അടൂരിന്റെ പരസ്യവിമർശനം: മൂന്നുമാസം പ്രായമായ കുഞ്ഞിനെ വളരാൻ അനുവദിക്കണമെന്ന് ഷാനിമോൾ ഉസ്മാൻ
ഷാനിമോൾ ഉസ്മാൻ
തിരുവനന്തപുരം: മുഖ്യമന്ത്രി വിഡി സതീശനെതിരായ യുഡിഎഫ് കൺവീനർ അടൂർപ്രകാശിന്റെ പരസ്യവിമർശനത്തിൽ പ്രതികരിച്ച് ഡെപ്യൂട്ടി സ്പീക്കർ ഷാനിമോൾ ഉസ്മാൻ. മൂന്നുമാസം പ്രായമായ കുഞ്ഞിനെ വളരാൻ അനുവദിക്കണമെന്ന് അവർ പറഞ്ഞു. താൻ പറഞ്ഞതിൽ എല്ലാമുണ്ടെന്നും ഡെപ്യൂട്ടി സ്പീക്കർ കൂട്ടിച്ചേർത്തു. ഗാന്ധി ജയന്തി ദിനത്തിൽ മാദ്ധ്യമങ്ങളോട് സംസാരിക്കവെയാണ് ഷാനിമോൾ ഉസ്മാന്റെ പ്രതികരണം.
ജനങ്ങൾ വലിയ ഉത്സാഹത്തോടെ അധികാരത്തിലേറ്റിയ സർക്കാരിൽ നിന്ന് മികച്ച കാര്യങ്ങളാണ് തിരിച്ച് പ്രതീക്ഷിക്കുന്നതെന്നും അതുകൊണ്ട് പ്രശ്നങ്ങൾ പരിഹരിച്ച് പരസ്പരം സഹകരിച്ച് നേതാക്കൾ മുന്നോട്ടുപോകണമെന്നും സ്പീക്കർ തിരുവഞ്ചൂർ രാധാകൃഷ്ണനും പ്രതികരിച്ചു.
ജനകീയ പ്രശ്നങ്ങൾ പരിഹരിക്കുന്നതിനായി വ്യത്യസ്തമായ നിലപാടുകൾ ഒഴിവാക്കി ഏകശിലാമനോഭാവത്തോടെ ഒന്നിച്ച് നിൽക്കാൻ നേതൃത്വത്തിന് കഴിയണമെന്നും അദ്ദേഹം പറഞ്ഞു. യുഡിഎഫ് യോഗം വിളിച്ചുച്ചേർക്കുന്നില്ലെന്ന അടൂർപ്രകാശിന്റെ വിമർശനത്തെക്കുറിച്ചുള്ള മാദ്ധ്യമങ്ങളുടെ ചോദ്യത്തിന് അത് യുഡിഎഫിന്റെ ആഭ്യന്തര ചർച്ചകളിൽ പരിഹരിക്കേണ്ട കാര്യമാണെന്നായിരുന്നു തിരുവഞ്ചൂരിന്റെ മറുപടി.
English Summary
Deputy Speaker Shanimol Usman responded to UDF convenor Adoor Prakash’s public criticism of Chief Minister V.D. Satheesan, saying the three-month-old government should be given time to grow. She added that her earlier statement spoke for itself.
RELATED TOPICS: ADOOR PRAKASH, CM SHANIMOL USMAN, CM VD SATHEESAN, SPEAKER THIRUVANCHOOR, UDF
Read News ⏭️
