ഒടുവിൽ പടിയിറക്കം: എങ്കിലും ഈ കാര്യത്തിൽ തോൽപിക്കാനാകില്ല; ആരാധകർ അറിയാത്ത മറ്റൊരു നെയ്മാറുണ്ട്!

ലോകമെമ്പാടുമുള്ള ദശലക്ഷക്കണക്കിന് ആരാധകരുടെ നെഞ്ചിലെ ആവേശമാണ് നെയ്മാർ ജൂനിയർ. തന്റെ തനതായ ഡ്രിബ്ലിങ് ശൈലി കൊണ്ടും സർഗാത്മകത കൊണ്ടും ഫുട്ബോൾ പിച്ചിൽ വിസ്മയം തീർക്കുന്ന ഈ ബ്രസീലിയൻ സൂപ്പർ താരം, ഈ തലമുറയിലെ ഏറ്റവും മികച്ച കളിക്കാരിൽ ഒരാളായാണ് വിലയിരുത്തപ്പെടുന്നത്. ലോകത്തിലെ ഏറ്റവും വലിയ ക്ലബ്ബുകളെ പ്രതിനിധീകരിക്കുകയും നിരവധി ആഭ്യന്തര ലീഗ് കിരീടങ്ങൾ സ്വന്തമാക്കുകയും ചെയ്ത നെയ്മാറിലാണ് 2026 ഫിഫ ലോകകപ്പിൽ ബ്രസീലിന്റെയും ഫുട്ബോൾ ലോകത്തിന്റെയും കണ്ണുകൾ മുഴുവൻ.എന്നാൽ ഫുട്ബോൾ മൈതാനത്തെ മാന്ത്രികതയ്ക്ക് അപ്പുറം, റിയൽ എസ്റ്റേറ്റ് നിക്ഷേപങ്ങളുടെ കാര്യത്തിലും നെയ്മാർ ഒരു വലിയ കളിക്കാരനാണെന്ന് തെളിയിക്കുകയാണ്. ദുബായിലെ പ്രശസ്തമായ ‘ബുഗാട്ടി റെസിഡൻസ് ബൈ ബിംഗാട്ടി’ അത്യാധുനിക പെന്റ്ഹൗസാണ് ഇപ്പോൾ ആഗോളതലത്തിൽ ചർച്ചാവിഷയം.∙ ബുഗാട്ടി റെസിഡൻസസ്: ആഡംബരത്തിന്റെ ആകാശഗോപുരംദുബായിലെ ഏറ്റവും എക്സ്ക്ലൂസീവ് ആയ കെട്ടിടങ്ങളിലൊന്നിലാണ് നെയ്മാറിന്റെ ഈ സ്വപ്നതുല്യമായ വസതി സ്ഥിതി ചെയ്യുന്നത്. പ്രശസ്തമായ ‘സ്കൈ മാൻഷൻ’ പ്രോജക്ടിന്റെ ഭാഗമാണിത്. ഫ്രഞ്ച് റിവിയേരയുടെ മനോഹാരിതയിൽ നിന്നും, ലോകപ്രശസ്ത ആഡംബര കാർ ബ്രാൻഡായ ബുഗാട്ടിയുടെ രൂപകൽപ്പനയിൽ നിന്നും പ്രചോദനം ഉൾക്കൊണ്ടാണ് ഈ ബ്രാൻഡഡ് റെസിഡൻഷ്യൽ സമുച്ചയം നിർമിച്ചിരിക്കുന്നത്. ആഗോളതലത്തിൽ തന്നെ കോടീശ്വരന്മാരെയും പ്രമുഖ സെലിബ്രിറ്റികളെയും ആകർഷിക്കുന്ന അൾട്രാ–പ്രീമിയം ആർക്കിടെക്ചറിന്റെ ഉത്തമ ഉദാഹരണമാണിത്.റിയൽ എസ്റ്റേറ്റ് രംഗത്തെ വിദഗ്ധരുടെ റിപ്പോർട്ടുകൾ പ്രകാരം, ഏകദേശം 200 മില്യൻ ദിർഹത്തിനാണ് (450 കോടിയിലധികം രൂപ) നെയ്മാർ ഈ പെന്റ്ഹൗസ് സ്വന്തമാക്കിയത്. രാജ്യാന്തര കായികതാരങ്ങൾക്കും സെലിബ്രിറ്റികൾക്കും ഇടയിൽ ദുബായ് എന്ന നഗരം എത്രത്തോളം പ്രിയപ്പെട്ടതായി മാറുന്നു എന്നതിന്റെ തെളിവുകൂടിയാണ് ലോകശ്രദ്ധ ആകർഷിച്ച ഈ മെഗാ പ്രോപ്പർട്ടി ഡീൽ.∙ അകത്തളങ്ങളിലെ അദ്ഭുതങ്ങൾ


Source link

CINEMA

CINEMA