BUSINESS
Onam Special Trains: മലയാളികള്ക്ക് 100 -ല് അധികം സ്പെഷ്യല് ട്രെയിനുകളുമായി ഇന്ത്യന് റെയില്വേ; സമയക്രമവും റൂട്ടുകളും
Onam News: കേരളത്തിന്റെ ദേശീയോത്സവമായ ഓണത്തിന് മലയാളികള്ക്ക് സമ്മാനവുമായി കേന്ദ്ര സര്ക്കാര്. നിരവധി സ്പെഷ്യല് ട്രെയിനുകളാണ് ഇന്ത്യന് റെയില്വേ പ്രഖ്യാപിച്ചിരിക്കുന്നത്. രാജ്യത്തിന്റെ വിവിധ ഭാഗങ്ങളില് തമ്പടിച്ചിരിക്കുന്ന മലയാളികള്ക്ക് ഓണക്കാലത്ത് നാട്ടിലെത്തുക എന്നത് പലപ്പോഴും വലിയ പ്രശ്നമാണ്. ഈ സമയത്ത് ട്രെയിനുകളും, ബസുകളും, വിമാനങ്ങളും ഒക്കെ ഫുള് ആയിരിക്കും. ഈ പ്രശ്നത്തിന് ഒരു പരിഹാരം എന്ന നിലയിലാണ് ദക്ഷിണ റെയില്വേ സ്പെഷ്യല് ട്രെയിനുകള് പ്രഖ്യാപിച്ചത്. യാത്രക്കാരില് നിന്നുയര്ന്ന ആവശ്യം കണക്കിലെടുത്താണ് തീരുമാനം. സുരക്ഷിതമായി കുടുംബത്തോടൊപ്പം ഓണം ആഘോഷിക്കാന് നിരവധി സ്പെഷ്യല് ട്രെയിനുകളാണ് പ്രഖ്യാപിച്ചിരിക്കുന്നത്. മലയാളികള്ക്ക് വന് നേട്ടംഓണക്കാലത്തെ കനത്ത യാത്രാത്തിരക്ക് ഒഴിവാക്കാന് ഈ നടപടി സഹായിക്കും. ഏകദേശം 1 മാസം മുമ്പ് തന്നെ സ്പെഷ്യല് ട്രെയിനുകള് പ്രഖ്യാപിച്ചുവെന്നതും ശ്രദ്ധേയമാണ്. ബംഗളൂരു, ചെന്നൈ, മൈസൂരു, ഹൈദരാബാദ് തുടങ്ങി പ്രധാന നഗരങ്ങളില് നിന്നെല്ലാം തന്നെ സ്പെഷ്യല് ട്രെയിനുകളുണ്ട്. കേരളത്തിന് പുറത്ത് ജോലി ചെയ്യുന്നവര്ക്കും, പഠിക്കുന്നവര്ക്കും നാട്ടിലെത്തി കുടുംബത്തോടൊപ്പം ഓണം ആഘോഷിക്കാന് വഴിയൊരുങ്ങും. സാധാരണ ട്രെയിനുകളിലെ നീണ്ട വെയിറ്റിംഗ് ലിസ്റ്റ് കുറയ്ക്കാനും, കൂടുതല് പേര്ക്ക് കണ്ഫേംഡ് സീറ്റുകള് ലഭിക്കാനും ഈ നീക്കം സഹായിക്കും. എത്ര സ്പെഷ്യല് ട്രെയിനുകള് പ്രഖ്യാപിച്ചിട്ടുണ്ട്?കേരളത്തിലേക്ക് ഓണക്കാലത്ത് 100-ലധികം സ്പെഷ്യല് ട്രെയിനുകള് സര്വീസ് നടത്തുമെന്നാണ് കേന്ദ്ര റെയില്വേ മന്ത്രി അശ്വിനി വൈഷ്ണവ് വ്യക്തമാക്കുന്നത്. സൗത്ത് വെസ്റ്റേണ് റെയില്വേ ഇതോടകം മൈസൂരുവില് നിന്ന് ബംഗളൂരു വഴി കണ്ണൂരിലേക്കുള്ള ഓണം സ്പെഷ്യല് ട്രെയിനുകള് പ്രഖ്യാപിച്ചിട്ടുണ്ട്. ഇതിനായുള്ള അഡ്വാന്സ് റിസര്വേഷന് ജൂലൈ 18 മുതല് ആരംഭിച്ചിട്ടുമുണ്ട്. ചെന്നൈ, ബംഗളൂരു റൂട്ടുകള്ക്ക് പുറമെ ഹൈദരാബാദ്, മുംബൈ തുടങ്ങിയ നഗരങ്ങളില് നിന്നുള്ള