NEWS
ഫുജൈറയിൽ ലോറിയിൽ കാർ ഇടിച്ചു: രണ്ട് മലയാളികൾ മരിച്ചു, രണ്ടുപേർക്ക് പരിക്ക്
ഫുജൈറ-ഖോർഫക്കാൻ പാതയിലുണ്ടായ ദാരുണമായ വാഹനാപകടത്തിൽ യുഎഇ പൗരനായ യുവാവും അറബ് വംശജനായ കൗമാരക്കാരനും മരണപ്പെട്ടു. റോഡരികിൽ നിർത്തിയിട്ടിരുന്ന ലോറിക്ക് പിന്നിലേക്ക് ഇവർ സഞ്ചരിച്ച കാർ ഇടിച്ചു കയറിയാണ് അപകടം സംഭവിച്ചത്. സംഭവത്തിൽ പരിക്കേറ്റ മറ്റ് രണ്ട് പേരെ ഫുജൈറയിലെ ഷെയ്ഖ് ഖലീഫ സ്പെഷ്യാലിറ്റി ആശുപത്രിയിൽ പ്രവേശിപ്പിച്ചു.
തിങ്കളാഴ്ച അർധരാത്രിയോടെയാണ് നാടിനെ നടുക്കിയ ഈ അപകടം നടന്നത്. വിവരം ലഭിച്ച ഉടൻ തന്നെ ഫുജൈറ പോലീസും നാഷണൽ ആംബുലൻസ് സംഘവും സ്ഥലത്തെത്തി അടിയന്തര രക്ഷാപ്രവർത്തനങ്ങൾ പൂർത്തിയാക്കി.
അപകടത്തിന് കാരണമായ സാഹചര്യങ്ങളെക്കുറിച്ച് ഫുജൈറ പോലീസ് ട്രാഫിക് ആൻഡ് പാട്രോൾസ് വിഭാഗം ഡയറക്ടർ ബ്രിഗേഡിയർ സാലിഹ് മുഹമ്മദ് അബ്ദുല്ല അൽ ദഹാനിയുടെ നേതൃത്വത്തിൽ വിശദമായ അന്വേഷണം ആരംഭിച്ചിട്ടുണ്ട്.
