NEWS
‘ഏതാണ് ഇത്ര വലിയ നിക്ഷേപകന്? കളവു പറഞ്ഞില്ലെങ്കിൽ മുഖ്യമന്ത്രിക്ക് സമാധാനമില്ല’
തിരുവനന്തപുരം ∙ മഴക്കെടുതിയില്പെട്ടവരെ ഒരു അടിസ്ഥാന സൗകര്യവും ഒരുക്കാതെ സര്ക്കാര് ക്യാംപുകളില് പാര്പ്പിച്ചിരിക്കുകയാണെന്നു കുറ്റപ്പെടുത്തി സിപിഎം സംസ്ഥാന സെക്രട്ടറി എം.വി.ഗോവിന്ദന്. ഇതു സംബന്ധിച്ച് നിരവധി പരാതികളാണ് ജനങ്ങളില്നിന്നു ലഭിക്കുന്നതെന്നും അദ്ദേഹം പറഞ്ഞു.15 ലക്ഷത്തോളം പേരെ എല്ലാ സൗകര്യങ്ങളോടെയും ക്യാംപുകളില് പാര്പ്പിച്ചിട്ടുള്ള ഭൂതകാലചരിത്രം കേരളത്തിനുണ്ടെന്നു എം.വി.ഗോവിന്ദന് പറഞ്ഞു. സംസ്ഥാന സര്ക്കാര് കുറ്റകരമായ അനാസ്ഥയാണ് കാട്ടിയത്. ദുരന്തബാധിത പ്രദേശങ്ങളില് നേരിട്ടെത്തി പ്രവര്ത്തനങ്ങള് ഏകോപിപ്പിക്കാന് മുഖ്യമന്ത്രി തയാറായില്ല. ഒന്നോ രണ്ടോ ഫോണ് കോളില് അവസാനിപ്പിക്കാന് കഴിയുന്ന ഉത്തരവാദിത്തമല്ല മുഖ്യമന്ത്രിയുടേത്. മഴക്കെടുതിയില് സര്വതും നഷ്ടപ്പെട്ടവരേക്കാള് തനിക്കു പ്രിയം വിരുന്നും ഉദ്ഘാടനവും ആണെന്ന രീതിയാണ് അദ്ദേഹം ആവര്ത്തിക്കുന്നത്.കേരളത്തിലെ സ്ത്രീകളെ ആകെ അപമാനിക്കുന്ന പ്രസ്താവനയാണ് ഗതാഗത മന്ത്രി സി.പി.ജോണ് നടത്തിയതെന്നും അദ്ദേഹം മാപ്പു പറയണമെന്നും എം.വി.ഗോവിന്ദന് ആവശ്യപ്പെട്ടു. മന്ത്രിയുടെ പുരുഷമേധാവിത്വ ചിന്തയില്നിന്നാണ് സ്ത്രീകള്ക്ക് ഔദാര്യം നല്കുന്നുവെന്ന തരത്തിലുള്ള പരാമര്ശം ഉണ്ടായത്. ജനങ്ങളുടെ നികുതിപ്പണത്തില്നിന്നാണ് സൗജന്യയാത്രയ്ക്കുള്ള പണം കണ്ടെത്തുന്നത്. ഏതെങ്കിലും സ്ത്രീ അപേക്ഷിച്ചിട്ടാണോ സൗജന്യയാത്ര നടപ്പാക്കിയതെന്നും എം.വി.ഗോവിന്ദന് ചോദിച്ചു.
Fashion ⏭️
