NEWS

റിയാദ്: ഹൂതി മിസൈൽ ആക്രമണം, പിഐഎഫ് ആസ്ഥാന മന്ദിരത്തിന് നാശനഷ്ടം

റിയാദ് ∙ സൗദി അറേബ്യയുടെ തലസ്ഥാന നഗരിയായ റിയാദിലേക്ക് യെമനിലെ ഹൂതി വിമതർ നടത്തിയ മിസൈൽ ആക്രമണത്തിൽ രാജ്യത്തെ പ്രമുഖ പരമാധികാര നിക്ഷേപ സ്ഥാപനമായ പബ്ലിക് ഇൻവെസ്റ്റ്മെന്റ് ഫണ്ടിന്റെ (പിഐഎഫ്) ആസ്ഥാന മന്ദിരത്തിന് നാശനഷ്ടങ്ങൾ നേരിട്ടു. ഇന്ന് പുലർച്ചെയോടെ റിയാദിന്റെ വിവിധ ഭാഗങ്ങളിൽ ശക്തമായ സ്ഫോടന ശബ്ദം കേട്ടതായി റിപ്പോർട്ടുകൾ പുറത്തുവരുന്നുണ്ട്.

സൗദി സഖ്യസേനയുടെ ഔദ്യോഗിക വക്താവ് ബ്രിഗേഡിയർ തുർക്കി അൽ മാൽക്കി വ്യക്തമാക്കിയതനുസരിച്ച്, ഹൂതികൾ റിയാദിനെ ലക്ഷ്യം വെച്ച് തൊടുത്തുവിട്ട മിസൈൽ പ്രതിരോധ സംവിധാനങ്ങൾ ഉപയോഗിച്ച് തകർക്കുകയായിരുന്നു. എന്നാൽ, മിസൈലിന്റെ അവശിഷ്ടങ്ങൾ പതിച്ചതിനെത്തുടർന്നാണ് പിഐഎഫ് ആസ്ഥാനത്തിന് കേടുപാടുകൾ സംഭവിച്ചതെന്നാണ് പ്രാഥമിക നിഗമനം.

അതേസമയം, യെമന്റെ തലസ്ഥാനമായ സനയിലെ ഒരു തുണിത്തരങ്ങൾ നിർമിക്കുന്ന ഫാക്ടറിക്ക് നേരെ സൗദി സഖ്യസേന ആക്രമണം നടത്തിയെന്ന് ഹൂതി അനുകൂല മാധ്യമങ്ങൾ ആരോപണമുന്നയിച്ചു. എന്നാൽ ഈ വാദം നിഷേധിച്ച സൗദി സഖ്യസേന, റിയാദിലേക്ക് മിസൈൽ വിക്ഷേപിക്കാൻ ഹൂതികൾ ഉപയോഗിച്ച ധമാറിലെ ബാലിസ്റ്റിക് മിസൈൽ ലോഞ്ചർ തങ്ങളുടെ സേന തകർത്തു കളഞ്ഞതായി അറിയിച്ചു.

Fashion ⏭️

Back to top button