NEWS
സഹകരണ പരീക്ഷാബോർഡ് രാജിവച്ചു
തിരുവനന്തപുരം: സഹകരണ പരീക്ഷാബോർഡ് ചെയർമാനും അംഗങ്ങളും രാജിവച്ചു. പരീക്ഷാബോർഡ് ചെയർമാൻ എസ്. യു. രാജീവ്, അംഗങ്ങളായ എ.കെ.അഗസ്തി, അഡ്വ. ബിന്ദു എന്നിവരാണ് രാജിവച്ചത്. രാജിക്കത്ത് സഹകരണ സെക്രട്ടറിക്ക് കൈമാറി. പുതിയ ബോർഡുകൾ രൂപീകരിക്കാൻ സർക്കാർ തീരുമാനിച്ച സാഹചര്യത്തിലാണ് രാജി. ഇന്നലെ പരീക്ഷാബോർഡ് യോഗം ചേർന്നിരുന്നു. നിരവധി പരീക്ഷകൾ നടത്താൻ ബാക്കിയുണ്ട്. എന്നാൽ പുന:സംഘടിപ്പിക്കാൻ സർക്കാർ തീരുമാനിച്ചതിനാൽ രാജിവയ്ക്കുകയായിരുന്നു.
