ഏഷ്യൻ ഗെയിംസിൽ ഇന്ത്യയ്ക്ക് ആദ്യ സ്വര്‍ണം, വനിതാ ക്രിക്കറ്റ് ഫൈനലിൽ ശ്രീലങ്കയ്ക്കെതിരെ 147 റൺസ് വിജയം

നഗോയ∙ ഏഷ്യൻ ഗെയിംസിൽ ഇന്ത്യയ്ക്ക് ആദ്യ സ്വർണം. വനിതാ ക്രിക്കറ്റ് ഫൈനലിൽ ശ്രീലങ്കയെ വീഴ്ത്തിയാണ് ഇന്ത്യയുടെ സ്വര്‍ണ നേട്ടം. ഇന്ത്യയുയർത്തിയ 217 റൺസ് വിജയലക്ഷ്യം പിന്തുടർന്ന ശ്രീലങ്ക 15.4 ഓവറിൽ 69 റൺസെടുത്ത് ഓൾഔട്ടായി.ഫൈനലിൽ ടോസ് നേടി ബാറ്റിങ്ങിനിറങ്ങിയ ഇന്ത്യ 99 റൺസിന്റെ ഒന്നാം വിക്കറ്റ് കൂട്ടുകെട്ടാണു പടുത്തുയർത്തിയത്. പവർപ്ലേയിൽ വിക്കറ്റു കളയാതെ 67 റൺസെടുത്ത ഇന്ത്യ, 10.1 ഓവറിലാണ് 100 പിന്നിട്ടത്. സ്കോർ 99 ൽ നില്‍ക്കെ ഷെഫാലിയെ പുറത്താക്കി ചമുദി പ്രബോധയാണ് ഇന്ത്യയുടെ ഓപ്പണിങ് കൂട്ടുകെട്ട് പൊളിച്ചത്. സ്മൃതിയും ക്യാപ്റ്റൻ ഹർമൻപ്രീതും കൈകോർത്തതോടെ ഇന്ത്യൻ സ്കോർ ഉയർന്നു. ഇന്നിങ്സിന്റെ 15–ാം ഓവറിൽ കവിഷ ദിൽഹരിയുടെ പന്തിൽ ലങ്കൻ ക്യാപ്റ്റൻ ചമരി അത്തപ്പത്തു ക്യാച്ചെടുത്ത് ഹർമൻപ്രീതിനെ മടക്കി. തൊട്ടുപിന്നാലെ സുഗന്ധിക കുമാരിയുടെ പന്തിൽ സ്മൃതിയും വീണു. 


Auto ⏭️