കൂടുതല് ട്രെയിനുകളുടെ വിവരങ്ങളും സമയക്രമവും വരും ദിവസങ്ങളില് പ്രഖ്യാപിക്കുമെന്നാണ് വിവരം. പ്രധാന സര്വീസുകള്ചെന്നൈ- കൊല്ലം വീക്കിലി എസി ഇക്കോണമി സ്പെഷ്യല് (Train No. 06119 / 06120) ചെന്നൈയില് നിന്ന് ബുധനാഴ്ചകളില് (ഓഗസ്റ്റ് 12, 19, 26, സെപ്റ്റംബര് 2) വൈകുന്നേരം 3:10-ന് പുറപ്പെട്ട് അടുത്ത ദിവസം രാവിലെ 7:20-ന് കൊല്ലത്തെത്തും. മടക്ക ട്രെയിന് കൊല്ലത്തുനിന്ന് വ്യാഴാഴ്ചകളില് (ഓഗസ്റ്റ് 13, 20, 27, സെപ്റ്റംബര് 3) രാവിലെ 10:40-ന് പുറപ്പെട്ട് അടുത്ത ദിവസം പുലര്ച്ചെ 3:30-ന് ചെന്നൈയിലെത്തും. റൂട്ട്: സേലം, ഈറോഡ്, പാലക്കാട്, തൃശൂര്, ആലുവ, എറണാകുളം ടൗണ്, കോട്ടയം, ചെങ്ങന്നൂര്, കായംകുളം വഴി.മൈസൂരു- കണ്ണൂര്- ബംഗളൂരു സ്പെഷ്യല് (Train No. 06229 / 06230) മൈസൂരു- കണ്ണൂര് ട്രെയിന് (06229) ഓഗസ്റ്റ് 29 ശനിയാഴ്ച രാത്രി 11:55-ന് പുറപ്പെട്ട് അടുത്ത ദിവസം വൈകുന്നേരം 5:50-ന് കണ്ണൂരിലെത്തും. മടക്ക ട്രെയിന് കണ്ണൂരില് നിന്ന് (06230) ഓഗസ്റ്റ് 30 ഞായറാഴ്ച രാത്രി 7:45-ന് പുറപ്പെട്ട് അടുത്ത ദിവസം രാവിലെ 10:00-ന് ബംഗളൂരു കന്റോണ്മെന്റില് എത്തും. റൂട്ട്: പാലക്കാട്, ഷൊര്ണൂര്, തിരൂര്, കോഴിക്കോട്, വടകര, തലശ്ശേരി വഴി.ശ്രദ്ധിക്കേണ്ട കാര്യങ്ങള്നിരവധി സ്പെഷ്യല് ട്രെയിനുകളുണ്ടെന്ന് പറഞ്ഞ് ബുക്കിംഗ് വൈകിക്കരുത്. ബുക്കിംഗ് ഇതോടകം ആരംഭിച്ചു കഴിഞ്ഞു. യാത്രാത്തിരക്ക് കൂടുതലായതിനാല് സീറ്റുകള് വേഗത്തില് തീരാന് സാധ്യതയുണ്ട്. യാത്രയ്ക്കു മുമ്പ് NTES (National Train Enquiry System) ആപ്പ് വഴിയോ, റെയില്വേയുടെ ഔദ്യോഗിക വെബ്സൈറ്റ് വഴിയോ ട്രെയിന് സമയം, പ്ലാറ്റ്ഫോം നമ്പര് എന്നിവ കൃത്യമായി പരിശോധിക്കാവുന്നതാണ്. ഇത്തരം സ്പെഷ്യല് ട്രെയിനുകളില് ചിലപ്പോള് പാന്ററി കാര് ഉണ്ടാകണമെന്നില്ല. അതിനാല് യാത്രയ്ക്ക് ആവശ്യമായ ഭക്ഷണം കരുതുകയോ, ഐആര്സിടിസിയുടെ ഇ- കേറ്ററിംഗ് വഴി മുന്കൂട്ടി ബുക്ക് ചെയ്യുകയോ ചെയ്യുക. (മുകളില് നല്കിയ വിവരങ്ങള് നിലവില് ലഭ്യമായ റിപ്പോര്ട്ടുകളുടെ അടിസ്ഥാനത്തിലാണ്. കൂടുതല് വിവരങ്ങള്ക്ക് ഇന്ത്യന് റെയില്വേ കേന്ദ്രങ്ങള്, ഔദ്യോഗിക വെബ്സൈറ്റ്, മൊബൈല് ആപ്പ് എന്നിവ ഉപയോഗിക്കുക.)
Read News
