മലയാളികൾക്ക് ആശ്വാസം; കേരളത്തിൽ വരുന്ന രണ്ട് ദിവസം മഴ, യെല്ലോ അലർട്ട് പ്രഖ്യാപിച്ച് കാലാവസ്ഥാ വകുപ്പ്
മഴ
തിരുവനന്തപുരം: സംസ്ഥാനത്ത് വരുന്ന രണ്ട് ദിവസം മഴയ്ക്ക് സാദ്ധ്യതയെന്ന് കാലാവസ്ഥാ വകുപ്പ്. ബംഗാൾ ഉൾക്കടലിൽ ന്യൂനമർദം രൂപപ്പെട്ടതിന്റെ ഫലമായാണ് മഴ ലഭിക്കുന്നത്. സെപ്തംബർ 11, 12 തീയതികളിൽ ഒറ്റപ്പെട്ടയിടങ്ങളിൽ ശക്തമായ മഴയ്ക്ക് സാദ്ധ്യതയെന്നാണ് പ്രവചനം.
വടക്കൻ ബംഗാൾ ഉൾക്കടലിനും ബംഗ്ലാദേശ് തീരപ്രദേശത്തിനും മുകളിലായി സ്ഥിതിചെയ്യുന്ന ചക്രവാതച്ചുഴി വടക്കൻ ബംഗാൾ ഉൾക്കടലിനും സമീപ പ്രദേശങ്ങൾക്കും മുകളിലായി ന്യൂനമർദമായി ശക്തി പ്രാപിച്ചിരിക്കുകയാണ്. ഇതിന്റെ ഫലമായി 11ന് പത്തനംതിട്ട, കോട്ടയം, ഇടുക്കി, എറണാകുളം ജില്ലകളിലും 12ന് പത്തനംതിട്ട, കോട്ടയം, ഇടുക്കി, എറണാകുളം, പാലക്കാട് ജില്ലകളിലും യെല്ലോ അലർട്ട് പ്രഖ്യാപിച്ചു. സംസ്ഥാനം അതികഠിനമായ ചൂടിലേക്ക് കടക്കുന്ന സാഹചര്യത്തിൽ വന്ന മഴമുന്നറിയിപ്പ് ആശ്വാസം നൽകുന്നതാണ്.
English Summary
The Kerala Meteorology Department has predicted rainfall for the next two days, September 11 and 12, due to a low-pressure area in the Bay of Bengal. Isolated heavy rainfall is expected across the state. Yellow alerts have been issued for Pathanamthitta, Kottayam, Idukki, and Ernakulam on September 11, extending to Palakkad on September 12.
RELATED TOPICS: KERALA WEATHER UPDATE, KERALA RAIN ALERT, YELLOW ALERT KERALA, HEAVY RAIN KERALA, SEPTEMBER RAIN FORECAST
Read News ⏭️
