നാനാ പടേക്കറുടെ മരണം: ദുരൂഹത നീക്കി പോസ്റ്റ്മോർട്ടം റിപ്പോർട്ട് പുറത്ത്

പനജി ∙ പ്രമുഖ ചലച്ചിത്ര താരം നാനാ പടേക്കറുടെ മരണം ഹൃദയത്തിലെ പ്രധാന ധമനിയിലുണ്ടായ രക്തം കട്ടപിടിക്കലിനെ തുടർന്നുള്ള ഹൃദയാഘാതം മൂലമാണെന്ന് പോസ്റ്റ്‌മോർട്ടം റിപ്പോർട്ട്. ഗോവ മെഡിക്കൽ കോളജ് ആശുപത്രിയിലെ മുതിർന്ന ഡോക്ടറാണ് ഞായറാഴ്ച ഇക്കാര്യം സ്ഥിരീകരിച്ചത്. ഹൃദയത്തിന്റെ ഭൂരിഭാഗം ഭാഗങ്ങളിലേക്കും രക്തമെത്തിക്കുന്ന പ്രധാന ധമനിയിലുണ്ടായ തടസമാണ് മരണത്തിനു കാരണമായതെന്ന് പോസ്റ്റ്മോർട്ടം റിപ്പോർട്ടിൽ വ്യക്തമാക്കുന്നു. സ്വാഭാവിക മരണമാണെന്നും റിപ്പോർട്ടിൽ പറയുന്നു.ഒക്ടോബർ 8ന് പുലർച്ചെയാണ് ഗോവയിലെ വസതിയിൽ നാനാ പടേക്കർക്ക് ശാരീരിക അസ്വസ്ഥതകൾ അനുഭവപ്പെട്ടത്. തുടർന്ന് അദ്ദേഹത്തെ സമീപത്തുള്ള സ്വകാര്യ ആശുപത്രിയിലേക്ക് എത്തിക്കുകയായിരുന്നു. നടനു സുഖമില്ലെന്ന് കാണിച്ച് അദ്ദേഹത്തിന്റെ പരിചാരകൻ ആംബുലൻസിനായി ആശുപത്രിയെ സമീപിച്ചതിനെ തുടർന്ന്, ഒരു കിലോമീറ്ററിൽ താഴെ മാത്രം അകലെയുള്ള ഫ്ലാറ്റിലേക്ക് ആംബുലൻസ് അയക്കുകയായിരുന്നു. ആശുപത്രിയിൽ എത്തിച്ച ശേഷം ഡോക്ടർമാർ 45 മിനിറ്റോളം സിപിആർ നൽകി അദ്ദേഹത്തെ തിരികെ കൊണ്ടുവരാൻ ശ്രമിച്ചെങ്കിലും ഫലമുണ്ടായില്ല. പുലർച്ചെ 5.10 ഓടെ മരണം സ്ഥിരീകരിച്ചു. 


Fashion ⏭️