സൽമാൻ ഖാന്റെ സമ്മാനം, അടുക്കളയിൽ ടെന്നിസ് ടേബിൾ… ‘ഡിസൈൻ ഫ്രം ഗ്രീക്ക്’, ഇത് സാനിയയുടെ ദുബായിലെ ആഡംബര വീട്

ടെന്നിസ് കോർട്ടിലെ തരംഗമായിരുന്ന സാനിയ മിർസയുടെ ദുബായിലെ ആഡംബര വസതി ആരാധകർക്ക് ഒരു വിസ്മയമാണ്. രണ്ട് നിലകളാണ് സാനിയയുടെ ദുബായിലെ വില്ലയ്ക്ക് ഉള്ളത്. ‘തിരക്കുകളിൽ നിന്നെല്ലാം ഒഴിഞ്ഞ് സമാധാനം കണ്ടെത്താനുള്ള ഇടമായിരിക്കണം വീട്’ എന്നതാണ് സാനിയയുടെ കാഴ്ചപ്പാട്. അത് കൃത്യമായി ഈ വീട്ടിൽ പ്രതിഫലിക്കുന്നത് കാണാം. വീട്ടിലെ സന്തോഷ നിമിഷങ്ങളുടെ ചിത്രങ്ങൾ സാനിയ തന്നെ ഇൻസ്റ്റഗ്രാമിലൂടെ പങ്കുവയ്ക്കാറുമുണ്ട്. ഗ്രീക്ക് ശൈലിയിലുള്ള വരവേൽപ്മാളികയുടെ പ്രവേശന കവാടം തന്നെ ഗ്രീക്ക് വാസ്തുവിദ്യയെ അനുസ്മരിപ്പിക്കുന്ന ശൈലിയിലാണ് ഡിസൈൻ ചെയ്തിരിക്കുന്നത്.  സ്വർണ പാറ്റേൺ അലങ്കാരങ്ങളുള്ള വലിയ വെളുത്ത ടഫ്റ്റഡ് സോഫ, പിങ്ക് വെൽവെറ്റ് സോഫ, കടും നീല നിറത്തിലുള്ള ആംചെയർ എന്നിവയാണ് സ്വീകരണമുറിയിലെ പ്രധാന ആകർഷണം. മുറിയുടെ മധ്യഭാഗത്തായി ചതുരാകൃതിയിലുള്ള കോഫി ടേബിൾ സജ്ജീകരിച്ചിട്ടുണ്ട്. സൽമാൻ ഖാന്റെ സമ്മാനവും അടുക്കളയിലെ ടെന്നിസ് ടേബിളുംകൂടുതൽ വിശ്രമകരമായ അന്തരീക്ഷത്തിൽ മറ്റൊരു സ്വീകരണമുറി കൂടി വീട്ടിലുണ്ട്. ഇളം ചാരനിറത്തിലുള്ള വലിയ എൽ-ഷേപ്പ് സെക്ഷനൽ സോഫയും നീല-ചാര തലയണകളും വലിയ ഓട്ടോമാനും ഇവിടെയുണ്ട്. സാനിയയും മകൻ ഇഷാനും ഒന്നിച്ചുള്ള വലിയൊരു ക്യാൻവാസ് ഛായാചിത്രം ഇവിടെ കാണാം. ഇതൊരു ആരാധകൻ സമ്മാനിച്ചതാണെന്ന് സാനിയ വ്യക്തമാക്കുന്നു.വലിയ ജനാലകളിലൂടെ പ്രകൃതിദത്ത വെളിച്ചം ഉള്ളിലേക്ക് ഒഴുകിയെത്തുന്നു. അലങ്കാരപ്പണികളുള്ള ഗോവണിപ്പടിയും ഡൈനിങ് ഏരിയയും ഇതിനോട് ചേർന്നുനിൽക്കുന്നുണ്ട്.


Cinema ⏭️