NEWS
കേരള ബാങ്കിൽ ഇന്റർനെറ്റ് ബാങ്കിംഗ്
തിരുവനന്തപുരം:കേരള ബാങ്കിന് ഇന്റർനെറ്റ് ബാങ്കിംഗ് നടത്താൻ റിസർവ്വ് ബാങ്ക് അനുമതി നൽകി. ഇതോടെ ബാങ്ക് ശാഖയിൽ വരാതെ തന്നെ ജനങ്ങൾക്ക് 24 മണിക്കൂറും ബാങ്ക് ഇടപാടുകൾ നടത്താനാകും. അംഗസംഘങ്ങളായ പ്രാഥമിക കാർഷിക വായ്പാ സംഘങ്ങൾക്കും ഇതരസ്ഥാപനങ്ങൾക്കും കേരള ബാങ്ക് വഴി ഇന്റർനെറ്റ് ബാങ്കിംഗ് സൗകര്യങ്ങൾ ലഭിക്കും. അംഗസംഘങ്ങൾക്ക് കേരള ബാങ്കിലുള്ള അക്കൗണ്ട് ഉപയോഗിച്ച് ആർ.ടി.ജി.എസ്,നെഫ്റ്റ്, ഉൾപ്പെടെയുള്ള ഇന്റർനെറ്റ് ബാങ്കിംഗ് സേവനങ്ങൾ നടത്താം.
