണ് ഇന്ത്യൻ സീനിയർ ടീമിൽ അവസരം ലഭിക്കുന്നത്. പർവേസ് റസൂലിനും ഉമ്രാൻ മാലിക്കിനും ശേഷം ഇന്ത്യൻ ടീമിൽ കളിക്കുന്ന മൂന്നാമത്തെ കശ്മീർ സ്വദേശിയാണ് നബി. കശ്മീരിലെ ബാരാമുല്ലയാണ് നബിയുടെ ജന്മദേശം.പരുക്കിനെ തുടർന്ന് ഇംഗ്ലണ്ടിനെതിരായ ഏകദിന പരമ്പരയിലെ മൂന്നാം മത്സരം ബുമ്രയ്ക്കു നഷ്ടമായിരുന്നു. ഓഗസ്റ്റ് 15ന് ശ്രീലങ്കയിലെ ഗല്ലെയിലാണ് രണ്ടു മത്സരങ്ങളുള്ള ടെസ്റ്റ് പരമ്പരയിലെ ആദ്യ പോരാട്ടം. കാലിനേറ്റ പരുക്കിൽനിന്നു മുക്തനായ സായ് സുദർശനും പരമ്പര കളിക്കുന്ന കാര്യം ഉറപ്പായിട്ടില്ല. നബിക്കു പുറമേ പേസർമാരായ മുഹമ്മദ് സിറാജ്, പ്രസിദ്ധ് കൃഷ്ണ, ഗുർനൂർ ബ്രാർ എന്നിവരും ടീമിലുണ്ട്.


Auto ⏭️