പശ്ചിമേഷ്യൻ ആകാശത്ത് യുഎസ് ആയുധക്കരുത്തിന്റെ പ്രദർശനം; മാരകായുധങ്ങളുമായി എഫ്16 ഫൈറ്റിങ് ഫാൽക്കൺ; ഞെട്ടിക്കുന്ന ചിത്രങ്ങൾ!

പശ്ചിമേഷ്യൻ മേഖലയെ സമാനതകളില്ലാത്ത യുദ്ധഭീതിയിലാഴ്ത്തിക്കൊണ്ട് വീണ്ടും ശക്തമായ വ്യോമാക്രമണ പരമ്പര അഴിച്ചുവിട്ട് അമേരിക്കൻ സൈന്യം. തന്ത്രപ്രധാനമായ ഹോർമുസ് കടലിടുക്കിലൂടെ സഞ്ചരിക്കുകയായിരുന്ന വാണിജ്യ കപ്പലിന് നേരെ ഇറാൻ നടത്തിയ മാരകമായ ആക്രമണത്തിന് തൊട്ടുപിന്നാലെയാണ് അമേരിക്കയുടെ ഈ അടിയന്തര സൈനിക നീക്കം. ട്രംപ് നൽകിയ നേരിട്ടുള്ള ഉത്തരവിന്റെ അടിസ്ഥാനത്തിലാണ് യുഎസ് സെൻട്രൽ കമാൻഡ് ഈ ആഴ്ചയിലെ മൂന്നാമത്തെ വലിയ വ്യോമാക്രമണത്തിന് തുടക്കം കുറിച്ചതെന്ന് സൈനിക വക്താക്കൾ സ്ഥിരീകരിച്ചുഈ ദൗത്യങ്ങളിൽ മധ്യപൂർവേഷ്യൻ ആകാശത്ത് കനത്ത ആയുധശേഖരവുമായി പട്രോളിങ് നടത്തുന്ന യുഎസ് വ്യോമസേനയുടെ എഫ്16 (F16 Fighting Falcon) പോർവിമാനത്തിന്റെ ദൃശ്യങ്ങൾ ഇപ്പോൾ പുറത്തുവന്നിട്ടുണ്ട്. യുഎസ് എയർ നാഷണൽ ഗാർഡിന്റെ കെസി135 സ്ട്രാറ്റോടാങ്കർ വിമാനത്തിൽ നിന്ന് ആകാശത്തുവെച്ച് ഇന്ധനം നിറയ്ക്കുന്ന എഫ്16 ജെറ്റുകളുടെ ചിറകുകളിൽ ഘടിപ്പിച്ചിരിക്കുന്ന മാരക ആയുധങ്ങളാണ് ഇപ്പോൾ ലോകം ഉറ്റുനോക്കുന്നത്.വ്യോമാക്രമണങ്ങളെ ചെറുക്കാൻ എയർ ടു എയർ മിസൈലുകൾ (Wingtips): ചിറകുകളുടെ ഏറ്റവും അറ്റത്തായി ആകാശയുദ്ധങ്ങൾക്കുള്ള അത്യാധുനിക ഗൈഡഡ് മിസൈലുകൾ വിന്യസിച്ചിരിക്കുന്നു.  യുദ്ധവിമാനങ്ങളോ ഡ്രോണുകളോ ആക്രമിക്കാൻ എത്തിയാൽ അവയെ ആകാശത്തുവെച്ച് തന്നെ വെടിവെച്ചിടാൻ ഈ മിസൈലുകൾക്ക് സാധിക്കും.


Source link