NEWS
ജർമനിയിൽ ഹൈവേയിലേക്ക് തകർന്നുവീണ ചെറുവിമാനം; രണ്ട് മരണം
ബർലിൻ: ജർമനിയിലെ മാഗ്ഡെബുർഗിന് സമീപമുള്ള എ-2 ഓട്ടോബാൻ ഹൈവേയിൽ ചെറുവിമാനം തകർന്നുണ്ടായ അപകടത്തിൽ രണ്ട് പേർക്ക് ദാരുണാന്ത്യം. വെള്ളിയാഴ്ച ഉച്ചയ്ക്ക് ശേഷമുണ്ടായ ഈ ദൗർഭാഗ്യകരമായ സംഭവത്തിൽ ബുർഗിനും ക്രഹൻബെർഗെയ്ക്കും ഇടയിലുള്ള ഹൈവേ ഭാഗത്താണ് വിമാനം തകർന്നുവീണത്.
നിയന്ത്രണം വിട്ട് ഹൈവേയിലേക്ക് പതിച്ച വിമാനം നിമിഷനേരം കൊണ്ട് അഗ്നിക്കിരയാവുകയായിരുന്നു. അപകടത്തെക്കുറിച്ച് വിവരം ലഭിച്ച ഉടൻ തന്നെ പൊലീസും ഫയർഫോഴ്‌സ് സംഘവും സ്ഥലത്തെത്തി രക്ഷാപ്രവർത്തനങ്ങൾ ആരംഭിച്ചെങ്കിലും, വിമാനത്തിലുണ്ടായിരുന്ന രണ്ട് പേരെയും രക്ഷിക്കാൻ സാധിച്ചില്ല. ഇരുവരും സംഭവസ്ഥലത്തുവെച്ചുതന്നെ മരണപ്പെട്ടതായി അധികൃതർ സ്ഥിരീകരിച്ചു.
