എൻവിഡിയ സിഇഒ ജെൻസൻ ഹുവാങ്ങിനെ നീക്കാൻ ഡയറക്ടർ ബോർഡ് നീക്കം: റിപ്പോർട്ടുകൾ പുറത്ത്
സാൻഫ്രാൻസിസ്കോ ∙ ആഗോളതലത്തിൽ ആർട്ടിഫിഷ്യൽ ഇന്റലിജൻസ് സാങ്കേതികവിദ്യയുടെ കുതിപ്പിന് ചുക്കാൻ പിടിക്കുന്ന അമേരിക്കൻ ചിപ്പ് നിർമ്മാണ ഭീമനായ എൻവിഡിയ ഇപ്പോൾ കടുത്ത നേതൃത്വ പ്രതിസന്ധിയിലൂടെയാണ് കടന്നുപോകുന്നത്. കമ്പനിയുടെ ദീർഘകാല സിഇഒയും സഹസ്ഥാപകനുമായ ജെൻസൻ ഹുവാങ്ങിനെ സ്ഥാനത്തുനിന്ന് മാറ്റാൻ ഡയറക്ടർ ബോർഡ് ആലോചിക്കുന്നതായി പ്രമുഖ അമേരിക്കൻ മാധ്യമമായ വാൾസ്ട്രീറ്റ് ജേണൽ റിപ്പോർട്ട് ചെയ്യുന്നു.
സിംഗപ്പൂർ കേന്ദ്രമായി പ്രവർത്തിക്കുന്ന മെഗാസ്പീഡ് ഇന്റർനാഷനൽ എന്ന സ്ഥാപനത്തിലെ എക്സിക്യൂട്ടീവായ ആലിസ് ഹുവാങ്ങുമായുള്ള ജെൻസൻ ഹുവാങ്ങിന്റെ വ്യക്തിപരമായ ബന്ധമാണ് ഗുരുതരമായ സുരക്ഷാ ആശങ്കകൾക്ക് വഴിവെച്ചിരിക്കുന്നത്. ആലിസ് ഹുവാങ്ങിന് ചൈനയുടെ രഹസ്യാന്വേഷണ ഏജൻസിയായ മിനിസ്ട്രി ഓഫ് സ്റ്റേറ്റ് സെക്യൂരിറ്റിയുമായി അടുപ്പമുണ്ടോയെന്ന് അമേരിക്കൻ രഹസ്യാന്വേഷണ വിഭാഗം സംശയിക്കുന്നതായാണ് റിപ്പോർട്ടുകൾ സൂചിപ്പിക്കുന്നത്. എങ്കിലും, ഇവർക്കെതിരെ ചാരപ്രവർത്തനത്തിന് ഇതുവരെ ഔദ്യോഗികമായി തെളിവുകളൊന്നും കണ്ടെത്തിയിട്ടില്ല.
